Markus 9
9
1O vi'i ɓe :
— Emi vi'a on goonga : e woodi woɓɓe nder dariiɓe ɗo'o ɓe maayataa, sey to ɓe ngi'ii *laamu Allah e warda e baawɗe.
Nanndi Yeesu waylitake
(Matta 17.1-13 ; Luka 9.28-36)
2Ɓaawo balɗe joveego'o, Yeesu hooƴi Biiturus e Yaakuubu e Yahayya, o yahari ɓe dow woɗnde vaamnde townde, kamɓe tan. Sey nanndi ma'ako waylitii yeeso maɓɓe. 3Kolte ma'ako ndanni tar, iri daneewol ngol walaa baawɗo raninirgo kolte noon nder ndu'u duuniyaaru. 4Sey raa *annabi Iliya e *Muusa mbanngani ɓe, e mbolida e Yeesu. 5Ndeen Biiturus vi'i Yeesu :
— Moodibbo, gonki amin ɗo'o e vooɗi. Woor min nyiɓa bukkaaji tati, wo'oru gam maaɗa, wo'oru gam Muusa, wo'oru boo gam Iliya.
6Biiturus anndaa ka vi'ata, gam ɓe fuu tato, kulol manngol nanngii ɓe.
7Sey ruulde vanngi suddi ɓe. Woɗnde voliinde ivoyi nder ruulde ndeen vi'i :
— O'o woni Ɓiyam giɗaaɗo. Ngewanee mo !
8Ɗoon e ɗoon ɓe ndaari ɓe ngi'aay koo moye, sey Yeesu tan.
9Nde ɓe njippotoo vaamnde ndeen, sey Yeesu ma'i ɓe, to' ɓe ngecco koo moye ko ɓe ngi'i, faa ɓaawo ummitaaki *Ɓii-Neɗɗo nder maayde.
10Ɓe njaɓi haala kaan, ammaa ɓe mbaɗi ga ƴamƴamtirgo hakkunde maɓɓe ma'ana « ummitaaki nder maayde ». 11Sey ɓe ƴami mo, ɓe mbi'i :
— Gam ɗume *moodiɓɓe Tawreeta mbi'ata e haani annabi Iliya aarta *Almasiifu wargo ?
12Yeesu toontii ɓe vi'i :
— Goonga, Iliya no aartey wargo, gam o mo''ina koo ɗume. Ee, gam ɗume *Deftere vi'ani doole Ɓii-Neɗɗo yara torraa ɗuuɗka, o yavee ? 13Emi vi'a on : Iliya aartii warii, yimɓe mbaɗanii mo ko ngiɗi fuu, noon no ɗum vinndiraa dow ma'ako.
Yeesu yamɗitinii ɓiɗɗo mo ginnol
(Matta 17.14-21 ; Luka 9.37-43)
14Nde ɓe mbittoyi to *almaajiri'en horiiɓe, sey ɓe ngi'i jama'aare ɗuuɗnde e filii ɓe. *Moodiɓɓe Tawreeta e ngeddootira e maɓɓe. 15Ɗoon to jama'aare ndeen yi'i Yeesu, ɓe kaayɗini korey, ɓe nyaari ɓe njahi to ma'ako ɓe kinni mo. 16Yeesu ƴami ɓe vi'i :
— Dow ɗume ngeddootirton e maɓɓe ?
17Sey go'oto nder jama'aare ndeen toontii mo vi'i :
— Moodibbo, mi waddanii ma ɓiyam gorko mo *ginnol haɗi bolle. 18Nde ginnol ngool ummanii mo fuu, sey ngol do''a mo, guufɗe mbaɗa ga vurtaago nder honnduko ma'ako, emo nyerƴindira nyiiƴe, ɓanndu ma'ako yo'orita kolon. Mi torake almaajiri'en maaɗa mburtina ngol, ammaa ɓe mbaawaay.
19Yeesu toontii mo vi'i :
— Onon yimɓe ndu'u jaamaniiru ndu walaa goonɗinki, faa ndeye ngondeymi e mooɗon, emi munyana on ? Ngaddanee yam ɓiɗɗo oon.
20Sey ɓe ngaddi mo. Nde ginnol ngool yi'i Yeesu, ɗoon e ɗoon ngol yiili ɓiɗɗo oon, ngol do''i mo, o waɗi ga diwnugo, emo tallito, honnduko ma'ako e vurtina guufɗe. 21Yeesu ƴami baaba ɓiɗɗo oon vi'i :
— Ila ndeye ɗum heɓi mo ?
