Rut RUT
RUT
'LAQATAĜANAĜAC JANJO' NEDE
Jena'me jenjo' 'naqataĝanaĝac qa'a 'yaĝatetac ca'li 'uo joga'me noqouaĝa joca'li gaa'me Israel laje'. Qama'le 'uo joca'li ga'me jiyaĝaua jo'ne lenaĝat Elimélec, jo'ne 'lachaqa' di'me Belén, nataq'aen jañe'me loua Noemí, chayovida'alo jogaa'me dos lec'oqo'te, Mahlón nataq'aen Quilión. Qama'le yec'adeta jodi'me aleua laqaya jo'ne Moab, nach'ena jena'me jenjo' ca'li qa'a lejec joga'me.
Copa'ta ca'li ueteda'a jodi'me Moab, qama'le yeleu jodi'me Elimélec. Gaa'me lec'oqo'te jañe'me p'ae qa'a yauo'oe naa'me loua' jo'ne Moab lajel, qalaĝaja copa'ta joda'me dojo', naa'me naajo' nec'oqo'te nach'e ena'am da'me yele'u ca'li, yataqata ja no'en joda'me ualo'te gaa'me. Noemí male onola nataq'aen qayaua jodia'me lec'oqo'te, jalcote joda'me lachoĝodec jaga'me.
Yem ga'me noqouaĝa di'me mach'e 'naleua, jañe'me Noemí yitaĝa 'viyelaĝague joga'me mach'e 'lachaqa', naequetapegue' jañe'me Rut, nach'ana jo'ne late ca'li.
Rut yanema ca'li jañe'me Noemí naa'me naajo' 'laqataqa, jo'ne naqaeñeua qoyec'ateneque da'me noqopich'i chayovida'a onaĝae ladiquiyaĝac:
Ena'te jayem a'uetec da'me dojo' qaedi am jeca'e,
dite da'me yataqachiñe jayem eja da'me jajoyi ga'me auec'ata,
nataq'aen da'me jona'ña joga'me ona'ña.
Ga'me mach'e a'naleua nataq'aen jen 'ñaleua,
chayovida'a ñe'me Anedios nataq'aen jen Ñedios.
Jeleua'ña joga'me oua'ña jo' qomle
nataq'aen nach'ega jo'ne jetaque jayem qoyeji'ña jo' qomle,
ga'me ua'ña na'me adapat.
Jetaque ñe'me Jaliaĝanec jo'ne yataqachiñe qaya'te nalo'taguet,
nach'eñe ya'uo ga'me yachoĝodec
qom am joqovinec jena'me jenjo' 'yaqatac.
'Yaqatac laqaya qaya'te qo'mi yecolaĝachiguilo nayi,
¡chayovida'a qom qadoiquiaqa'!
Ueteda'a ca'li joga'me Israel, jañe'me Rut qa'a 'uoneguet joñe'me Booz, mach'e nateua ca'li, qama'le eja joda'me yitaĝa 'uo joda'me 'lemaĝac qaedi yitaĝa 'noote' jogaa'me layi. Jañe'me Rut qa'a chiyoĝoguet joda'me lecomena' di'me jaliaĝanec David, jo'ne nataq'aen mach'e chiyoĝogueta joñe'me Jesús, mach'e nec'alaĝaiqui jena'me jenjo' aleua.
Uo'oe naa'me naajo' lael janjo' nede, jo'ne naq'aeta da'me qoyapaĝagueneque:
1. Elimélec na'ague di'me aleua Moab (1:1-5)
2. Noemí nataq'aen jañe'me Rut dajotegue di'me Belén (1:6-22)
3. Rut ue'ta di'me lanaĝanaqa' joga'me Booz (2:1-23)
4. Lichoĝodenataĝanaĝac joñe'me Booz (3:1-18)
5. Booz en loua jañe'me Rut (4:1-17)
Одоогоор Сонгогдсон:
Rut RUT: TDO
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Biblia en Toba del Oeste © Sociedad Bíblica Argentina, 2014, 2019.