PIENCILNA 26 मधील लोकप्रिय बायबल वचने

सामायिक करा

Tam gamah pemta bangin teng inlen, nang hing ompi-in thupha kang pie ding hi; bangzieh ahei cile nang le na suonlehlahte tungah tam gam kang pie ding a, na pa Abraham tunga ka ciemsa kiciemna ka tungsah ding hi.

Na suonlehlahte vana aasi bangin tampi ka phasah ding a, na suonlehlahte tungah tam gam teng zosie ka pie ding hi; na suonlehlahte ziehin leitung minam zosie in thupha a ngalaw ding uhi. Azieh pen Abraham in ka thumangin ka sawlna, ka thupiehnate, ka thukipte le ka thukhamte a zui hi,” a ci hi.

Khum mun panin ama kituonin tuikhuh adang khat to a, tua vai-ah a kihau nawn sih uhi. Tuaci’n ama in tua tuikhuh’ min Rehoboth hisah a, “Tu-in TOPA in eite adingin mun ei bawlpieh zo a, tam gamah i pung ding uhi” a ci hi.

Isaac kungah TOPA kilahin, “Egypt gamah peisuh sin; nang kang lah ding gamah teng in.

Tuaci’n ama in khum munah maitam khat lamin TOPA bie a, khum mun ma-ah a puonbuh a sung hi. Khum munah Isaac’ nasemte in tuikhuh khat a to uhi.