Baaba oon vi'i :
— Ila o pamaro. 22Nde ɗuuɗɗum engol do''a mo nder yiite koo nder ndiyam, gam ngol wara mo. Ammaa to a waawi waɗgo goɗɗum, nan jurumɗum amin, vallu min.
23Yeesu vi'i mo :
— Ko jeyi mbiiɗaa yam « to a waawi » ? Koo ɗume no baɗoojum to goonɗinɗo.
24Ɗoon e ɗoon baaba ɓiɗɗo oon towni voliinde vi'i :
— Mi goonɗinii, vallam mi jaaloo ciya goonɗinki am !
25Nde Yeesu yi'i jama'aare e nyaaroya e wara, sey o nyaaɗani ginnol ngool, o vi'i :
— Aan ginnol kaɗngol o'o ɓiɗɗo volvugo e nango, emi vi'i maa vurta nder ma'ako ! Ta'a fuɗɗit nattugo mo !
26Sey ginnol ngool wulli, ngol yiili ɓiɗɗo oon e semmbee, ndeen ngol vurtii. Ɓiɗɗo oon laatii kama maayɗo, faa maa yimɓe ɗuuɗɓe mbi'i o maayii. 27Ammaa Yeesu nanngi junngo ma'ako ummini mo, o darii.
28Nde Yeesu natti wuro, almaajiri'en ma'ako ngari to ma'ako kamɓe tan, ɓe ƴami mo ɓe mbi'i :
— Ko jeyi min mbaawaay vurtingo ginnol ngool ?
29Yeesu toontii ɓe vi'i :
— Iri ngol ɗoon ginnol vurtataako sey e do'aare.
Yeesu ɓesdii volvugo dow maayde muuɗum
(Matta 17.22-23 ; Luka 9.43-45)
30Sey Yeesu e *almaajiri'en muuɗum ummii ɗoon ɓe ndaacii lesdi Gaaliili. Yeesu yiɗaa koo go'oto annda to ɓe ngoni, 31gam emo ekkitina almaajiri'en ma'ako. Nder ekkitinol ma'ako, o vi'i ɓe :
— *Ɓii-Neɗɗo no hokkitirte nder juuɗe yimɓe, ɓe mbara mo. Ndeen balɗe tati ɓaawo maayde ma'ako, o ummitoto.
32E noon fuu almaajiri'en pahamaay ko o vi'i ɓe, ammaa ɓe kulii ƴamgo mo.
Moye ɓuri manngu ?
(Matta 18.1-5 ; Luka 9.46-48)
33Ɓe njottii Kafarnahum. Ɓaawo Yeesu nattii wuro, o ƴami *almaajiri'en ma'ako, o vi'i :
— Dow ɗume ngeddootireynooɗon dow laawol ?
34Ammaa ɓe nde''iti, gam dow laawol ɓe ngeddootirii dow moye ɓuri manngu nder maɓɓe. 35Ndeen Yeesu jooɗii, noddi almaajiri'en sappo e ɗiɗo ɓeen, o vi'i ɓe :
— Giɗɗo laataago mawɗo fuu, sey heeda ɓaawo horiiɓe, laatoo jaggantooɗo ɓe.
36Ndeen o hooƴi ɓinngel pamarel, o darni ngel caka maɓɓe, o wuundii ngel, o vi'i ɓe :
37— Jaɓɓiiɗo ɓinngel pamarel kama nge'el fuu e innde am, miin o jaɓɓii. Jaɓɓiiɗo yam fuu, naa miin tan jaɓɓii, ammaa o jaɓɓake faa e liloyɗo yam.
Mo wanyaay en fuu, e wondi e meeɗen
(Luka 9.49-50)
38Sey Yahayya vi'i mo :
— Moodibbo, min ngi'ii goɗɗo e vurtinira *ginnaaji e innde maaɗa, min kaɗii mo, gam o tokkaay en.
39Ammaa Yeesu vi'i :
— To' on kaɗ mo, gam walaa kuweyɗo kaayniiɗum nder innde am, ndeen ɓaawo ɗoon so''oo hallina nde. 40Gam mo wanyaay en fuu e wondi e meeɗen. 41Emi vi'a on goonga : koo moye hokki on ndiyam e korel gam on ɓe *Almasiifu, daahir o heppataa heɓgo laada ma'ajum.
