Imilimo 2
2
Ukwiza kwa Muzimu Mwimichile
1Walile uwanda wakwe Pentekosti wafika, awasuwizi wonsi wawungine apaliponga. 2Napaponapapo awiwuchila ichongo chafuma mupela ngati akupupa kwamuza wukalambane, akwizula mung'anda yonsi yino wisile mwenemo. 3Swinya awalola vino vyalinji ngati andimi zyansalansande zyafumile kulonde; azikwila kwakwe wonsi wane walinji mung'anda. 4Wonsi awizuzwa nu Muzimu Mwimichile awatalika awavwanga indimi zinji, ndimuno Muzimu walesile awavwanjila.
5Mwe Yerusalemu mwikalanga awa Yuda, walinji awapefi wane wafumile mumyiko yonsi iyamunsi. 6Walile wivwa ichongo, iwumba kulu aliwungana. Wonsinye awaluwaluwa amuno wonsi wivwanga awasuwizi wakuvwanga wila muntu mululimi lwakwe. 7Awazunguka nukusukumila awati, Awantunye waa wane wakuvwanga wonyewoo—wonsinye awa Galileya! 8Ngachawa wuli, vino swensinye tukwivwa wakuvwanga ululimi lwitu? 9Twafuma ku Partia, na ku Media, ku Elamu; na ku Mesopotamia, mwe Yudeya, na mwe Kapadokiya; Twafuma mwe Pontu na mu Asia, 10mwe Frigia na mwe Pamfulia, mu Ijeputi na muvipya vyansi ya Libya yino vyapalamana nu Kureni; nawamwi awakwe sweswe wafuma mu Roma, 11awa Yuda namakandi wane wazumila ichipepelwe cha chi-Yuda; naswe wantu twafuma mu Krete na mu Arabia—swensinye tukuwivwa wakuvwanga mundimi zitunye ivintu vikalambane vino Leza wachita! 12Wonsinye awazunguka awaluwaluwa awalanga wakuwuzyania wakuti, Ngachonye-choo chikusula chani?
13Ukuwa wanji awasoweka awasuwizi, wakuti, Awantunye waa wakozilwe!
Amazwi yakwe Peter
14Swinya Peter ayimilila nawapostile ikumi nawenga, atalika ukuvwanga nizwi kulu kwiwumba ati, Mwe wa Yuda wanji, namwensi mwewantu mukakwikala mwe Yerusalemu, nteyelezyani muleke mbanene chino chonyechoo chikusula. 15Awantunye waa watakozilwe, ndimuno mukwelenganizizya; ngavino kanonzi ilanzi litani liwome, amutondo-tondo. 16Ukuwa kweni, choo achino chavwanjizilwe mumulomo wamutumwa e Joel ukuti.
17Leza wavwanga wati,
Chonyechoo achino ndichita mumanda yakupelelechezya:
Ndipungulila Umuzimu wane pawantu wonsi.
Awana winu awachonsi nawachanachi waliwatumwa;
nawo awalumendo winu waliwalola ivyakulozwa,
nawakalamba waliwalota ivilota.
18Nachawuzimanye, mumandanye yayo,
ndipungulila Muzimu wane napawazya wanenye,
awonsi nawanachi wize watumwa.
19Ndichita ivyakuzungusya mwiyulu mupela,
nivyamayele munsi yapansi.
Kuliwa uwazi, numulilo, nipumpu lyachusi,
20ilanzi lilifita,
nawo umwezi wuwenze ngati awazi,
pano uwanda wukulu uwakuchindamikwa
kwa Mfumu wutani wize.
21Paponye apano, wensi wino aliwapunda izina
lya Mfumu e Leza alitulwa.
22Mwe wa Israeli, siyivwani amazwi yaa! E Yesu wa mwe Nazareti walinji amuntu wino Leza wapanichisizye kwakwe mwemwe palwenze nivyamayele, nivizungusyo, nga nivimanyilo vino Leza wawombezile mwakwe weliwe; mwemwenye nalwinu mwamanya choo, amuno chachisilwe panye-paa pakwe mwemwe. 23E Leza, kukulonda kwakwe namano yakwe, wapanzizye kalikali kuno e Yesu alilemekwa kwemwemwe; amumukoma amuleka awantu wawembu awamupamantila pawuchingane. 24Ukuwa Leza wamuzyulupula; wamusapula kuwulumila wamfwa, amuno chatazile ukuti imfwa ilange yamukunjilila muvingololo. 25Amuno Davidi wavwanzile ivyakwe weliwe ati,
Impindi zyonsi nalolanga Imfumu e Leza pankolelo pakwe nene;
ntandi ndatamika, amuno ali kwikasa lyane ilyandilo.
