Башланув 21
21
Исхакънынъ догъувы
1РАББИ айткъаны дайын, Сарени унутмады, айткъаныны япты.
2Саре юклю олды ве къарт Ибраимге, Алла айткъан вакътында, огълан бала тапты. 3#Баш 17.19Ибраим озюнинъ Сареден догъгъан огълуна Исхакъ#21.3 Исхакъ – къ. еуд. «о куле» манасыны анълата. деген ад къойды. 4#Баш 17.12-13Секизинджи куню, Алла эмир эткени киби, Ибраим Исхакъ огълуны сюннет эттирди. 5Исхакъ догъгъанда, Ибраим юз яшында эди. 6Саре:
– Алла мени кульмеге меджбур этти. Ким меним акъкъымда эшитсе – куледжектир, – деди ве: 7– Ибраимге, онынъ Сареси баланы кокюснен эмиздиреджегини, ким айтып олур эди? Амма, иште, къартлыгъында Ибраимге менден огълан бала корьмеге насип олды! – деп къошты.
8Бала осьти ве кокюстен кестирильди. Исхакъ кокюстен кестирильген куню Ибраим буюк той япты.
Ибраим Хагъарны ве Исмаилни къувалай
9 #
Гал 4.29
Мысырлы Хагъар Ибраимге тапкъан огълан Исхакънынъ устюнден кульгенде, Саре буны корьди де, 10#Юх 8.35; Гал 4.30Ибраимге:
– Бу къул апайны огълунен берабер айдап йибер. Бу къул апайнынъ огълу меним огълум Исхакъ киби мирас алмайджакъ, – деди.
11Озь огълу акъкъында айтылгъан бу лафлар Ибраимни пек гъамландырды. 12#Рим 9.7Лякин Алла Ибраимге бойле деди:
– Къул апайынъ ве огълунъ ичюн гъамлы олма. Саре санъа не айтса, оны динъле. Сенинъ эвлятларынъ оларакъ Исхакътан чыкъкъанлар сайыладжакълар. 13Хызметчи апайнынъ огълундан да халкъ асыл этерим, чюнки о да, сенинъ эвлядынъ.
14Ибраим саба эрте турып, отьмек ве сувгъа толу мешин торба алып, Хагъаргъа берди ве онынъ омузларына къойды. Огълуны да онъа берди ве: «Кет», – деди. Хагъар кетип, Беэр-Шева сахрасында долашты. 15Мешин торбадаки сув биткен сонъ, Хагъар огълуны чалы тюбюнде къалдырды. 16Озю исе барып, «Баланынъ оледжегини корьмеге истемейим», – деп, бир яй атышы узакълыгъында отурды. Отурып, къыямет къопарды ве окюр-окюр агълады.
17Алла огъланнынъ сесини эшитти. Алланынъ Мелеги коктен Хагъарны чагъырып, бойле деди:
– Не олды санъа, Хагъар? Къоркъма. Алла огъланнынъ сесини о олгъан еринде эшитти. 18Тур, огъланны котер да, оны къолундан тут. Мен ондан буюк миллет асыл этеджегим.
19Алла онынъ козьлерини ачты, ве Хагъар суву олгъан къуюны корьди. Барып, мешин торбаны сувгъа толдурды ве огълангъа ичирди.
20Алла огъланнен эди. Бала осьти, сахрада яшап башлады ве яйдан аткъан окъчу олды. 21#Сай 10.12; 3 Пад 11.18О, Паран сахрасында яшай эди. Анасы онъа Мысыр топрагъындан апай алды.
Ибраим Авимелекнен анълашма тизе
22О заман Авимелек озюнинъ аскербашы Пикъолнен берабер Ибраимге деди:
– Алла санъа эр бир туткъан ишинъде ярдым эте. 23Шимди мында Алланынъ Адынен манъа емин эт ки, сен не манъа, не балаларыма, не эвлятларыма хаинлик япмазсынъ. Насыл мен санъа яхшылыкъ япкъан олсам, сен де ойле манъа ве вакътынджа яшагъан топрагъынъа яхшылыкъ япарсынъ.
24– Емин этем, – деди Ибраим.
25Сонъ Ибраим Авимелекни опькеледи, чюнки онынъ хызметчилери Ибраимден сувгъа толу къуюны тутып алгъан эдилер.
26– Буны ким япкъаныны бильмейим, – деди Авимелек. – Сен де манъа бир шей айтмадынъ. Бу иш акъкъында мен шимдигедже эшитмедим.
27Ибраим къой-эчкилерининъ ве туварларынынъ бир къысмыны алып, Авимелекке берди, ве олар экиси анълашма тиздилер. 28Сонъ Ибраим къой сюрюсинден еди къойны алып, оларны айры къойды. 29Авимелек Ибраимден:
– Бу, сен айры къойгъан еди къойларынъ негедир? – деп сорады.
30– Бу еди къойны элимден ал. Олар бу къуюны мен къазгъаныма шаатлыкъ олсунлар, – деди Ибраим.
31 #
Баш 26.33
Ибраим бу ернинъ адыны Беэр-Шева#21.31 Беэр-Шева – къ. еуд. «шива» – «емин», «беэр-шева» – «емин къуюсы» демектир. къойды, чюнки олар экиси мында емин эттилер.
32Бойлеликнен, олар Беэр-Шевада анълашма тиздилер. Сонъ Авимелек ве онынъ аскербашы Пикъол барып, фелестинлилернинъ топрагъына къайттылар. 33Ибраим исе Беэр-Шевада тамариск терегини сачты ве анда РАББИге, Эбедий Аллагъа дува этти.
34Сонъ Ибраим фелестинлилернинъ топрагъында даа чокъ вакъыт яшады.
Одоогоор Сонгогдсон:
Башланув 21: CTB
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© Институт перевода Библии, 2016