Ko heɓata celnuɗo goɗɗo
(Matta 18.6-9 ; Luka 17.1-2)
42Koo moye waɗi go'oto nder ɓe'e bilki'en goonɗinɓe yam e waɗgo hakke, ɗum ɓuraneyno mo o haɓɓanee haayre teddunde e daande, o feree nder maayo. 43To junngo maaɗa waɗey maa e waɗgo hakke, tay ngo. Nattidaa aljanna e junngo wo'oto, no ɓurante dow e pereɗaa e juuɗe maaɗa ɗiɗi nder jahannama, to yiite nge nyifataa. [44#9.44 Goɗɗi ɗereeji ɓesdii aayaare arba'iin e nayi (44) vi'inde : Toon gilɗi muuɗum mbaatataa, yiite ma'ajum boo nyifataa.] 45To kosngal maaɗa waɗey maa e waɗgo hakke, tay ngal. Nattidaa aljanna e kosngal go'otal, no ɓurante dow e pereɗaa e kosɗe maaɗa ɗiɗi nder jahannama. [46#9.46 Goɗɗi ɗereeji ɓesdii aayaare arba'iin e joveego'o (46) vi'inde : Toon gilɗi muuɗum mbaatataa, yiite ma'ajum boo nyifataa.] 47Kadimaa to yitere maaɗa waɗey maa e waɗgo hakke, ɗoof nde. Nattidaa aljanna e yitere wo'ore no ɓurante, dow e pereɗaa e gite maaɗa ɗiɗi nder jahannama. 48Toon « gilɗi muuɗum mbaatataa, yiite ma'ajum boo nyifataa. »#9.48 Ecaaya 66.24
49Koo moye no velnirte e yiite torraa, noon no lamɗam velnirta nyaamdu. 50Lamɗam no fii booɗɗum, ammaa to ndakam ma'ajam ittake, ɗume so''ata ndakam ɗaam ? Laatee ɓe lamɗam nder mu''en, njooɗee jam hakkunde mooɗon.
Одоогоор Сонгогдсон:
Markus 9: fuq
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2015, Wycliffe Bible Translators, Inc. All rights reserved.
Markus 9
9
1O vi'i ɓe :
— Emi vi'a on goonga : e woodi woɓɓe nder dariiɓe ɗo'o ɓe maayataa, sey to ɓe ngi'ii *laamu Allah e warda e baawɗe.
Nanndi Yeesu waylitake
(Matta 17.1-13 ; Luka 9.28-36)
2Ɓaawo balɗe joveego'o, Yeesu hooƴi Biiturus e Yaakuubu e Yahayya, o yahari ɓe dow woɗnde vaamnde townde, kamɓe tan. Sey nanndi ma'ako waylitii yeeso maɓɓe. 3Kolte ma'ako ndanni tar, iri daneewol ngol walaa baawɗo raninirgo kolte noon nder ndu'u duuniyaaru. 4Sey raa *annabi Iliya e *Muusa mbanngani ɓe, e mbolida e Yeesu. 5Ndeen Biiturus vi'i Yeesu :
— Moodibbo, gonki amin ɗo'o e vooɗi. Woor min nyiɓa bukkaaji tati, wo'oru gam maaɗa, wo'oru gam Muusa, wo'oru boo gam Iliya.
6Biiturus anndaa ka vi'ata, gam ɓe fuu tato, kulol manngol nanngii ɓe.
7Sey ruulde vanngi suddi ɓe. Woɗnde voliinde ivoyi nder ruulde ndeen vi'i :
— O'o woni Ɓiyam giɗaaɗo. Ngewanee mo !
8Ɗoon e ɗoon ɓe ndaari ɓe ngi'aay koo moye, sey Yeesu tan.
9Nde ɓe njippotoo vaamnde ndeen, sey Yeesu ma'i ɓe, to' ɓe ngecco koo moye ko ɓe ngi'i, faa ɓaawo ummitaaki *Ɓii-Neɗɗo nder maayde.
10Ɓe njaɓi haala kaan, ammaa ɓe mbaɗi ga ƴamƴamtirgo hakkunde maɓɓe ma'ana « ummitaaki nder maayde ». 11Sey ɓe ƴami mo, ɓe mbi'i :
— Gam ɗume *moodiɓɓe Tawreeta mbi'ata e haani annabi Iliya aarta *Almasiifu wargo ?
