KUZOYA 6
6
Wuwiwi ghwa mdamu
1Nao ikakaia iji wadamu werezoeghe kuchurikia ndoenyi, na wana wa waka kuvalwa,#Ayu. 1.6; 2.1 2wana wa Mlungu wikawiwona awo wai wa wadamu kukaia wighokie, nawo wikakusaghuya wai welowua sa iji koni werekundieghe. 3BWANA ukaghamba, “Roho yapo ndeichaaduanya na mdamu kwa kala, angu uo si odua, kwa huwo miaka yake ichakaia ighana na mirongo iwi.” 4Kufuma ngelo ija na konyuma, Wanefilimu werekoghe wikilowua wai wa wadamu, na kuva wana. Awo niwo wandu werekoghe mang'oni wikumikie matuku ghaja.#Mit. 13.33
5Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.#Mat. 24.37; Lk. 17.26; 1 Pet. 3.20 6BWANA ukawawa na kusirimika ngolonyi angu oremuumbieghe mdamu na kummbika ndoenyi. 7Kwa huwu ukaghamba, “Nichamuinja na mbai uhu mdamu neremuumbieghe, usoweke ndoenyi andwamweri na nyamandu, na iro riavuagha andoenyi, na nyonyi ra mbeonyi; angu nasirimika na ndighi kwa kukaia nerevibonyereghe.” 8Ela Nuhu orerumirikieghe imbiri ya BWANA.
Nuhu na Safina
9Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.#2 Pet. 2.5 10Nao orekoghe na wana wa womi wadadu, Shemu, Hamu, na Jafethi. 11Wurumwengu ghorekoghe ghwanoneka na kuchulwa ni wuwiwi mesonyi kwa Mlungu. 12Mlungu ukazighana nao ukawona seji wurumwengu ghunonekie, angu wandu wose werekoghe wikibonya mawiwi ndoenyi.
13Nao Mlungu ukamzera Nuhu, “Nachawona niwimeria wadamu wose, kwa kukaia wurumwengu ghose ghwachulwa ni wuwiwi ghwawo, nani nichawitoteshanya na ugho wurumwengu. 14Kwa huwo kukubonyere kumoni safina kwa mbau ra mwingo, kudumbuo vumba andenyi, nao kuikande lami cha nandenyi, na cha shighadi wori. 15Nayo kuchaibonya huwu: Wulacha ghwaro ghuchakaia meta ighana na mirongo idadu, na wushapa ghwaro meta mirongo iwi na iwi, na wuighu ghwaro meta ikumi na idadu. 16Kuibonyere safina ipaa,#6.16 ipaa: angu idirisha. kujitanye na wurigha kipimo cha sentimeta mirongo ina na inya,#6.16 sentimeta mirongo ina na inya: angu mkonu ghumweri. sena kubonye mnyango ghwa safina luwarunyi kwake, nayo ikaie na ghorofa idadu; ya ndonyi, ya ghadi na ghadi, na ya ighu. 17Nao ola nichareda gharika ndoenyi kose, nipate kunona kula mumbi ghuko na miruke ya irangi aisi ya mlungunyi; na icho chose chiko ndoenyi chichafwa. 18Ela nichajimangisha ilaghano japo na oho, na oho kuchangia safinenyi andwamweri na wana wako, na muka wako, na waka wa wana wako. 19Wokoni kuviwadie viwi viwi va icho chose chiko na mumbi chiko moyo kuvingire safinenyi; kula kichuku cha womi na cha waka wori, vikaie moyo andwamweri na oho. 20Vichuku vose va nyonyi, nyamandu rose, na shimandu rose riavuagha andoenyi, kucharingira iwi iwi eri rikaie moyo. 21Sena kuwike vindo andenyi va mbari rose vifwanagha kujighwa kwa wundu ghwako na kwa wundu ghwa nyamandu wori.” 22Nuhu ukabonya ghose orelaghiriloghe ni Mlungu.#Waeb. 11.7
Одоогоор Сонгогдсон:
KUZOYA 6: TAITA
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
©Bible Society of Kenya, 1997
All rights reserved.