Markus 10
10
Ekkitinol Yeesu dow ceergal
(Matta 19.1-12 ; Luka 16.18)
1Yeesu ummii Kafarnahum, o yahi lesdi *Yahuudiya e fu'una *maayo Urdun. Jama'aare ɓesdi hawritgo to ma'ako, o ekkitini ɓe, noon no o voovi waɗgo.
2Sey woɓɓe *Fariisa'en ngari to ma'ako, gam ɓe nanngira mo haala, ɓe ƴami mo ɓe mbi'i :
— E giiɗe maaɗa, *Tawreeta hokkii neɗɗo laawol seergo debbo muuɗum naa ?
3Yeesu toontii ɓe vi'i :
— Kaye dooka *Muusa hokki on ?
4Ɓe mbi'i :
— Muusa vi'ii to neɗɗo seerii debbo muuɗum, sey hokka mo ɗereewol ceergal.
5Sey Yeesu vi'i ɓe :
— Gam jo'oral ɓerɗe mooɗon waɗi Muusa vinndani on dooka kaan. 6Ammaa ila fuɗɗam, Allah tagii ɓe, waɗii ɓe gorko e debbo.#10.6 Fuɗɗoode 1.27 ; 5.2 7Gam ma'ajum gorko no seedey e baaba muuɗum e inna muuɗum, takkootira e debbo muuɗum, 8ɓe fuu ɗiɗo ɓe laatoo ɓanndu wo'oru. Faa abadaa ɓe laatataako ɗiɗo kadi, ammaa ɓe laatoto go'oto.#10.7-8 Fuɗɗoode 2.24 9Gam ma'ajum, to' neɗɗo senndu ko Allah hawti.
10Nde ɓe mbitti wuro, *almaajiri'en ƴami mo dow haala kaan. 11Sey o vi'i ɓe :
— Koo moye seeri debbo muuɗum hoovii goɗɗo, njeenu o waɗata. 12To debbo seedii e gorko muuɗum hoovake goɗɗo, kanko maa njeenu o waɗata.
Yeesu barkiɗinii ɓikkon
(Matta 19.13-15 ; Luka 18.15-17)
13Yimɓe e ngadda ɓikkon to Yeesu gam o barkiɗina kon, ammaa *almaajiri'en ma'ako peli ɓe. 14Nde Yeesu yi'i ɗum, ɓernde ma'ako metti, o vi'i ɓe :
— Ngooree ɓikkon ngara to am. To' on kaɗ kon, gam woonɓe ɓerɗe iri ɗe ma'akon njeyi *laamu Allah. 15Emi vi'a on goonga : mo jaɓaay laamu Allah kama ɓinngel pamarel fuu, o nattataa ngu sam !
16Sey Yeesu wuundii kon go'otel-go'otel, o yowi juuɗe ma'ako dow ma'akon, o barkiɗini kon.
Yeesu e gorko diskuɗo
(Matta 19.16-30 ; Luka 18.18-30)
17Nde Yeesu nanngi laawol, sey goɗɗo gorko nyaaroyi wari diccii yeeso ma'ako, ƴami mo vi'i :
— Moodibbo geeto, noye mbaɗeymi mi heɓa yonki ɗum faa abadaa ?
18Yeesu vi'i mo :
— Ko jeyi noddirɗaa yam geeto ? Geeto walaa, sey Allah tan. 19A anndi ko Tawreeta vi'i : « Ta'a waɗ war-hoore.#10.19a Burtaaki 20.13 ; Tokkitaaki Tawreeta 5.17 Ta'a waɗ njeenu.#10.19b Burtaaki 20.14 ; Tokkitaaki Tawreeta 5.18 Ta'a wujju.#10.19c Burtaaki 20.15 ; Tokkitaaki Tawreeta 5.19 Ta'a saaydo fewre.#10.19d Burtaaki 20.16 ; Tokkitaaki Tawreeta 5.20 Ta'a ƴoynu goɗɗo njaɓaa jawdi ma'ako. Teddin baaba maaɗa e inna maaɗa. » #10.19e Burtaaki 20.12 ; Tokkitaaki Tawreeta 5.16
20Sey o vi'i Yeesu :
— Moodibbo, emi jogii ku'uje ɗeen fuu ila mi pamaro.
