Mɑtʉ̈ɔ 5 मधील लोकप्रिय बायबल वचने

सामायिक करा

Pɛ́ kɛ́ mbɔɔ pɛn ńdyɛt lɑ̂m, ńdɔk kɛ́kɔ́ɔ ŋ́kẅíipɛ pɔ́. Pɛ́ lyɛt lɑ̂m, ńtík pɔ ndǔ tɑ́pɛlɛ, ɛ́ kyɛꞌ pʉɔ tsʉʉ pi pɔ́p ndɑ́. Ɛ́ pɔ́Ꞌɔ lɑ ɛ́ píkŋɛ ŋɡɔ pʉʉ pɔ́ kyɛꞌ-pʉɔmɛsɔŋ tɛ pɔ́p jʉ́ɔ nu sʉ́Ꞌnɛ yi pʉʉ sɛ́ ŋ́ɡɛ, ŋ́ɡúꞋlɛ Tɑ̌ɑ wʉʉ ẅí ɑ tʉ́nɛ́pú.

Pʉʉ pɔ́nɛ kyɛꞋ-ndǔ mbí. Pɛ́ lɑɑ ŋ́kút tʉ́sɔŋ ndǔ nɛŋkɔ́Ꞌ, mbɔ ɛ́ lɑɑ ḿbɔ́ ɛ́ pɔɔ lʉɔmɛ.

Pɛpɔ́ttú pʉɔ pinɛ pɔ́p ɡẅɛɛnɛ tʉ́m sʉ́Ꞌnɛ, mbíꞋŋɡɔ pɔ́p ɡʉ ŋ́ɡɛ ńjʉ́ɔ Sɛ́.

Pɛpɔ́ttú pʉɔ pinɛ pɔ́p sɛ́ ńtsuŋ ńtsɑ́ɑ nɛɡɛ yúu mi Sɛ́ kɔŋnɛ, mbíꞋŋɡɔ Sɛ́ ɡʉ ŋ́ɡɛ pɔ́p ɡɛ yúu mi pɔ́p tsuŋnɛ ńtsɑ́ɑ.

Lɑ́, n cú yɑ́ɑ mbɔ̌ pʉʉ ŋɡɔ: «Pʉʉ kɔŋ ɡɑŋmbuu pʉ́ʉ. [Pʉʉ cɛꞋlɛ Sɛ́ nǔu tú-pʉɔ pinɛ pɔ́p zɑ́Ꞌnɛ ku yʉ́ʉ.]

«Pɛpɔ́ttú pʉɔ pinɛ pɔ́p jínɛ ŋɡɔ pɔ́p mbi-Sɛ́ ḿbɔɔ yɛcɔ́ yúu kuꞋ, mbíꞋŋɡɔ pɔ́p jʉ́ pii nɛfɔɔ-Sɛ́.

Pɛpɔ́ttú pʉɔ pinɛ pɔ́p ɡɛnɛ ŋɡɔ mbɔ́tnɛ pɔ́ ɡú, mbíꞋŋɡɔ pɛ́ ɡʉ ńdɑ́Ꞌ ɛ́fúŋ wɔ́p ŋɡɔ pɔ́-Sɛ́.

Pɛpɔ́ttú pʉɔ pinɛ pɔ́p sɛ́ ŋ́kíi, mbíꞋŋɡɔ Sɛ́ ɡʉ ŋ́ɡɛ ńjíi ŋki-mík mɔ́p

Pɛpɔ́ttú pʉɔ pinɛ pɛ́ sɛ́ ńzɑ́Ꞌ ku yɔ́p mbíꞋŋɡɔ pɔ́p sɛ́ ŋ́ɡɛ pɑ́Ꞌ Sɛ́ píkŋɛ́nɛ, mbíꞋŋɡɔ pɔ́p ɡʉ ŋ́ɡɛ ńjʉ́ pii-nɛfɔɔ-Sɛ́.»

Pɛpɔ́ttú pʉɔ pinɛ pɔ́p sɛ́ ńtsɑ́ɑ mɛjʉ́ŋ pɛcɔ́ pʉɔ, mbíꞋŋɡɔ Sɛ́ ɡʉ ŋ́ɡɛ ńtsɑ́ɑ mɛjʉ́ŋ mɔ́p ɡúu.