26Muno achonye-choo umwezo wane wukuzewela
namazwi yane ayachimwemwe;
nga nenenye, nechala pano mpakuzile,
ndiwapuza nisuwilo lyakulolelela,
27amuno utalisya umuzimu wane kumbo;
utalileka umuwomvi wako ekankundwa ayize awole.
28Wandanjizya inzila zino zyalungama kuwumi,
pano wiza wiza ulinjizuzya nichimwemwe.
29Wanawitu: kande mvwange apatiswe ivyakwe Davidi ipongo litu. Wafwile azikwa, ninkungwe yakwe ichili ili naswe ukufika nilelo. 30Walinji amutumwa, wamanyile kuno Leza wamulayilizizye; Leza walafile ukuti ayize aleke uwikwata lyakwe Davidi wumwi ayize awe amfumu, ndivino Davidi-nye walinji. 31Davidi waweni chino Leza wanga achite, achaleka wavwanjizile nivyakuzyulupuka kwakwe Mesaya ati,
Atalechelezizwe munsi kumbo;
umuwili wakwe wutatela wuwole.
32Leza wazyulupuzile e Yesu-nye wee, sweswenye nalwitu swewakalola kwechonye-choo. 33Leza wamuzyulupuzile amuwika kwikasa lyakwe ilyandilo wamulemeka nu Muzimu Mwimichile, ndimuno walayilizizizye; achaleka chino mukulola mukwivwa nukwivwa achawila chakwe Yesu chino watupungulila. 34Amuno Davidi weni atatela aye mwiyulu; ukuwa watili,
Imfumu e Leza wanenile Imfumu yane ati,
Yikala paa kwikasa lyane ilyandilo,
35nsuke ndeke awalwani wako wawe achilimba chakulyatanjila penepo amanama yako.
36Achaleka awa Israeli wonsi, wandi wamanyichisye nukusimichila konsi kuno we Yesu-nye wee, wino mwapamantizile pawuchingane, awino Leza wamupa Uwufumu swinya waleka wawa we Mesaya!
37Awala awantu wivwa wonye-woo, awatamika kutaluvile, awanena Peter nawapostile wanji awati, Ngafwandi tuchite wuli wanawitu?
38Peter awanena ati, Tontolokwani mufume kuluwembu lwinu, mwensinye, mubatizwe nukubatizwa mwizina lyakwe Yesu Klistu, alyakuti uluwembu lwinu lutetelwe; mwize mupochelele ichawila chakwe Leza, Umuzimu Mwimichile. 39Amuno ilayilizyo lyakwe Leza lili pakwe mwemwe nawana winu, nawonsi wane wali ukutali—wonsi wano Imfumu e Leza witu wawita ukuti waye kweweliwe.
40Peter awalambilizya awakomelezya namazwi yanji amavule ati, Yifyusyani mwewenecho kukusundwa kuno kuliyizila awantunye waa awawipe! 41Ngapano awavule awakwe woliwo awasuwila amazwi yakwe awabatizwa nukubatizwa; nche wano wonjelezizye kwiwumba uwandanye wowo wafisile imyanda ikumi impindi zitatu (3,000). 42Awalanga wali nawapostile wakusambilila kwewoliwo, awayisanzya muwunyina, awalanga wakulya apaliponga mbali nukupepa.
Imiwele yawasuwizi
43Ivyamayele nivizungusyo vivule vyachitwanga nawapostile, nga intete azilema awantu wonsi. 44Awasuwizi wonsi awalanga walandalizile nuwunyina nukupana vino walinji navyo, 45Awakazya insawo zyawo navino walinji navyo awankana indalama, ndimuno wila muntu wasowezilwe. 46Iwumba lyonsinye lyasunkananga mung'anda yakwe Leza amanda yonsi, swinya walyanga ichakulya apaliponga mung'anda zyawo, awalanga wakulya mbali nichimwemwe nukuyichefya mumyezo, 47awalanga wakutumvya Leza, awalanga wakusechela wonsi nukulanjililana, Amanda yonsi Imfumu e Leza wonjelezyanga kwiwumba lyawo wonsi wano watulwanga.
Одоогоор Сонгогдсон:
Imilimo 2: WWN82
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Chinamwanga Bible © United Bible Societies, 1981.