21Yeesu raari mo, yiɗi mo, vi'i :
— Hu'unde wo'ore tan horani ma. Yah soorru ko ngoonɗaa fuu, kokkaa ceede ɗeen sooyɓe, a heɓey risku toon dow. Ndeen ngaraa tokkaa yam.
22Nde neɗɗo oon nani ka, ɓernde ma'ako metti, o dilli emo nyorii, gam o diskuɗo korey.
23Yeesu raari almaajiri'en muuɗum, vi'i ɓe :
— Eɗum saɗi diskuɗo natta *laamu Allah !
24Almaajiri'en kaayɗini dow ko o vi'i, ammaa Yeesu ɓesdi vi'igo ɓe :
— Ɓikkon am, nattugo laamu Allah e saɗi ! 25Ɗum ɓurey hoygo ngeelooba nattira vuroode laynal, dow e diskuɗo natta laamu Allah.
26Almaajiri'en kaayɗini korey, ɓe mbi'i mo :
— Too, to ɗum noon, moye hisata ?
27Yeesu raari ɓe vi'i :
— Ko saɗi e neɗɗo, saɗantaa Allah. Gam to ma'ako, koo ɗume fuu no baɗotooɗum.
28Sey Biiturus vi'i mo :
— Rah, min ngoorii koo ɗume, min tokkii ma.
29Yeesu vi'i :
— Emi vi'a on goonga : koo moye woori wuro muuɗum, koo rimdaaɓe, koo danyooɓe muuɗum, koo ɓiɓɓe muuɗum, koo gese muuɗum, gam am e gam Habaru Belɗum, 30o heɓey ko ɓuri ɗum covi hemre (100) nder ndu'u jaamaniiru. O heɓey gure e rimdaaɓe e danyooɓe e ɓiɓɓe e gese, o torrete boo. Nder wakkaci gareyɗum boo, o heɓey yonki ɗum faa abadaa. 31Ammaa aramɓe ɗuuɗɓe no laatoto sakitiiɓe, sakitiiɓe boo no laatoto aramɓe.
Yeesu ɓesdii volvugo dow maayde muuɗum
(Matta 20.17-19 ; Luka 18.31-34)
32Yeesu e *almaajiri'en muuɗum sappo e ɗiɗo e tokkuɓe mo horiiɓe e dow laawol yahago *Urusaliima, Yeesu e aardii ɓe. Almaajiri'en ma'ako sappo e ɗiɗo ɓeen ngaannake, tokkuɓe mo horiiɓe boo kuli. Yeesu ɓesdi noddi almaajiri'en muuɗum ɓeen vuttudu, o fuɗɗi yeccaago ɓe ko heɓata mo, 33o vi'i :
— Rah, en njahey Urusaliima, *Ɓii-Neɗɗo no hokkitirte nder juuɗe *mawɓe aardiiɓe diina e *moodiɓɓe Tawreeta. Ɓe taƴana mo ceri'a maayde, ɓe kokka mo nder juuɗe *yimɓe ɓe laataaki Yahuudu'en. 34Ɓeen njaltinira mo, ɓe tuutana mo joode, ɓe piira mo looci, ɓe mbara mo. Ndeen ɓaawo balɗe tati o ummitoto nder maayde.
Tornde Yaakuubu e Yahayya
(Matta 20.17-19 ; Luka 18.31-34)
35Sey Yaakuubu e Yahayya ɓiɓɓe Jabadi ɓattii Yeesu mbi'i :
— Moodibbo, emin ngiɗi mbaɗanaa min ko min tori maa fuu.
