Kenesis 2
2
1Im pōkop mūnemap mōvun tentūrū sū ra mumpon irora dūti nokompeli sū. 2Im Nōbū yĭmtampeli ōvun numpūrah sū eni ran dan sū mĭsekī, miyi yemĭndog ran dan sūkrĭm‐narūgi marugi ov numpūrah sū eni, omwisū mori iyi yipmumpi.
3Im Nōbū yivīeves pe dan sūkrĭm‐narūgi mō mumpi memokū pe tumpora, popōwo ra iman dan mori iyi yemĭndog marugi ov numpūrah sū eni omwi sū mori Nōbū yipmetipe mō mumpi.
4Imo sū yeti nate potnin pōkop mūnemap, pol sugkū Iehōva Nōbū yĭpmetipe irora ran dan mori iyi yĭpmumpi pōkop mūnemap, 5mōvun nōvo dūtūtepū ra nemap, ĭt iyi Iehōva Nōbū yetūumpi gi nebĭb woromol ra nemap, ĭm yetū sī neteme worokeli nemap. 6Kō ūmōap yisah yimnē ra nemap mō mavūwi tan nemap omwisū.
7Im Iehōva Nōbū yĭmumpi neteme gi navivon nemap mo mesumsah ra worokolag eni gi nesumsah nomūrep, im neteme yetepū naviat mumprokomūrep.
8Im Iehōva Nōbū yĭmumpi denūok ūnūrū ra Iden, ĭm yūi iyi yĭmetipe neteme mori iyi yĭpmumpi. 9Im Iehōva Nōbū yĭmumpi tiame nē sū nilaswi marimī woreni woreteli ra nemap; ĭm nē ra nomūrep sugkū ĭlebōteven denūok, ĭm sī nē noĭntan aremī ĭm sat.
10Im nĭntelep yĭmorari yĭmnē ra Iden woresōsowi denūok; yĭmnē ra nūrū yūi yĭmsug devat. 11Nin pe ra nōbūm Pīson; imō mori umnagkx ugi nūrū ra Havila; iyūi kōld. 12Im kōd rap nūrū yūi oti aremī; ĭm yūi sugkū bedōlal ĭm nevat sōham. 13Im nin pe nĭntelep dūrūgi Kīhon, imō mori umnagkxugi nūrū ra Etiopia. 14Im nin pe deselugi Hĭdikel; imō mori umnot rari ūnūrū ra Asĭria. Im nĭntelep devaug‐i Yūfrētes.
15Im Iehōva Nōbū yĭmpasewugi neteme mō metipe iyi ran denūok Iden worokeli pe mō mafĭnte pe.
16Im Iehōva Nōbū yĭmpasewugi neteme mō menūwi pugi memokū, Kĭk oneni novūan nē sū ran denūok; 17kō sī nē noĭntanwi, nē worokili aremī ĭm sat, Etūon ĭmpe; popōwo ran dan mori kĭk onenĭmpe, itnesog kĭk mamas.
18Im Iehōva yĭmenūwi memokū, Otū aremī neteme worete e kō sī, ya konumpi sī naveri nĭsekon sugkū iyi.
19Im Iehōva Nōbū yĭmumpi gi nemap ov nūrah sū en tiame nomūrep ra netē nūrū sū, menōk sū ūnēī, mō ĭmtōr‐ōra pugi neteme worokili sū sugkū iyi onatov ninda; mima mori neteme yĭmatov ninda nūrah sū nomūrep yeti ninda sū. 20Miyi neteme yĭmatov ninda ōvun nūrah sū en tamas ĭm menōk sū ūnēī, im nūrah sū nomūrep ra netē nūrū sū; kō nĭsekon neteme yetū sī naveri sugkū iyi.
21Im Iehōva Nōbū yĭmumpi Adam woralēepatemas, miyi yĭmalēepō, miyi yĭmpī sī nĭmperi eni mō ĭmsumpat fan memēekceki. 22Im nĭmperi mori Iehōva yĭmpī marugi neteme iyi yĭmumpi nasiven mo ĭmtōr‐iyi pugi neteme mori. 23Miyi neteme yĭmenūwi memokū, Imō marima oti nōiran ra nōirag sū, ĭm fan ra fan enyx, ĭm popōwo pe sugkū anti natov nin eni magkū Nasiven, ĭt iyi yeti nevī marugi neteme. 24Popōwo pe sugkū sī neteme awi ĭtemen eni ĭm dĭneme eni mō mantĭndōwi ūndū retepon eni; miroran dūrū wanti fan sī teven. 25Mirora dūavan e wokon, neteme mori ĭm retepon eni, mō mūtū arumprum.
Одоогоор Сонгогдсон:
Kenesis 2: ERGOT
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Published by the British and Foreign Bible Society: Genesis in 1914, and Ruth in 1932.