Pʉʉ pɛpɔ́ttú nǔu ŋkɑ́ yi pɛ́ ɡʉ ḿbɔ́ ńzɔɔtɛ wʉ́ʉ, ḿbɔ́ ńzɑ́Ꞌ ku yʉ́ʉ, ńtík sɔ́ɔ ntɛ́ nɛ́ ntɛ́ tú pʉʉ mɛlɑ́Ꞌ wɑ́ɑ. Pʉʉ tsɑ́ɑtɛ ńzɔp ńnʉŋ, mbíꞋŋɡɔ Sɛ́ niitɛ mɑ́mɑ́ tsɔ́ꞋfɑꞋ ḿbɔ́ ńdɔk ńzẅíꞋlɛ wʉ́ʉ tʉ́ nɛpú. Pʉʉ zɛɛ ńjí ŋɡɔ ɛ́ pɛn ḿbɔ́ pɔ ndʉ́ŋndʉŋ pɑ́Ꞌ, pɛ́ kɑ zɑ́Ꞌnɛ ku-pɛŋɡɛ́mndʉ̈ɔ́Ꞌ-Sɛ́ pinɛ pɔ́p kɑ piitɛnɛ ńtɔ́ lɑ́ pʉʉ tɔ́.

Pɛpɔ́ttú pʉɔ pinɛ pɔ́p kɑ́ ɡɛ ɡɑꞋɡɑꞋ pɔ́, mbíꞋŋɡɔ pɔ́p ɡʉ ŋ́ɡɛ ńjʉ́ ŋɡɔŋ.

Pʉʉ pɔ́nɛ ŋɡwɑ́ŋ ndǔ mbí. Ŋɡwɑ́ŋ pɛ́Ꞌnɛ ḿbɔ́ yi ɛ́ lɑɑ ńtsʉ́Ꞌ ńdɛpɛlɛ lɛpɛlɛ́nɛ, mbɔ ɛ́ lɑɑ ḿbɔ́ pɛ́ ɡɛ ŋɡɔ́ku lɑ ɛ́ pɛn ńdʉʉ? Ɛ́ pɔɔ pɛn ŋ́kuꞋ nǔu yɛcɔ́ nu pɔ́, pɛ́ tsʉ́Ꞌ ŋ́ɡẅɛɛ pɔ nɛpʉ̈ɔt píi, pɛ́ lɔk mɛku ńnʉŋtɛ.

Pɔ́Ꞌɔ lɑ́, pʉʉ pɔ́ pɑ kɛ́ lɔ́Ꞌ, pɑ́Ꞌ Tɑ̌ɑ wʉʉ ẅí ɑ tʉ́nɛ́pú kɛ́ lɔ́Ꞌ.»

Ɔ́ɔŋ wʉʉ pɔ́ pɔ Ɔ́ɔŋ, ŋɡɑ́ŋ wʉʉ pɔ́ pɔ ŋɡɑ́ŋ, yi pɛ́ kẅiꞋnɛ nǔu fú mbɔ̌ Sɑttɑ.

Pʉʉ kɑ zúꞋ ŋɡɔ pɛ́ kɑ cú ŋɡɔ: «Ŋu lɑɑ ḿbík lík-ŋu, ɛ́ píkŋɛ ŋɡɔ pɛ́ pík yɛ́, ŋu tsɔ́Ꞌ nɛsɔŋ-ŋu, ɛ́ píkŋɛ ŋɡɔ pɛ́ tsɔ́Ꞌ nɛ́ ɡúu.» Lɑ́ n cú yɑ́ɑ mbɔ̌ pʉʉ ŋɡɔ: «Kɔɔ pʉʉ tsɔ́Ꞌ pɛn-nu-ŋu ẅí ɑ ɡɛnɛ nu kɛpɔŋ nǔu pʉʉ ŋ́ɡɑ́ yɛcɔ́. Ŋu lɑɑ ńtswɑ́ɑ pɔ́ nɛtúutɛ ŋu, ɑ shɔt yɛcɔ́ ɡúŋ ɑ mɛkŋɛ ńtswɑ́ɑ.

Lík yú yɛ́ pɔ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ tsɔ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ mbɔ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́. Pɔ́ yú yɛ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ zɑ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ ḿbɔ́ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́.»