36Yeesu vi'i ɓe :
— Ɗume ngiɗɗon mi waɗana on ?
37Ɓe mbi'i :
— To a jooɗake dow jooɗorgal laamu e teddungal maaɗa, emin ngiɗi go'oto amin jooɗoo e junngo maaɗa nyaamo, go'oto boo e nano.
38Ammaa Yeesu vi'i ɓe :
— On anndaa ko torotooɗon. On mbaawi yargo iri jardugel torraa ngel njareymi ɗo'o yeeso naa ? Nakay on mbaawi suuveego nder torraa iri ka cuuveteemi ɗo'o yeeso, noon no neɗɗo suuɓretee nder ndiyam *baptisma ?
39Ɓe mbi'i :
— Ee, emin mbaawi.
Sey Yeesu vi'i ɓe :
— On njarey iri jardugel torraa ngel njareymi, e waɗaneego baptisma iri ɗum mbaɗanteemi. 40Ammaa jooɗaago e junngo am nyaamo koo nano, wanaa miin hokkata ɗum. Ɗe'e jaaje ɗum ɗe ɓeen ɓe ɗum siryanii ɗe.
41Nde almaajiri'en sappo horiiɓe nani ɗum, ɓe kuunƴani Yaakuubu e Yahayya. 42Sey Yeesu noddi ɓe vi'i :
— On anndi laamiiɓe *leƴƴi ɗi laataaki Yahuudu'en e laamoranoo yimɓe mu''en e semmbee, mawɓe maɓɓe boo e kolla ɓe baawɗe. 43Ammaa onon, to' ɗum laato noon nder mooɗon. Giɗɗo laataago mawɗo nder mooɗon fuu, e haani o laatoo jaggantooɗo on. 44Kadimaa giɗɗo laatoo aardiiɗo nder mooɗon, e haani o laatoo maccuɗo koo moye. 45Sabu *Ɓii-Neɗɗo waraay gam jagganee, ammaa gam o jaggana yimɓe, o hokka yonki ma'ako gam soottaago yimɓe ɗuuɗɓe.
Bumtineeki Bartimaawus
(Matta 20.29-34 ; Luka 18.35-43)
46Yeesu e *almaajiri'en muuɗum njottii si'ire Jeriiko. Wakkaci kanko e almaajiri'en ma'ako e jama'aare ɓe mburtotoo Jeriiko, ɓe njaali goɗɗo bumɗo bi'eteeɗo Bartimaawus, waato ɓii Timaawus, e jooɗii ha'ade laawol toroo. 47Nde o nani ɗum Yeesu mo Najaratu ƴaɓɓotoo, o fuɗɗi noddugo e semmbee, emo vi'a :
— Yeesu ɓii-Dawda, nan jurumɗum am !
48Yimɓe ɗuuɗɓe nyaaɗani mo mbi'i o de''ita, ammaa o ɓesdi noddugo e semmbee, emo vi'a :
— Ɓii-Dawda, nan jurumɗum am !
49Yeesu darii vi'i :
— Noddanee yam mo.
Ɓe noddi bumɗo oon, ɓe mbi'i mo :
— A veli ! Umma, emo noddu maa.
50O rooptii, o ferti burnus ma'ako, o yahi to Yeesu.
51Yeesu ƴami mo vi'i :
— Ɗume ngiɗɗaa mi waɗan maa ?
Bumɗo oon toontii mo vi'i :
— Moodibbo, emi yiɗi mbumtinaa yam.
52Sey Yeesu vi'i mo :
— Yah ! Goonɗinki maaɗa yamɗitinii ma.
Ɗoon e ɗoon gite ma'ako mbumti, o tokki Yeesu, ɓe ndillidi.
Одоогоор Сонгогдсон:
Markus 10: fuq
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2015, Wycliffe Bible Translators, Inc. All rights reserved.