12Yeesu toontii ɓe vi'i :
— Goonga, Iliya no aartey wargo, gam o mo''ina koo ɗume. Ee, gam ɗume *Deftere vi'ani doole Ɓii-Neɗɗo yara torraa ɗuuɗka, o yavee ? 13Emi vi'a on : Iliya aartii warii, yimɓe mbaɗanii mo ko ngiɗi fuu, noon no ɗum vinndiraa dow ma'ako.
Yeesu yamɗitinii ɓiɗɗo mo ginnol
(Matta 17.14-21 ; Luka 9.37-43)
14Nde ɓe mbittoyi to *almaajiri'en horiiɓe, sey ɓe ngi'i jama'aare ɗuuɗnde e filii ɓe. *Moodiɓɓe Tawreeta e ngeddootira e maɓɓe. 15Ɗoon to jama'aare ndeen yi'i Yeesu, ɓe kaayɗini korey, ɓe nyaari ɓe njahi to ma'ako ɓe kinni mo. 16Yeesu ƴami ɓe vi'i :
— Dow ɗume ngeddootirton e maɓɓe ?
17Sey go'oto nder jama'aare ndeen toontii mo vi'i :
— Moodibbo, mi waddanii ma ɓiyam gorko mo *ginnol haɗi bolle. 18Nde ginnol ngool ummanii mo fuu, sey ngol do''a mo, guufɗe mbaɗa ga vurtaago nder honnduko ma'ako, emo nyerƴindira nyiiƴe, ɓanndu ma'ako yo'orita kolon. Mi torake almaajiri'en maaɗa mburtina ngol, ammaa ɓe mbaawaay.
19Yeesu toontii mo vi'i :
— Onon yimɓe ndu'u jaamaniiru ndu walaa goonɗinki, faa ndeye ngondeymi e mooɗon, emi munyana on ? Ngaddanee yam ɓiɗɗo oon.
20Sey ɓe ngaddi mo. Nde ginnol ngool yi'i Yeesu, ɗoon e ɗoon ngol yiili ɓiɗɗo oon, ngol do''i mo, o waɗi ga diwnugo, emo tallito, honnduko ma'ako e vurtina guufɗe. 21Yeesu ƴami baaba ɓiɗɗo oon vi'i :
— Ila ndeye ɗum heɓi mo ?
Baaba oon vi'i :
— Ila o pamaro. 22Nde ɗuuɗɗum engol do''a mo nder yiite koo nder ndiyam, gam ngol wara mo. Ammaa to a waawi waɗgo goɗɗum, nan jurumɗum amin, vallu min.
23Yeesu vi'i mo :
— Ko jeyi mbiiɗaa yam « to a waawi » ? Koo ɗume no baɗoojum to goonɗinɗo.
24Ɗoon e ɗoon baaba ɓiɗɗo oon towni voliinde vi'i :
— Mi goonɗinii, vallam mi jaaloo ciya goonɗinki am !
25Nde Yeesu yi'i jama'aare e nyaaroya e wara, sey o nyaaɗani ginnol ngool, o vi'i :
— Aan ginnol kaɗngol o'o ɓiɗɗo volvugo e nango, emi vi'i maa vurta nder ma'ako ! Ta'a fuɗɗit nattugo mo !
26Sey ginnol ngool wulli, ngol yiili ɓiɗɗo oon e semmbee, ndeen ngol vurtii. Ɓiɗɗo oon laatii kama maayɗo, faa maa yimɓe ɗuuɗɓe mbi'i o maayii. 27Ammaa Yeesu nanngi junngo ma'ako ummini mo, o darii.
28Nde Yeesu natti wuro, almaajiri'en ma'ako ngari to ma'ako kamɓe tan, ɓe ƴami mo ɓe mbi'i :
— Ko jeyi min mbaawaay vurtingo ginnol ngool ?
29Yeesu toontii ɓe vi'i :
— Iri ngol ɗoon ginnol vurtataako sey e do'aare.
Yeesu ɓesdii volvugo dow maayde muuɗum
(Matta 17.22-23 ; Luka 9.43-45)
30Sey Yeesu e *almaajiri'en muuɗum ummii ɗoon ɓe ndaacii lesdi Gaaliili. Yeesu yiɗaa koo go'oto annda to ɓe ngoni, 31gam emo ekkitina almaajiri'en ma'ako. Nder ekkitinol ma'ako, o vi'i ɓe :
— *Ɓii-Neɗɗo no hokkitirte nder juuɗe yimɓe, ɓe mbara mo. Ndeen balɗe tati ɓaawo maayde ma'ako, o ummitoto.
