Imilimo 3
3
Umuntu wino walemazile apozwa
1Uwanda wumwi e Peter nu Yohani awaya kung'anda yakwe Leza pano ilanzi lyapona akamanguzi, impindi yamapepo. 2Kokonye, pampongolo yino watanji, Mpongolo Nzima, palinji umuntu wino walemazile kuchalinye. Wasendwanga amanda yonsi awikwa pampongolo alyakuti awalenga indalama kuwantu wano winjilanga mung'anda yakwe Leza. 3Awino walile walola Peter nu Yohani wakwinjila, awalenga ukuti wamupe chimwi. 4Awamulolechesya nga Peter ati, Tulole! 5Nga awalola, awasuwila ukuti wandi wamupe chimwi. 6Peter amunena ati, Insi nindalama zimwi, ukuwa nandi nkupe chino indi nacho: mwizina lyakwe Yesu Klistu uwa mwe Nazareti nkuti pitanga! 7Ngapano amulema ikasa lyandilo, amukatusya. Napaponapapo amanama yamuntu weyo nutunkonkomba twakwe avikochela; 8alunduchila mupela, ayimilila namanama yakwe, atalika nukupitapita. Ayinjila nawo mung'anda yakwe Leza, alanga akupita mbali akulunduchila akutumvya Leza. 9Awantu wonsi awamulola akulunduchila mbali akutumvya Leza;
10awala wamumanya kuno awino wikalanga pa Mpongolo Nzima iyang'anda yakwe Leza. Walenganga, wonsi awazunguka awasukumila nukusukumila kwechino chachisilwe kweweliwe.
Amazwi yano Peter wavwanzile mung'anda yakwe Leza
11Ala vino umuntu wakwakwatizile Peter nu Yohani, awantu wonsi awazunguka awasamalila kweneko mwipembo lino watanji alyakwe Solomoni. 12Ala Peter walola awantu, awanena ati, Mwe wa Israeli-mwe, Ngachani chino mukuzunguka kwakwe choo, swinya mwatupanga naminso yinu? Nampo mwenji mukwelengania mukuti asweswe namaka yitu pamwi nuwuzima witu twaleka umuntu wee wati awapita? 13E Leza wakwe Abrahamu, uwakwe Ayizeki, nu Jekapu, e Leza wakwe watatakulu, wachindamika umuwomvi wakwe e Yesu, Wino mwemwenye nalwinu mwamulemesile kwewakapanzya, amumukana paminso yakwe Pilato, pane weni wapanzizye ukuti amutaye. 14Walinji amuzima umulungamane, ukuwa amumukana amulambilizya Pilato ukuti awasapulile echikoma. 15Achino amukoma wino akatwala awantu kuwumi. Ukuwa Leza wamuzyulupuzile kuwafwe—sweswenye swewakolala kwechonye-choo. 16Amaka yizina lyakwe ayano yapa umuntunye wee imyongo. Chino kanonzi mukulola mwachimanya nukumanya chachitizilwe mwisuwilo lyizina lyakwe; ukusuwila Yesu akuno kwapozya umuntunye wee paminso yinu.
17Achaleka kanonzi, wanawitu, namanya kuno chino mwemwenye nawakapanzya winu mwachisile Yesu mwachitizile muwumbuzi winu. 18Kali-kali Leza wawumbulilanga ivintu mumilomo yawatumwa wonsi ukuti Mesaya wakwe aliyimba; waleka chafiswa. 19Achaleka fwandi, tontolokwani muye kwe Leza, alyakuti avulunganie amawembuko yinu, 20alyakuti impindi zyakuwomesya imizimu yinu zize zifume ku Mfumu e Leza nalwakwe, atume e Yesu, wino we Mesaya wino wawasolela kali. 21Alange ali mwiyulunye isuke impindi ifike pano ivintu vyonsi vilipilulwa kuwupya, ndimuno Leza wawumbulizile mumilomo yawatumwa kali. 22Amuno Musa watili, Imfumu e Leza winu aliwatumila umutumwa, ndivino wantumile nene, wino alifuma muwantu winunye. Mwize muwamwivwa mwakwe vyonsi vino aliwavwanga. 23Wensi wino wakana ukwivwa umutumwanye weyo alipantulwa afume pawantu wakwe Leza alowe. 24Nachawuzimanye awatumwa wanji wonsi, ukufumilila pakwe Samuel nawane wizile pansizi pakwe weliwe namazwi, nawonye wawumbuzile ivintu vyamandanye yaa. 25Amalayilizyo yano Leza wavwanjizile mumilomo yawatumwa ayinu mwemwenye, mwemwenye mwempyani zyilayano lino Leza walayine nawasokulu. Ndivino wanenile Abrahamu ati, Mwikwata lyako amuno ndipepela imyiko yonsi munsi. 26Achaleka asola Umuwomvi wakwe amutuma kwemwemwe pakutalika, ukuti awapepe awapetule mwensi muleke inzila zinu izyaluwembu.
Одоогоор Сонгогдсон:
Imilimo 3: WWN82
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Chinamwanga Bible © United Bible Societies, 1981.
