Matayo 5 मधील लोकप्रिय बायबल वचने

सामायिक करा

Vïdï maako owi lamba dë mora kï'dï mo hu sikɔ, ta gɔ mo mo ï'dï da wa tɔrɔ 'ba lamba, ï'dï bikanyi gbɔ zi vïdï 'ba mï loko ne biya. Tëmï gërï kölö ne, bikanyi 'be'e ma yanyi ga bi dagba komo vïdï, here ne zi zë kongɔ kö'du laka ma o'dɔ 'e zi yeto 'bu komorïyë.

'E kaa bikanyi 'ba damöku ne biya. Gawo ma uvö da lutu oho rë nï dë.

Vo rakyenyiye ra vïdï ma di'di zë ŋbala, ga kö'du zë akongɔnnï Wïrï.

Vo rakyenyiye ra vïdï ma na o'bo a'ba kɔdrɔ aba tïnyö, ga kö'du zë atɔvɔnnï.

Yaanya aba mayada zi ye, o'dɔ lɔvɔ vo wehe 'bëyïye amötu ga kö'du zë ma o'dɔnnï yï na kyënyë.

Vo rakyenyiye ra vïdï wïrï lumë aba, ga kö'du damöku 'ba Wïrï 'bëzë ra.

Vo rakyenyiye ra vïdï ma vo wayata, ga kö'du akako'jo zë na gisi 'ba Wïrï.

Vo rakyenyiye ra vïdï ma kudu aba, ga kö'du akayëyï zë.

Vo rakyenyiye ra vïdï ma ayaza zë ga kö'du tïnyö 'bëzë, ga kö'du damöku 'ba Wïrï 'bëzë ra.

Vo rakyenyiye ra vïdï ma mïkyëyï aba, ga kö'du zë aki'jannï mïkyëyï.

Vo rakyenyiye ra vïdï ma alidiye, ayaza'e, o'dɔ'e na kyënyë dakyïnë kö'du 'ba Satani yada mo na ndɔndɔ ru'e aba ga kö'du 'e vo ga ndï ma. Ëdïye rakyenyi aba ga kö'du biriti kyedre ëdï na sesi asesi zi biye komorïyë. Nenye ëdï hala nëbï ma alimannï dagba kazi komo'e ayaza zë.

Vo rakyenyiye ra vïdï ma dakumbë aba, ga kö'du akïrïnnï drïvu 'ba dakaŋo.

'E kaa yɔ'dɔ zi vïdï köndu 'ba dakaŋo ne biya. Mora ëzë yɔ'dɔ ayaŋa yɔkɔ nï ku, ata'ba akayɔkɔ hala? Anza kpe na laka, here aku'du yaga möku mora vïdï akutunnï dɔ mo ta bi lasi.

Ëdï na laka ta ga kadra biya kaa 'bu yï 'ba komorïyë.

Iya nje henye, “Ɔɔ mandere e'e. Wa ma iya 'e 'beri ne ayi kazi Satani.”

Owo'e ku iya henye, komo, komo aba, yingɔ ha, yingɔ ha aba. Yaanya aba miya zi ye henye, “Aya'ba da kö'du kyënyë dë zi vïdï ma o'dɔ kö'du kyënyë zi yï.

Mora here, ëzë komo yï ma tïrï o'dɔ yï zi kö'du kyënyë ko'dɔ, oba yaga u'du möku. Ëdï na laka zi, kya 'ba rë yï koba 'de yaga ta da yï ku'du biya ida rë yï aba mï gehena. Ëzë kala yï ma tïrï o'dɔ yï zi kö'du kyënyë ko'dɔ ikye u'du möku. Ëdï na laka zi kya 'ba rë yï ma kölö koba mo 'de ta da ida rë yï biya zi tï'bë mï gehena ma ölu dë.