Mateo 7 मधील लोकप्रिय बायबल वचने

सामायिक करा

Qauÿaxañi, yaqto' ñi Dios qami' ÿanema ca qauÿaxañiÿaique; qaumitaxañi, yaqto' qauanachiÿa ca qanmichiitaique; qataq qautoqñiu'a ca lasom, yaqto' qami' qanauategueta.

Cha'ayi cam deÿaxan, qalaq ÿaconguet ca iÿaxanaique; qataq cam demitaxan, qalaq ÿanata ca nmittaique; qataq ca itoqneu'a ca lasom, qalaq qanauateguet.

Qaq ÿoqo'oyi cam ÿataqta aÿim n'axaÿaxana qataq i'ot da shiitega, qaq camayi 'eeta'am ca shiÿaxaua mayi ÿataqta ÿajnaxanaxaic mayi n'oxootelec naq'en ca coma' da n'oxooshiguem ca lma'.

Qaq ÿoqo'oyi qami' cam no'on mayi qanshiitaique da qami' i'oteque na shiÿaxauapi, nachica qome qau'ochiic 'enauac namayipi. Cha'ayi nachida dam damaxasoxoolec nam lqataxacpi so Moisés qataq naua lliyigui'shi so l'aqtaxanaxanecpi ñi Dios.

Qaq ñim lasom qataq so nqa'aic mayi taÿa'a da nca'alaxa, qalaq ÿataqta qapi'olec qataq sa lca'ague. Qaq ÿataqta saq 'amaqtaq nam ÿanata.

Qaunoxoñiÿoigui qome ñi lasom mayi sa lcagui. Cha'ayi ñi lasom qataq so nqa'aic mayi taÿa'a ca nleuaqa', somayi ÿataqta qalotegue, qataq qaica ca lqalaic. Qaq ÿataqta qalota nam quetague' somayi.

Yi qami' matem qami' qauemaiqa, qalaq qauaÿajñi da qai'añiim ca no'on cam qai'alqui. Qaq ¡táloxochiyictoxo' da saq ÿacteec ñim qadta'ai mayi neta'ague da piguem da ishit da ÿanem ca no'on cam iÿaxanot ñimayi!

Sa ishit qome da qauauo'oi ca lasouaxashit ca qadÿai, yaqto' ñi Dios sa ishit da ÿauo'o ca qadasouaxashichi. Cha'ayi ñimayi da qami' nmi't, qalaq i'enaxatteguet da 'eetec da qanmichi ca qadÿai, qataq i'enaxatteguet cam qami' qaualoqnaxañiÿa da qanaloqñi ca lataxac ca qadÿai.

Qaq cam aÿim n'axaÿaxaatega, qalaq sa ishit da i'ot de'eda shiitega, qalaq camayi 'eeta'am ca shiÿaxaua mayi qaica ca ÿaÿajnapec, da n'oxootelec naq'en aca delec da n'oxooshiguem ca lma'.

Qataq ¿tá'ainco' yi ishit da 'auamata'a cam 'auaqpi lsochi mayi huetangui ana l'aite ca 'adqaÿa, qaq sa ishito' da 'aula'a cam qo'ipaq lta'adaic mayi huetangui ana maichi 'ad'aite? Qaq da huo'otaq huetangui ana 'ad'aite ca qo'ipaq lta'adaic, qalaq ¿tá'ainco' da ishito' da qonapega ca 'adqaÿa da qoneta': “Ñaq aÿim 'auashiitem qome da ñaqat yi 'auaqpi lsochi mayi huetangui ana 'ad'aite?”

Qavichiÿa'aguet qome nam tenataxanaxaicpi mayi 'eetega da l'aqtaxanaxanecpi ñi Dios. Namayipi qami' naÿalo, nachi ÿataqta i'enaxat da lataxac ana qagueta, qalaxayi na pa'atauo 'eeta'am da lataxac na shiguiÿac mayi dequi'iÿapec. Qalaxayi qami' ishit da qauauattoñi nam i'otpi. Cha'ayi da qanqat ana ala ana uvas, qalaq sa ishit da qaÿachigoxotaigui aca qo'ipaq huo'o ana le. Qataq da qanqat ana higo, qalaq sa ishit da qaÿachigoxotaigui aca huoue ÿaxataxadai.

Qaq 'enauac anam qo'ipaqpi mayi no'on, anamayi ÿataqta no'on da alaÿaxac. Qataq anam qo'ipaqpi mayi qauem, anamayi qauem da alaÿaxac.

Cha'ayi aca no'on qo'ipaq da ñaxateec aca ala, qalaq sa ishit da qauem. Qataq aca qauem qo'ipaq da ñaxateec aca ala, qalaq sa ishit da no'on.

Qaq 'enauac anam qo'ipaqpi mayi qauem da alaÿaxac, anamayipi qome qaiquesoqot, nachi qaÿasaxangui ca nodec.