Imilimo 2
2
Ukwiza kwa Muzimu Mwimichile
1Walile uwanda wakwe Pentekosti wafika, awasuwizi wonsi wawungine apaliponga. 2Napaponapapo awiwuchila ichongo chafuma mupela ngati akupupa kwamuza wukalambane, akwizula mung'anda yonsi yino wisile mwenemo. 3Swinya awalola vino vyalinji ngati andimi zyansalansande zyafumile kulonde; azikwila kwakwe wonsi wane walinji mung'anda. 4Wonsi awizuzwa nu Muzimu Mwimichile awatalika awavwanga indimi zinji, ndimuno Muzimu walesile awavwanjila.
5Mwe Yerusalemu mwikalanga awa Yuda, walinji awapefi wane wafumile mumyiko yonsi iyamunsi. 6Walile wivwa ichongo, iwumba kulu aliwungana. Wonsinye awaluwaluwa amuno wonsi wivwanga awasuwizi wakuvwanga wila muntu mululimi lwakwe. 7Awazunguka nukusukumila awati, Awantunye waa wane wakuvwanga wonyewoo—wonsinye awa Galileya! 8Ngachawa wuli, vino swensinye tukwivwa wakuvwanga ululimi lwitu? 9Twafuma ku Partia, na ku Media, ku Elamu; na ku Mesopotamia, mwe Yudeya, na mwe Kapadokiya; Twafuma mwe Pontu na mu Asia, 10mwe Frigia na mwe Pamfulia, mu Ijeputi na muvipya vyansi ya Libya yino vyapalamana nu Kureni; nawamwi awakwe sweswe wafuma mu Roma, 11awa Yuda namakandi wane wazumila ichipepelwe cha chi-Yuda; naswe wantu twafuma mu Krete na mu Arabia—swensinye tukuwivwa wakuvwanga mundimi zitunye ivintu vikalambane vino Leza wachita! 12Wonsinye awazunguka awaluwaluwa awalanga wakuwuzyania wakuti, Ngachonye-choo chikusula chani?
13Ukuwa wanji awasoweka awasuwizi, wakuti, Awantunye waa wakozilwe!
Amazwi yakwe Peter
14Swinya Peter ayimilila nawapostile ikumi nawenga, atalika ukuvwanga nizwi kulu kwiwumba ati, Mwe wa Yuda wanji, namwensi mwewantu mukakwikala mwe Yerusalemu, nteyelezyani muleke mbanene chino chonyechoo chikusula. 15Awantunye waa watakozilwe, ndimuno mukwelenganizizya; ngavino kanonzi ilanzi litani liwome, amutondo-tondo. 16Ukuwa kweni, choo achino chavwanjizilwe mumulomo wamutumwa e Joel ukuti.
17Leza wavwanga wati,
Chonyechoo achino ndichita mumanda yakupelelechezya:
Ndipungulila Umuzimu wane pawantu wonsi.
Awana winu awachonsi nawachanachi waliwatumwa;
nawo awalumendo winu waliwalola ivyakulozwa,
nawakalamba waliwalota ivilota.
18Nachawuzimanye, mumandanye yayo,
ndipungulila Muzimu wane napawazya wanenye,
awonsi nawanachi wize watumwa.
19Ndichita ivyakuzungusya mwiyulu mupela,
nivyamayele munsi yapansi.
Kuliwa uwazi, numulilo, nipumpu lyachusi,
20ilanzi lilifita,
nawo umwezi wuwenze ngati awazi,
pano uwanda wukulu uwakuchindamikwa
kwa Mfumu wutani wize.
21Paponye apano, wensi wino aliwapunda izina
lya Mfumu e Leza alitulwa.
22Mwe wa Israeli, siyivwani amazwi yaa! E Yesu wa mwe Nazareti walinji amuntu wino Leza wapanichisizye kwakwe mwemwe palwenze nivyamayele, nivizungusyo, nga nivimanyilo vino Leza wawombezile mwakwe weliwe; mwemwenye nalwinu mwamanya choo, amuno chachisilwe panye-paa pakwe mwemwe. 23E Leza, kukulonda kwakwe namano yakwe, wapanzizye kalikali kuno e Yesu alilemekwa kwemwemwe; amumukoma amuleka awantu wawembu awamupamantila pawuchingane. 24Ukuwa Leza wamuzyulupula; wamusapula kuwulumila wamfwa, amuno chatazile ukuti imfwa ilange yamukunjilila muvingololo. 25Amuno Davidi wavwanzile ivyakwe weliwe ati,
Impindi zyonsi nalolanga Imfumu e Leza pankolelo pakwe nene;
ntandi ndatamika, amuno ali kwikasa lyane ilyandilo.
