Yohani 17
17
Yesu apepela awasambilizi wakwe
1Ala Yesu wavwanga ivintunye vyoo, apunamila mwiyulu ati, Tata, impindi yafichila. Chindamika Umwanak o, alyakuti Umwana akuchindamike. 2Amuno wamupa amaka pawantu wonsi, alyakuti ape wonsi wane wamupa uwumi wamuyayaya. 3Woo awuli wumi wamuyayaya: ukuti awantu wakumanye, wewenye we Leza wakusimichila, nukumanya e Yesu Klistu, wino watumile. 4Nakuchindamika munsi; amuno namala umulimo wuno wampile ukuti mbombe. 5We Tata! Kanonzi nchindamika swinya, ndivino wanchindamisile pano twalinji swensi pano insi yachilinji ukwelewulwa.
6Naleka awantu wane wampile munsi wakumanya. Walinji awako, uwampa. Watontela amazwi yako. 7Kanonzi wamanya kuno ivintu vyonsi vino wampa vyafuma kwewewe. 8Nawalandila amazwi yano wanenile, wayapochelela; wapanichisya kuno nafuma kwewewe, swinya wasuwila kuno awewenye wantuma.
9Nkuwapepela. Nsinakupepela awamunsi, ukuwa nkupepela awantu wane wampa, amuno awako. 10Vyonsi vino indi navyo avyako navyonsi vino ulinavyo avyane; nachindamichilwa mwakwe woliwo. 11Kanonzi nkwiza kwewewe; ntachiwanga munsi swinya, ukuwa weni wali munsi. We Tata Mutele! Wasungange uwawachinjilila namaka yizina lyako, lino wampa, alyakuti wawe awaliwonga ndivino wewe nani tuli. 12Pano nalinji nawo nawasunganga mumaka yizina lyako, lino wampa. Nawachinjililanga, patasowela nanti wenga, suka ndi amuntu wino wazipila ukulowa — alyakuti Amawaliko Matele yafiswe. 13Ukuwa kanonzi nkwiza kwewewe, nkuvwanga ivintu vyonye-vyoo munsi alyakuti wawe nichimwemwe chane mumyezo yawo, ichimwemwe chikulu. 14Nawapa amazwi yako nawamunsi wawapata, amuno wasi awamunsi, ndivino naninye insi newamunsi. 15Nsinakupepa ukuti uwafumye munsi, ukuwa nkukulambilizya ukuti uwawachinjilila kuMuwipe. 16Wasi awamunsi ndivino naninye insi newamunsi. 17Wimichile nukusimichila kwako wawe awako, amuno izwi lyako alyakusimichila. 18Nawatuma munsi ndivino nawe wantumile mwenemo. 19Muno woliwo, nayimichila nemwenecho pakwe wewe, alyakuti nawonye, wimichilwe nukusimichila kwewewe, wawe awako.
20Nsinakuwapepela woliwo wonga, ukuwa nkupepela nawonsinye wane wansuwila muno amazwi yako. 21Nkupepa ukuti wonsi wawe awa mwezo wonga. We Tata! Leka wawe mwakwe sweswe, ndivino wewe uli mwakwe nene nani indi mwakwe wewe. Leka wawe awamwezo wonga, alyakuti awamunsi wamanye kuno awewe wantuma. 22Wawachindamika ndivino wanchindamisile, alyakuti wawe awamwezo wonga, ndivino wewe nani tuli: 23nene mwakwe woliwo nawe mwenene, alyakuti nachawuzimanye wawe awamwezo wonga, alyakuti awamunsi wamanye kuno wantuma, swinya wawakunda ndivino wankunda.
24We Tata! Wawampa, nani nkulonda wakwikala nani kuno indi, alyakuti walole ukuchindamikwa kuno wanchindamika; amuno wankunzile
pano insi italinjipo. 25We Tata Mulungamane! Awamunsi watakumanya, ukuwa nenji nakumanya, nawaa weni wamanya kuno awewe wantuma. 26Naleka wakumanya, ndilandalila ukuchita wowonye, alyakuti ulukundo luno wankunda luwe mwakwe woliwo, nani mwakwe woliwo.
Одоогоор Сонгогдсон:
Yohani 17: WWN82
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Chinamwanga Bible © United Bible Societies, 1981.