Genesis 1
1
Ehungi rombutiro youye
1Kombutiro, Ndjambi wa memene eyuru nehi. 2Ehi kara ri nomuhapo, nu ra ri tjo. Nu kwa ri onḓorera mourekoto; nOmbepo ya Ndjambi ya tengerere kombanda yomeva. 3#2Kor 4:6Nu Ndjambi wa tjere: “Ngape kare ondjerera!” Nu pa kara ondjerera. 4Ndjambi arire tja munu kutja ondjerera ombwa. Nu eye wa haṋa ondjerera konḓorera.
5Ondjerera eye we i ruka “Omutenya”, nonḓorera we i ruka “Ouṱuku”. Nu pa tenga ongurova, nape ya omuhuka: Okutja eyuva etenga.
6 #
2Pt 3:5
Nu Ndjambi wa tja: “Ngape kare evaverwa mokati komeva, ndi mari haṋa omeva komeva!” Notji pa kara nao. 7Ndjambi wa ungura evaverwa, na haṋa na ro inga omeva wokehi na inga wokombanda yaro. 8Nu indi evaverwa we ri ruka “Eyuru”. Nu pa ri ongurova, nape ya omuhuka: Okutja eyuva oritjavari.
9Nu Ndjambi wa tja: “Omeva nga nge ri kehi yeyuru ngaye wongarere poṋa pemwe kutja popakukutu pe munike.” Nu pa kara nao. 10Nu popakukutu Ndjambi we pe ruka “Ehi”, nu imba pomaworonganeno womeva we pe ruka “Okuvare”. Nu Ndjambi wa muna kutja pe ri nawa. 11Nu Ndjambi wa tja: “Ehi ngari hapise ovihape mbi eta ozondwi, nomiti, mbi eta ovihape mu mu nozondwi otja komihoko vyavyo kombanda yehi.” Nu pa kara nao. 12Nehi otjinga ara hapisa ovihape mbi eta ozondwi otja komihoko vyavyo, nomiti, mbi eta ovihape mu mu nozondwi otja komihoko vyavyo. Nu Ndjambi wa muna kutja pe ri nawa. 13Nu pa ri ongurova, nape ya omuhuka: Okutja eyuva oritjatatu.
14Nu Ndjambi wa tja: “Ngape kare ovimunine mevaverwa okuhaṋa omutenya kouṱuku, vi rire oviyarisiro vyotuveze nomayuva nozombura. 15Novyo wina ngavi rire ovimunine mevaverwa okuyerisa ehi.” Nu pa kara nao. 16Ndjambi wa ungura ovimunine vivari ovinene: Otjimunine ihi otjinene tji honapara mutenya, nu ihi otjiṱiṱi tji honapara ouṱuku. Neye wa uta ozonyose wina. 17Nu Ndjambi wa twa ovimunine mbi mevaverwa okuyerisa ehi, 18nokuhonapara omutenya nouṱuku okuhaṋa ondjerera konḓorera. Nu Ndjambi wa muna kutja pe ri nawa. 19Nu pa ri ongurova, nape ya omuhuka: Okutja eyuva oritjaine.
20Nu Ndjambi wa tja: “Momeva ngamu nyangatare ovinamuinyo ngamwa avihe, nozonḓera ngaze tuke kombanda yehi mevaverwa!” 21Nu Ndjambi wa mema ovipuka ovinene vyomokuvare novinamuinyo avihe, mbi nyinganyinga momeva kokuvare otja komihoko vyavyo, nozonḓera azehe ozonavivava otja komihoko vyazo. Nu Ndjambi wa muna kutja pe ri nawa. 22Neye we vi sera ondaya na tja: “Kwatasaneye nu takavareye mu urise omeva mokuvare; nozonḓera wina ngaze takavare kombanda yehi.” 23Nu pa ri ongurova, nape ya omuhuka: Okutja eyuva oritjatano.
24Nu Ndjambi wa tja: “Ehi ngari ete ovinamuinyo otja komihoko vyavyo: Ozonyanda nozongombe, novipuka mbi honahona, novipuka vyokuti otja komihoko vyavyo.” Nu pa kara nao. 25Nu Ndjambi wa ungura ovipuka vyokuti otja komihoko vyavyo, nozonyanda nozongombe, novipuka avihe, mbi honahona pehi otja komihoko vyavyo. Nu Ndjambi wa muna kutja pe ri nawa.
26 #
1Kor 11:7
Nu Ndjambi wa tja: “Ngatu meme ovandu kombunikiro na kosaneno yetu mbu mave kara nouvara kombanda yozohi nḓe ri mokuvare, na kozonḓera zeyuru, na kozonyanda nozongombe, na kovipuka avihe vyokuti, na ku imbi mbi honahona kombanda yehi.” 27#Gen 5:1, 2#Mt 19:4; Mk 10:6Nu Ndjambi otja mema omundu otja kombunikiro ye; otja kombunikiro ya Ndjambi eye otje mu mema: Eye wa mema omurumendu nomukazendu. 28Nu Ndjambi we ve sera ondaya na tja ku wo: “Kwatasaneye, takavareye nu mu urise ehi, noro ngari kare kehi yeṋu; nu kareye nouvara kombanda yozohi zokuvare na kozonḓera zeyuru na kovinamuinyo avihe, mbi ri kombanda yehi.” 29Norukwao Ndjambi wa tja: “Ami me mu pe ovihape avihe, mbi eta ozondwi nu mbi ri kombanda yehi arihe; nomiti avihe, mbi eta ovihape mu mu nozondwi. Ovyo mavi rire oviparure vyeṋu. 30Nungwari ovipuka avihe vyokuti nozonḓera azehe zeyuru, novinamuinyo avihe mbi honahona kombanda yehi me vi pe ehozu noviyao vyomiti ngamwa avihe otja ovikurya.” Nu pa kara nao. 31Nu Ndjambi wa muna avihe mbya ungura, nu vya ri oviwa tjinene. Nu pa ri ongurova, nape ya omuhuka: Okutja eyuva oritjahamboumwe.
Одоогоор Сонгогдсон:
Genesis 1: HRR-UNI
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Herero Revision Bible © Bible Society in Namibia, 2021.