Markus 10
10
Ekkitinol Yeesu dow ceergal
(Matta 19.1-12 ; Luka 16.18)
1Yeesu ummii Kafarnahum, o yahi lesdi *Yahuudiya e fu'una *maayo Urdun. Jama'aare ɓesdi hawritgo to ma'ako, o ekkitini ɓe, noon no o voovi waɗgo.
2Sey woɓɓe *Fariisa'en ngari to ma'ako, gam ɓe nanngira mo haala, ɓe ƴami mo ɓe mbi'i :
— E giiɗe maaɗa, *Tawreeta hokkii neɗɗo laawol seergo debbo muuɗum naa ?
3Yeesu toontii ɓe vi'i :
— Kaye dooka *Muusa hokki on ?
4Ɓe mbi'i :
— Muusa vi'ii to neɗɗo seerii debbo muuɗum, sey hokka mo ɗereewol ceergal.
5Sey Yeesu vi'i ɓe :
— Gam jo'oral ɓerɗe mooɗon waɗi Muusa vinndani on dooka kaan. 6Ammaa ila fuɗɗam, Allah tagii ɓe, waɗii ɓe gorko e debbo.#10.6 Fuɗɗoode 1.27 ; 5.2 7Gam ma'ajum gorko no seedey e baaba muuɗum e inna muuɗum, takkootira e debbo muuɗum, 8ɓe fuu ɗiɗo ɓe laatoo ɓanndu wo'oru. Faa abadaa ɓe laatataako ɗiɗo kadi, ammaa ɓe laatoto go'oto.#10.7-8 Fuɗɗoode 2.24 9Gam ma'ajum, to' neɗɗo senndu ko Allah hawti.
10Nde ɓe mbitti wuro, *almaajiri'en ƴami mo dow haala kaan. 11Sey o vi'i ɓe :
— Koo moye seeri debbo muuɗum hoovii goɗɗo, njeenu o waɗata. 12To debbo seedii e gorko muuɗum hoovake goɗɗo, kanko maa njeenu o waɗata.
Yeesu barkiɗinii ɓikkon
(Matta 19.13-15 ; Luka 18.15-17)
13Yimɓe e ngadda ɓikkon to Yeesu gam o barkiɗina kon, ammaa *almaajiri'en ma'ako peli ɓe. 14Nde Yeesu yi'i ɗum, ɓernde ma'ako metti, o vi'i ɓe :
— Ngooree ɓikkon ngara to am. To' on kaɗ kon, gam woonɓe ɓerɗe iri ɗe ma'akon njeyi *laamu Allah. 15Emi vi'a on goonga : mo jaɓaay laamu Allah kama ɓinngel pamarel fuu, o nattataa ngu sam !
16Sey Yeesu wuundii kon go'otel-go'otel, o yowi juuɗe ma'ako dow ma'akon, o barkiɗini kon.
Yeesu e gorko diskuɗo
(Matta 19.16-30 ; Luka 18.18-30)
17Nde Yeesu nanngi laawol, sey goɗɗo gorko nyaaroyi wari diccii yeeso ma'ako, ƴami mo vi'i :
— Moodibbo geeto, noye mbaɗeymi mi heɓa yonki ɗum faa abadaa ?
18Yeesu vi'i mo :
— Ko jeyi noddirɗaa yam geeto ? Geeto walaa, sey Allah tan. 19A anndi ko Tawreeta vi'i : « Ta'a waɗ war-hoore.#10.19a Burtaaki 20.13 ; Tokkitaaki Tawreeta 5.17 Ta'a waɗ njeenu.#10.19b Burtaaki 20.14 ; Tokkitaaki Tawreeta 5.18 Ta'a wujju.#10.19c Burtaaki 20.15 ; Tokkitaaki Tawreeta 5.19 Ta'a saaydo fewre.#10.19d Burtaaki 20.16 ; Tokkitaaki Tawreeta 5.20 Ta'a ƴoynu goɗɗo njaɓaa jawdi ma'ako. Teddin baaba maaɗa e inna maaɗa. » #10.19e Burtaaki 20.12 ; Tokkitaaki Tawreeta 5.16
20Sey o vi'i Yeesu :
— Moodibbo, emi jogii ku'uje ɗeen fuu ila mi pamaro.
