Génesis 5
5
Adaniri Sïrukua
1I jintesti takukata enka Adaniri sïrukua karakata jaka: Imani jurhiata enka Diósï, kueraaka k'uiripuni, mák'ueni ják'usti eska ima na jáxeka. 2Tataka ka nanakani kueraasti ka úch'akuraasti, imani jurhiatekua enka kuerauapka, ka Adani jakankurhitaspti.
3Adani kuimu ekuatse ka témpeni (130) uéxurhini jatirispti enka sapini ma kánkorhepka enka sésimentu tsïtsïntapka ka Seti jakankurhitaspti. 4Enka na sapini kánkorhepkia, Adani máteru tsimani irepeta (800) uéxurhini irekaspti ka kankorheaspti máteru sapichani. 5Adani tsimani irepeta ka kuimu ekuatse ka témpeni (930) uéxurhini jatirispti enka uarhipka.
6Seti iumu ekuatse ka iumu (105) uéxurhini jatirispti enka Enósini kánkorhepka. 7Enka na Setini ka Enósini kámapkia, tsima irepeta ka iumu tsimani (807) uéxurhini irekasptiteru ka máteru sapichani kaaspti. 8Seti tsimani irepeta ka iumu ekuatse ka témpeni tsimani (912) uéxurhini jatiri uarhispti.
9Enósi t'amu ekuatse ka témpeni (90) uéxurhini jatirispti enka Kainani kankorhepka. 10Enka na kamapkia Kainani, Enosi máteru tsimani irepeta ka témpeni iumu (815) uéxurhini irekaspti ka sánteru sapichani kaaspti. 11Enosi tsimani irepeta ka iumu ekuatse ka iumu (905) uéxurhini jatiri uarhispti.
12Ka Kainani tanimu ekuatse ka témpeni (70) uéxurhini jatirispti enka Malalelini kámapka. 13Enka na Malalelini kámapkia, tsimani irepeta ka tsimani ekuatse (840) uéxurhini irekasptiteru ka máteru kaaspti sapichani. 14Kainani tsimani irepeta ka iumu ekuatse ka témpeni (910) uéxurhini irekaspti.
15Malaleli tanimu ekuatse ka témpeni iumu uéxurhini jatirispti enka Jéredini kámapka. 16Enka na Jéredini kamapkia, Malaleli tsimani irepeta ka ma ekuatse ka témpeni (830) uéxurhini ka sánteru sapichani kaaspti. 17Malaleli tsimani irepeta ka t'amu ekuatse ka iumu (895) uéxurhini jatiri uarhispti.
18Jéredi iumu tanimu ekuatse ka tsimani (72) uéxurhini jatirispti enka uáp'a Enoki antap'enupka. 19Enka na Enokini kamapkia, Jaredi tsimani ekuatse (800) uéxurhini jatirispti ka kaaspti máteru sapichani. 20Jéredi tsimani irepeta ka iumu tanimu ekuatse ka tsimani (962) uéxurhini jatiri uarhispti.
21Enoki tanimu ekuatse ka témpeni ka kuimu (75) uéxurhini jatirispti enka uáp'a Matusaleni antap'enupka. 22Enka na Matusaleni antap'enupkia, Enoki méntu isï Diósï jinkuni jamaspti témpeni ka iumu ekuatse (300) uéxurhini ka máteru sapichani kaaspti. 23Enoki témpeni iumu tanimu ekuatse ka uimu (365) uéxurhini irekaspti. 24Enoki méntu isï Diósï jinkuni jamaspti, ma jurhia uarhispti jimpoka Diósï p'íkuntaspka.
25Matusaleni iumu t'amu ekuatse ka iumu tsimani (187) uéxurhini jatirispti enka uáp'a Lámekini kámapka. 26Enka na Lamekini kamapkia, Matusaleni ma irepeta ka tempeni ka t'amu ekuatse ka tsimani (782) uéxurhini jatirispti, ka sánteru sapichani kaaspti. 27Matusaléni tsimani irepeta ka iumu tanimu ekuatse ka iumu t'amu (969) uéxurhini jatiri uarhispti.
28Lameki iumu t'amu ekuatse ka tsimani (182) uéxurhini jatirispti enka sapini ma kámapka, 29imani Noé jakankurhitaspti, Its'ïni p'ímutantaati xáni ánchekorheta, echerirhu enka ACHA ikimeka. 30Enka na Noéni kamapkia, Lameki ma irepeta ka iumu t'amu ekuatse ka iumu (595) uéxurhini jatirispti ka máteru sapichani kaaspti. 31Lámeki ma irepeta ka témpeni iumu tanimu ekuatse ka témpeni iumu tsimani (777) uéxuri irekapsti.
32Noé ma irepeta ka iumu ekuatse (500) uéxurhini jatiri Semini ka Kamani ka Jafetini kaaspti.
Одоогоор Сонгогдсон:
Génesis 5: BI-PURHE
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Biblia en P´urhépecha, Michoacán, México © Sociedad Bíblica de México, A.C.