26Muno achonye-choo umwezo wane wukuzewela
namazwi yane ayachimwemwe;
nga nenenye, nechala pano mpakuzile,
ndiwapuza nisuwilo lyakulolelela,
27amuno utalisya umuzimu wane kumbo;
utalileka umuwomvi wako ekankundwa ayize awole.
28Wandanjizya inzila zino zyalungama kuwumi,
pano wiza wiza ulinjizuzya nichimwemwe.
29Wanawitu: kande mvwange apatiswe ivyakwe Davidi ipongo litu. Wafwile azikwa, ninkungwe yakwe ichili ili naswe ukufika nilelo. 30Walinji amutumwa, wamanyile kuno Leza wamulayilizizye; Leza walafile ukuti ayize aleke uwikwata lyakwe Davidi wumwi ayize awe amfumu, ndivino Davidi-nye walinji. 31Davidi waweni chino Leza wanga achite, achaleka wavwanjizile nivyakuzyulupuka kwakwe Mesaya ati,
Atalechelezizwe munsi kumbo;
umuwili wakwe wutatela wuwole.
32Leza wazyulupuzile e Yesu-nye wee, sweswenye nalwitu swewakalola kwechonye-choo. 33Leza wamuzyulupuzile amuwika kwikasa lyakwe ilyandilo wamulemeka nu Muzimu Mwimichile, ndimuno walayilizizizye; achaleka chino mukulola mukwivwa nukwivwa achawila chakwe Yesu chino watupungulila. 34Amuno Davidi weni atatela aye mwiyulu; ukuwa watili,
Imfumu e Leza wanenile Imfumu yane ati,
Yikala paa kwikasa lyane ilyandilo,
35nsuke ndeke awalwani wako wawe achilimba chakulyatanjila penepo amanama yako.
36Achaleka awa Israeli wonsi, wandi wamanyichisye nukusimichila konsi kuno we Yesu-nye wee, wino mwapamantizile pawuchingane, awino Leza wamupa Uwufumu swinya waleka wawa we Mesaya!
37Awala awantu wivwa wonye-woo, awatamika kutaluvile, awanena Peter nawapostile wanji awati, Ngafwandi tuchite wuli wanawitu?
38Peter awanena ati, Tontolokwani mufume kuluwembu lwinu, mwensinye, mubatizwe nukubatizwa mwizina lyakwe Yesu Klistu, alyakuti uluwembu lwinu lutetelwe; mwize mupochelele ichawila chakwe Leza, Umuzimu Mwimichile. 39Amuno ilayilizyo lyakwe Leza lili pakwe mwemwe nawana winu, nawonsi wane wali ukutali—wonsi wano Imfumu e Leza witu wawita ukuti waye kweweliwe.
40Peter awalambilizya awakomelezya namazwi yanji amavule ati, Yifyusyani mwewenecho kukusundwa kuno kuliyizila awantunye waa awawipe! 41Ngapano awavule awakwe woliwo awasuwila amazwi yakwe awabatizwa nukubatizwa; nche wano wonjelezizye kwiwumba uwandanye wowo wafisile imyanda ikumi impindi zitatu (3,000). 42Awalanga wali nawapostile wakusambilila kwewoliwo, awayisanzya muwunyina, awalanga wakulya apaliponga mbali nukupepa.
Imiwele yawasuwizi
43Ivyamayele nivizungusyo vivule vyachitwanga nawapostile, nga intete azilema awantu wonsi. 44Awasuwizi wonsi awalanga walandalizile nuwunyina nukupana vino walinji navyo, 45Awakazya insawo zyawo navino walinji navyo awankana indalama, ndimuno wila muntu wasowezilwe. 46Iwumba lyonsinye lyasunkananga mung'anda yakwe Leza amanda yonsi, swinya walyanga ichakulya apaliponga mung'anda zyawo, awalanga wakulya mbali nichimwemwe nukuyichefya mumyezo, 47awalanga wakutumvya Leza, awalanga wakusechela wonsi nukulanjililana, Amanda yonsi Imfumu e Leza wonjelezyanga kwiwumba lyawo wonsi wano watulwanga.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Chinamwanga Bible © United Bible Societies, 1981.