21Yeesu raari mo, yiɗi mo, vi'i :
— Hu'unde wo'ore tan horani ma. Yah soorru ko ngoonɗaa fuu, kokkaa ceede ɗeen sooyɓe, a heɓey risku toon dow. Ndeen ngaraa tokkaa yam.
22Nde neɗɗo oon nani ka, ɓernde ma'ako metti, o dilli emo nyorii, gam o diskuɗo korey.
23Yeesu raari almaajiri'en muuɗum, vi'i ɓe :
— Eɗum saɗi diskuɗo natta *laamu Allah !
24Almaajiri'en kaayɗini dow ko o vi'i, ammaa Yeesu ɓesdi vi'igo ɓe :
— Ɓikkon am, nattugo laamu Allah e saɗi ! 25Ɗum ɓurey hoygo ngeelooba nattira vuroode laynal, dow e diskuɗo natta laamu Allah.
26Almaajiri'en kaayɗini korey, ɓe mbi'i mo :
— Too, to ɗum noon, moye hisata ?
27Yeesu raari ɓe vi'i :
— Ko saɗi e neɗɗo, saɗantaa Allah. Gam to ma'ako, koo ɗume fuu no baɗotooɗum.
28Sey Biiturus vi'i mo :
— Rah, min ngoorii koo ɗume, min tokkii ma.
29Yeesu vi'i :
— Emi vi'a on goonga : koo moye woori wuro muuɗum, koo rimdaaɓe, koo danyooɓe muuɗum, koo ɓiɓɓe muuɗum, koo gese muuɗum, gam am e gam Habaru Belɗum, 30o heɓey ko ɓuri ɗum covi hemre (100) nder ndu'u jaamaniiru. O heɓey gure e rimdaaɓe e danyooɓe e ɓiɓɓe e gese, o torrete boo. Nder wakkaci gareyɗum boo, o heɓey yonki ɗum faa abadaa. 31Ammaa aramɓe ɗuuɗɓe no laatoto sakitiiɓe, sakitiiɓe boo no laatoto aramɓe.
Yeesu ɓesdii volvugo dow maayde muuɗum
(Matta 20.17-19 ; Luka 18.31-34)
32Yeesu e *almaajiri'en muuɗum sappo e ɗiɗo e tokkuɓe mo horiiɓe e dow laawol yahago *Urusaliima, Yeesu e aardii ɓe. Almaajiri'en ma'ako sappo e ɗiɗo ɓeen ngaannake, tokkuɓe mo horiiɓe boo kuli. Yeesu ɓesdi noddi almaajiri'en muuɗum ɓeen vuttudu, o fuɗɗi yeccaago ɓe ko heɓata mo, 33o vi'i :
— Rah, en njahey Urusaliima, *Ɓii-Neɗɗo no hokkitirte nder juuɗe *mawɓe aardiiɓe diina e *moodiɓɓe Tawreeta. Ɓe taƴana mo ceri'a maayde, ɓe kokka mo nder juuɗe *yimɓe ɓe laataaki Yahuudu'en. 34Ɓeen njaltinira mo, ɓe tuutana mo joode, ɓe piira mo looci, ɓe mbara mo. Ndeen ɓaawo balɗe tati o ummitoto nder maayde.
Tornde Yaakuubu e Yahayya
(Matta 20.17-19 ; Luka 18.31-34)
35Sey Yaakuubu e Yahayya ɓiɓɓe Jabadi ɓattii Yeesu mbi'i :
— Moodibbo, emin ngiɗi mbaɗanaa min ko min tori maa fuu.