32E noon fuu almaajiri'en pahamaay ko o vi'i ɓe, ammaa ɓe kulii ƴamgo mo.
Moye ɓuri manngu ?
(Matta 18.1-5 ; Luka 9.46-48)
33Ɓe njottii Kafarnahum. Ɓaawo Yeesu nattii wuro, o ƴami *almaajiri'en ma'ako, o vi'i :
— Dow ɗume ngeddootireynooɗon dow laawol ?
34Ammaa ɓe nde''iti, gam dow laawol ɓe ngeddootirii dow moye ɓuri manngu nder maɓɓe. 35Ndeen Yeesu jooɗii, noddi almaajiri'en sappo e ɗiɗo ɓeen, o vi'i ɓe :
— Giɗɗo laataago mawɗo fuu, sey heeda ɓaawo horiiɓe, laatoo jaggantooɗo ɓe.
36Ndeen o hooƴi ɓinngel pamarel, o darni ngel caka maɓɓe, o wuundii ngel, o vi'i ɓe :
37— Jaɓɓiiɗo ɓinngel pamarel kama nge'el fuu e innde am, miin o jaɓɓii. Jaɓɓiiɗo yam fuu, naa miin tan jaɓɓii, ammaa o jaɓɓake faa e liloyɗo yam.
Mo wanyaay en fuu, e wondi e meeɗen
(Luka 9.49-50)
38Sey Yahayya vi'i mo :
— Moodibbo, min ngi'ii goɗɗo e vurtinira *ginnaaji e innde maaɗa, min kaɗii mo, gam o tokkaay en.
39Ammaa Yeesu vi'i :
— To' on kaɗ mo, gam walaa kuweyɗo kaayniiɗum nder innde am, ndeen ɓaawo ɗoon so''oo hallina nde. 40Gam mo wanyaay en fuu e wondi e meeɗen. 41Emi vi'a on goonga : koo moye hokki on ndiyam e korel gam on ɓe *Almasiifu, daahir o heppataa heɓgo laada ma'ajum.
Ko heɓata celnuɗo goɗɗo
(Matta 18.6-9 ; Luka 17.1-2)
42Koo moye waɗi go'oto nder ɓe'e bilki'en goonɗinɓe yam e waɗgo hakke, ɗum ɓuraneyno mo o haɓɓanee haayre teddunde e daande, o feree nder maayo. 43To junngo maaɗa waɗey maa e waɗgo hakke, tay ngo. Nattidaa aljanna e junngo wo'oto, no ɓurante dow e pereɗaa e juuɗe maaɗa ɗiɗi nder jahannama, to yiite nge nyifataa. [44#9.44 Goɗɗi ɗereeji ɓesdii aayaare arba'iin e nayi (44) vi'inde : Toon gilɗi muuɗum mbaatataa, yiite ma'ajum boo nyifataa.] 45To kosngal maaɗa waɗey maa e waɗgo hakke, tay ngal. Nattidaa aljanna e kosngal go'otal, no ɓurante dow e pereɗaa e kosɗe maaɗa ɗiɗi nder jahannama. [46#9.46 Goɗɗi ɗereeji ɓesdii aayaare arba'iin e joveego'o (46) vi'inde : Toon gilɗi muuɗum mbaatataa, yiite ma'ajum boo nyifataa.] 47Kadimaa to yitere maaɗa waɗey maa e waɗgo hakke, ɗoof nde. Nattidaa aljanna e yitere wo'ore no ɓurante, dow e pereɗaa e gite maaɗa ɗiɗi nder jahannama. 48Toon « gilɗi muuɗum mbaatataa, yiite ma'ajum boo nyifataa. »#9.48 Ecaaya 66.24
49Koo moye no velnirte e yiite torraa, noon no lamɗam velnirta nyaamdu. 50Lamɗam no fii booɗɗum, ammaa to ndakam ma'ajam ittake, ɗume so''ata ndakam ɗaam ? Laatee ɓe lamɗam nder mu''en, njooɗee jam hakkunde mooɗon.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2015, Wycliffe Bible Translators, Inc. All rights reserved.