Genesis 14
14
Lotib piulijauninga Abramut. Melkisêdeke.
1Pijokarporlo, Amrâfele attaniotilugo Sineareme, Arioggelo attaniotilugo Elâsareme, Kedarlaomerelo attaniotilugo Elame, Tidealelo attaniotilugo Gojime,
2Tâpkoa unatadlarmatta Bêramut Sodomab attaninganut, Birsamullo Gomorrab attaninganut, Sineamullo Adamab attaninganut, Semeberemullo Zeboib attaninganut, Bêlablo attaninganut. Bêla tagva Zoare.
3Tâpkoa ilûnatik illigêklutik naᴋsarmut Siddimut pivut, (kingorngane) tasseᴋsoangojomut tarriomut.
4Jârit 12 Kedarlaomeremut kivgaugamik, jârit 13ingane nâlegomairpât.
5Jârillo 14ingane Kedarlaomere tikkipoᴋ attanillo illagijangit, sâlagivaillo Rêfait Astarot-Karname, Sûsillo Hameme, Emimillo Kiriatab naternangane,
6Horiterillo Seireme, ᴋaᴋᴋangine, El-Pâran tikkidlugo inuᴋangitub kiglinganêtoᴋ.
7Uttermivlutiglo En-Mispat tikkipât, tagva Kâdes; Amalekiterillo nunangat ilûnât, taimaktauᴋ Amoriterit, Hâzazôn-Tâmame nunaᴋartut, sâlagivait.
8Tagva aularput Sodomab attaninga, Gomorrablo attaninga, Adamablo attaninga, Zeboiblo attaninga, Bêlablo attaninga, imaitoᴋ, Zoarib, sorsugiartorlutik naᴋsarme Siddime
9Kedarlaomeremut Elab attaninganut, Tidealemullo Gojib attaninganut, Amrâfelemullo Sinearib attaninganut, Arioggemullo Elâsarib attaninganut; attanit sittamat unatarput tallimanut.
10Naᴋsarlo Siddim kutsolingnik ittersaᴋadlarpoᴋ. Kemâgamiglo Sodomab Gomorrablo attanîgik (illangillo) takanunga kattakput; amiakungillo ᴋemâlerput ᴋaᴋᴋanut.
11Tagva perᴋutit tamaita Sodomamêtut Gomorramêtullo tiguvait nerᴋiksallo tamaita, aularlutiglo.
12Lotelo Abrab ᴋangianga perᴋutingillo naksarpait, aularamik, Sodomame nunaᴋarmat.
13Tikkiporlo ᴋemâsimajut illangat oᴋautigijartorlugo Abramut Ebrêerimut, nunaᴋarmat Mamrib Amoriterib napârtungine, Eskolib Aneriblo ᴋattangutingata. Tâpkoalo Abralo angerᴋatigêkput.
14Abrable ᴋattangutine aularutjaujoᴋ tussaramiuk, sûtjaᴋotine 318, iglomine inôlilauᴋtut, sorsugiarᴋovait, ipkoalo udlapait Dane tikkidlugo.
15Unnuakkullo nangmineᴋ kivgangitalo maggoilivlutik opingarpait sâlagivlugillo maliklugillo Hôba tikkidlugo Damaskusib tachardlinga.
16Perᴋutillo tamaita uttertipait, Lotelo ᴋattangutine perᴋutingillo, taimaktauᴋ arnat inuillo.
17Uttilermat, Kedarlaomere attanillo illagijangit sâlagerᴋârlugit, Sodomab attaninga aularpoᴋ pagrearlugo naᴋsarmut Sâvemut, tagva attanerub naᴋsanganut.
18Melkisêdekele, Sâlemib attaninga, ᴋaᴋᴋôjanik vainemiglo ᴋaitsivoᴋ; Gûdib ᴋotsingnerôjub ajoᴋertuijoᴋutinga tâmna.
19Saimauserpâlo oᴋarlune: Saimausertaule Abra Gûdemut ᴋotsingnerôjomut, ᴋilangmiglo nunamiglo perᴋutetalingmut.
20Gûdelo ᴋotsingnerôjoᴋ nakorijaule, sorsugvigijarnik tunitjijoᴋ aggangnut. Abrablo tâmna tunitjivigivâ tigujame ilûnatik tallimaujoanik.
21Tagva Sodomab attaninga Abramut oᴋarpoᴋ: Inuit uvamnut tunikit, perᴋutit igvit tigukit.
22Abrable Sodomab attaninga oᴋautivâ: Aggakka issakpakka ᴋongmut Nâlekamut Gûdemut ᴋotsingnerôjomut, ᴋilangmiglo nunamiglo perᴋutetalingmut,
23Tamainit igvit perᴋutigijarnit tigusinianginama ivaluksakullungmiglônêt ungerutiksamiglônêt, oᴋarᴋonak: Uvanga Abra akluitipara.
24Inôsuktut nerrijangit kissêta pivakka, angutillo illagijama piksangit; Aneriblo Eskoliblo Mamriblo piksatik tigungmiligit.
Одоогоор Сонгогдсон:
Genesis 14: LIHB08
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Labrador Inuttitut Heritage Bible © Canadian Bible Society, 2008.