36Yeesu vi'i ɓe :
— Ɗume ngiɗɗon mi waɗana on ?
37Ɓe mbi'i :
— To a jooɗake dow jooɗorgal laamu e teddungal maaɗa, emin ngiɗi go'oto amin jooɗoo e junngo maaɗa nyaamo, go'oto boo e nano.
38Ammaa Yeesu vi'i ɓe :
— On anndaa ko torotooɗon. On mbaawi yargo iri jardugel torraa ngel njareymi ɗo'o yeeso naa ? Nakay on mbaawi suuveego nder torraa iri ka cuuveteemi ɗo'o yeeso, noon no neɗɗo suuɓretee nder ndiyam *baptisma ?
39Ɓe mbi'i :
— Ee, emin mbaawi.
Sey Yeesu vi'i ɓe :
— On njarey iri jardugel torraa ngel njareymi, e waɗaneego baptisma iri ɗum mbaɗanteemi. 40Ammaa jooɗaago e junngo am nyaamo koo nano, wanaa miin hokkata ɗum. Ɗe'e jaaje ɗum ɗe ɓeen ɓe ɗum siryanii ɗe.
41Nde almaajiri'en sappo horiiɓe nani ɗum, ɓe kuunƴani Yaakuubu e Yahayya. 42Sey Yeesu noddi ɓe vi'i :
— On anndi laamiiɓe *leƴƴi ɗi laataaki Yahuudu'en e laamoranoo yimɓe mu''en e semmbee, mawɓe maɓɓe boo e kolla ɓe baawɗe. 43Ammaa onon, to' ɗum laato noon nder mooɗon. Giɗɗo laataago mawɗo nder mooɗon fuu, e haani o laatoo jaggantooɗo on. 44Kadimaa giɗɗo laatoo aardiiɗo nder mooɗon, e haani o laatoo maccuɗo koo moye. 45Sabu *Ɓii-Neɗɗo waraay gam jagganee, ammaa gam o jaggana yimɓe, o hokka yonki ma'ako gam soottaago yimɓe ɗuuɗɓe.
Bumtineeki Bartimaawus
(Matta 20.29-34 ; Luka 18.35-43)
46Yeesu e *almaajiri'en muuɗum njottii si'ire Jeriiko. Wakkaci kanko e almaajiri'en ma'ako e jama'aare ɓe mburtotoo Jeriiko, ɓe njaali goɗɗo bumɗo bi'eteeɗo Bartimaawus, waato ɓii Timaawus, e jooɗii ha'ade laawol toroo. 47Nde o nani ɗum Yeesu mo Najaratu ƴaɓɓotoo, o fuɗɗi noddugo e semmbee, emo vi'a :
— Yeesu ɓii-Dawda, nan jurumɗum am !
48Yimɓe ɗuuɗɓe nyaaɗani mo mbi'i o de''ita, ammaa o ɓesdi noddugo e semmbee, emo vi'a :
— Ɓii-Dawda, nan jurumɗum am !
49Yeesu darii vi'i :
— Noddanee yam mo.
Ɓe noddi bumɗo oon, ɓe mbi'i mo :
— A veli ! Umma, emo noddu maa.
50O rooptii, o ferti burnus ma'ako, o yahi to Yeesu.
51Yeesu ƴami mo vi'i :
— Ɗume ngiɗɗaa mi waɗan maa ?
Bumɗo oon toontii mo vi'i :
— Moodibbo, emi yiɗi mbumtinaa yam.
52Sey Yeesu vi'i mo :
— Yah ! Goonɗinki maaɗa yamɗitinii ma.
Ɗoon e ɗoon gite ma'ako mbumti, o tokki Yeesu, ɓe ndillidi.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2015, Wycliffe Bible Translators, Inc. All rights reserved.