Imilimo 3
3
Umuntu wino walemazile apozwa
1Uwanda wumwi e Peter nu Yohani awaya kung'anda yakwe Leza pano ilanzi lyapona akamanguzi, impindi yamapepo. 2Kokonye, pampongolo yino watanji, Mpongolo Nzima, palinji umuntu wino walemazile kuchalinye. Wasendwanga amanda yonsi awikwa pampongolo alyakuti awalenga indalama kuwantu wano winjilanga mung'anda yakwe Leza. 3Awino walile walola Peter nu Yohani wakwinjila, awalenga ukuti wamupe chimwi. 4Awamulolechesya nga Peter ati, Tulole! 5Nga awalola, awasuwila ukuti wandi wamupe chimwi. 6Peter amunena ati, Insi nindalama zimwi, ukuwa nandi nkupe chino indi nacho: mwizina lyakwe Yesu Klistu uwa mwe Nazareti nkuti pitanga! 7Ngapano amulema ikasa lyandilo, amukatusya. Napaponapapo amanama yamuntu weyo nutunkonkomba twakwe avikochela; 8alunduchila mupela, ayimilila namanama yakwe, atalika nukupitapita. Ayinjila nawo mung'anda yakwe Leza, alanga akupita mbali akulunduchila akutumvya Leza. 9Awantu wonsi awamulola akulunduchila mbali akutumvya Leza;
10awala wamumanya kuno awino wikalanga pa Mpongolo Nzima iyang'anda yakwe Leza. Walenganga, wonsi awazunguka awasukumila nukusukumila kwechino chachisilwe kweweliwe.
Amazwi yano Peter wavwanzile mung'anda yakwe Leza
11Ala vino umuntu wakwakwatizile Peter nu Yohani, awantu wonsi awazunguka awasamalila kweneko mwipembo lino watanji alyakwe Solomoni. 12Ala Peter walola awantu, awanena ati, Mwe wa Israeli-mwe, Ngachani chino mukuzunguka kwakwe choo, swinya mwatupanga naminso yinu? Nampo mwenji mukwelengania mukuti asweswe namaka yitu pamwi nuwuzima witu twaleka umuntu wee wati awapita? 13E Leza wakwe Abrahamu, uwakwe Ayizeki, nu Jekapu, e Leza wakwe watatakulu, wachindamika umuwomvi wakwe e Yesu, Wino mwemwenye nalwinu mwamulemesile kwewakapanzya, amumukana paminso yakwe Pilato, pane weni wapanzizye ukuti amutaye. 14Walinji amuzima umulungamane, ukuwa amumukana amulambilizya Pilato ukuti awasapulile echikoma. 15Achino amukoma wino akatwala awantu kuwumi. Ukuwa Leza wamuzyulupuzile kuwafwe—sweswenye swewakolala kwechonye-choo. 16Amaka yizina lyakwe ayano yapa umuntunye wee imyongo. Chino kanonzi mukulola mwachimanya nukumanya chachitizilwe mwisuwilo lyizina lyakwe; ukusuwila Yesu akuno kwapozya umuntunye wee paminso yinu.
17Achaleka kanonzi, wanawitu, namanya kuno chino mwemwenye nawakapanzya winu mwachisile Yesu mwachitizile muwumbuzi winu. 18Kali-kali Leza wawumbulilanga ivintu mumilomo yawatumwa wonsi ukuti Mesaya wakwe aliyimba; waleka chafiswa. 19Achaleka fwandi, tontolokwani muye kwe Leza, alyakuti avulunganie amawembuko yinu, 20alyakuti impindi zyakuwomesya imizimu yinu zize zifume ku Mfumu e Leza nalwakwe, atume e Yesu, wino we Mesaya wino wawasolela kali. 21Alange ali mwiyulunye isuke impindi ifike pano ivintu vyonsi vilipilulwa kuwupya, ndimuno Leza wawumbulizile mumilomo yawatumwa kali. 22Amuno Musa watili, Imfumu e Leza winu aliwatumila umutumwa, ndivino wantumile nene, wino alifuma muwantu winunye. Mwize muwamwivwa mwakwe vyonsi vino aliwavwanga. 23Wensi wino wakana ukwivwa umutumwanye weyo alipantulwa afume pawantu wakwe Leza alowe. 24Nachawuzimanye awatumwa wanji wonsi, ukufumilila pakwe Samuel nawane wizile pansizi pakwe weliwe namazwi, nawonye wawumbuzile ivintu vyamandanye yaa. 25Amalayilizyo yano Leza wavwanjizile mumilomo yawatumwa ayinu mwemwenye, mwemwenye mwempyani zyilayano lino Leza walayine nawasokulu. Ndivino wanenile Abrahamu ati, Mwikwata lyako amuno ndipepela imyiko yonsi munsi. 26Achaleka asola Umuwomvi wakwe amutuma kwemwemwe pakutalika, ukuti awapepe awapetule mwensi muleke inzila zinu izyaluwembu.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Chinamwanga Bible © United Bible Societies, 1981.