Matayo 1
1
OLUGANDA LW’OMUKAMA WETU YEZU KRISTU.
1Ekitabo ch’oburugo bwa Yezu Kristu, omwana wa Daudi, mwende Ibrahimu#1, 1 Ha butandikiro bw’Evanjeli Matayo akumanyisya okwo Yezu ali w’oluganda lwa Ibrahimu na Daudi, nk’okwo abalagi balagire kuruga kara.. 2Ibrahimu akazara Izaki; Izaki nazara Yakobo; Yakobo nazara Yuda n’abatabani babo; 3Yuda nazara Faresi na Zara hali Tamari; Faresi nazara Esironi; Esironi nazara Aramu. 4Aramu nazara Aminadabu; Aminadabu nazara Nasoni; Nasoni nazara Salmoni; 5Salmoni nazara Bozi hali Rahaba; Bozi nazara Obedi hali Ruti; Obedi nazara Yese; Yese nazara omukama Daudi. 6Omukama Daudi nazara Salomoni ha mukazi ayaliga ali muka Uriya. 7Salomoni nazara Robohamu; Robohamu nazara Abiya; Abiya nazara Asa. 8Asa nazara Yozafati; Yozafati nazara Yoamu; Yoamu nazara Oziya; 9Oziya nazara Yohatamu; Yohatamu nazara Akazi; Akazi nazara Ezekiya; 10Ezekiya nazara Manase; Manase nazara Amoni; Amoni nazara Yoziya; 11Yoziya nazara Yekoniya n’abatabani babo mu naku zo kuyezibwa Babiloni.
12Kai kumara kuyezibwa Babiloni, Yekoniya nazara Salatyeli; Salatyeli nazara Zorobabeli; 13Zorobabeli nazara Abyuda; Abyuda nazara Elyakimu; Elyakimu nazara Azori; 14Azori nazara Sadoti Sadoti; nazara Akimu; Akimu nazara Elyuda; 15Elyuda nazara Eleazari, Eleazari nazara Matani; Matani nazara Yakobo; 16Yakobo nazara Yozefu; iba Maria, Nina Yezu, owe bayeta bati Kristu.#1, 16 Ekigambo “Kristu” ensonga zacho: “Omusigwa mazuta” Mu Bayahudi abalagi n’abasaserdoti bakuru n’abakama basigwaga amazuta matakatifu, ka batandikaga omulimo gwabo.
17Mbe nzaro zona kuruga Ibrahimu kuhika Daudi ni nzaro ikumi n’ena; kai kuruga Daudi kuhika kuyezibwa Babiloni ni nzaro ikumi n’ena; kandi kuruga kuyezibwa Babiloni kuhika Kristu ni nzaro ikumi n’ena.
KUZARWA KWA YEZU.
18Ha kuzarwa kwa Yezu bikaba biti: Maria nina, ka yasanzirwe Yozefu, batakatwire hamo, nasangwa yatwer’enda n’amani g’Omwoyo Mutakatifu. 19Mbe Yozefu iba, obwo yaliga arongire, atakwenda kumulega, yayendaga kumwanga bwesereke. 20Aho yaliga akitekateka ebyo, niwe na mumalaika w’Omukama namubonekera mu kiroto, namugira ati: Yozefu, mwana wa Daudi, otatina kuswera omukazi wawe Maria, kuba ekitwerwe mu nda ye kikuruga hali Mwoyo Mutakatifu. 21Alizara omwana mwozo; olimuruka izina lye Yezu#1, 21 Ekigambo “Yezu” ensonga zacho: “Omuchunguzi”., kuba niwe alichungula ihanga lye mu biheno byabo. 22Mbe ebyo byona bikabaho, niho kihike echagambirwe Omukama mu kanwa k’omulagi, ati: 23Omubikira alitwar’enda, azare omwana mwozo, balimuruka izina lye bati: Emmanueli, nikwo kugira bati: Mungu ali n’etwe. 24Mbe Yozefu nasisimuka mu ntiro, nagira nk’okwo mumalaika w’Omukama yamulagirire, naleta omukazi we mu ka. 25Nawe tiyamumanyire kuhika azare omwana we w’obuzigezo; namuruka izina lye Yezu#1, 25 Yezu ni mwana nagumo hali nina. Hatyo ali “mwana w’obuzigezo”..
Одоогоор Сонгогдсон:
Matayo 1: KED1946
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
First published in 1946 by the White Fathers. Published online with the permission of the White Fathers.