Ima̍tiyu 5 मधील लोकप्रिय बायबल वचने

सामायिक करा

Kɛ̄ɛ ɔ̄chɛ ē mu ɔla̍ ē tū otīnīkā de ē nāa tū lipu̍ yī yɛ̄hī? Je̍ka o̍ ē de ē che la okpōkōlō ke̍e̍, hɛ̄ɛbɛ nīi ɔla̍ ɔla̍ā ē fi̍yajɛ ē de alu̍nu̍ ɔla̍ā wa̍a̍. I̍ngi̍ngɔ̍ɔ nīi ɔla̍ yī ala̍ ge̍ē fi̍yajɛ ē de āchɛ wa̍a̍ a̍nɛ; hɛ̄ɛbɛ nīi āchɛ ge̍ ma̍ lɛlā ɔnɛ̄ɛhɛhi nīi ala̍ ē ya̍ ma̍; hɛ̄ɛbɛ nīi e̍ ge̍ kā Ɔwɔ Ādā yī ala̍ nīi hɔ̄ la ichō ma̍ ɔkɔ̄kā.

“Ala̍ lɛ bāa ɔla̍ ɔmyɛ̍ma̍ ma̍ de alyɛchɛ nūma̍ wa̍a̍. Ipwo̍gra nīi che la u̍kpo̍chi ma̍ gba̍a ē trɛ̍ba?

A̍hōhi ge̍ - iyī āchɛ nīi ūkpɔ̄tū yī wā lɛ cha̍ri̍cha̍ri̍ ma̍! Ɛlɛjā ge̍ē ma̍ Ɔwɔ.

A̍hōhi ge̍ - iyī āchɛ nīi ē hɔ̍ɔ̄hla̍ ge̍ē ya̍ ɔjā nīi Ɔwɔ chikpo̍ ka āchɛ ɛ̍lɛ ge̍ ya̍ ma̍! Ɔwɔ ge̍ē de ɔjā nīi ku̍ wā ɔkɔ ma̍ ē de wa̍ la ɔgɔ̄grāa.

“U̍ma̍ama, ami ge̍ē koko̍o ē de ala̍: Ala̍ ā ywɔ̍ɔnyɛ yī aluji yī ala̍ hwɔhi hwɔhi. Ala̍ ā jɔhā de āchɛ nīi ē ya̍ ala̍ ichi̍ ɔdwɔ̄bi̍ ma̍

“A̍hōhi ge̍ - iyī āchɛ nīi jo̍ōkū hīka wɔbɔ̄ otōtū yī Ɔwɔ ɔ̍lɔ - ɔjā ɔlɔ̄lɛ yī aa̍ nɛ ma̍! Ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ - iyī wā ke̍e̍ nɛ.

A̍hōhi ge̍ - iyī āchɛ ɔya̍ nīi ɛbɛ gbo dɔ̍dɔ̍! Ɔwɔ ge̍ē hī wā ka ayi̍ yī nū.

A̍hōhi ge̍ - iyī āchɛ nīi hɔ̄ la ūkpɔ̄tū ɔngmu̍wɔnɔ ma̍! Ɔwɔ ge̍ē gbo wa̍ ūkpɔ̄tū ba̍.

A̍hōhi ge̍ - iyī āchɛ nīi e̍ ya̍ wā ichi̍ wu̍chē lɔkɔ nīi e̍ ya̍ ɔjā nīi Ɔwɔ chikpo̍ ka āchɛ ɛ̍lɛ ge̍ ya̍ ma̍! Ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ - iyī wā ke̍e̍ nɛ.

A̍hōhi ge̍ - iyī āchɛ ɔmlɛ̍ha̍ yī āchɛ! Ɔwɔ ge̍ē mlɛ̍ha̍ yī ɛlɛjā.

“A̍hōhi ge̍ - iyī ala̍ nīi āchɛ ge̍ cha̍ ala̍ ɛcha̍, kɛ̄ɛ ya̍ ala̍ ichi̍ ɔdwɔ̄bi̍, kɛ̄ɛ warīmɛ̄ ɔdwɔ̄bi̍ ba̍ ala̍ wu̍chē lɔkɔ nīi ala̍ - āchɛ yī u ma̍! Ala̍ ā wɔ̄wīyā nīi ala̍ ge̍ lɛ yayaya gɛ! Ma̍a Ɔwɔ ge̍ē kla̍ ala̍ ure̍ ɔnɔ̄kɔ̄kū abɔ̍ɔ la ichō. Ma̍a i̍ngɔ̍ɔ nīi e̍ ya̍ āchɛ ɔkɛrɔ̄ yī Ɔwɔ nīi yɔbū de ala̍ ma̍ ichi̍ dwɔ̄bi̍-dwɔ̄bi̍ i̍chɔ̍lɔ a̍nɛ.

A̍hōhi ge̍ - iyī āchɛ nīi lɛ mlɛ̍ɛ̍ la ūkpɔ̄tū ma̍! E̍ ge̍ē nāa ɔjā nīi Ɔwɔ choko̍o ma̍.

“Ala̍ lɛ bāa ɔmā ma̍ de alyɛchɛ nūma̍ wa̍a̍. Ɔmā i̍ ge̍ chī tū wɔnyɛ yī ɔmā gɛ ni̍, kana̍ nīi e̍ ge̍ē ya̍ ɔ̄ nīi o̍ ē tū wɔnyɛ yī ɔmā mɛ we̍ ma̍? O̍ re̍ka o̍ i̍ hwɔhi gɛ ni̍ mɛ̍; ode chīyenū nīi e̍ ba̍ ɔ̄ ikpo̍ hōhī bɛ̍ɛ̄nɛ̄ a̍nɛ.

Ala̍ ā hwɔhi hwɔhi gɔ̄grāa lɔkɔ nīi Ɔwɔ A̍dā yī ala̍ nīi hɔ̄ la ichō ma̍ hwɔhi hwɔhi gɔ̄grāa ma̍ gɛ.

Lɛlāha̍-ɛlāha̍ nīi ala̍ ge̍ē ka ma̍ ge̍ ba̍ la ‘Oēē’ kɛ̄ɛ ‘Ehe̍.’ Ala̍ ge̍ gba̍a ka ɔha̍ gla ɔla̍ā ta̍, ɔ̍lɔma̍ - iyī Ɔdwɔ̄bi̍ bɛ̍ɛ̄nɛ̄ nɛ.

“Je̍ka aa̍ gba̍a po̍ lɔkɔ nīi e̍ ka i̍chɔ̍lɔ ma̍? ‘Īkprī ge̍ kulɛpa̍ yī īkprī; angūu ge̍ kulɛpa̍ yī angūu.’ “U̍ma̍ama, ami ge̍ē koko̍o ē de ala̍: Ala̍ e̍e ku ɔ̄chɔ̄chɛ ure̍ yī lɛlā ɔdwɔ̄bi̍ nīi o̍ ya̍ tāa ala̍ ma̍ ni̍. Ɔ̄chɛ ge̍ lā wɔ abɔ̄ la a̍ba̍a līre̍, pīya iyī līfīyē lā de ɔ̍ nīi o̍ ge̍ gba̍a lā wɔ.

Wu̍chē yī ɔla̍ā, īkprī līre̍ yī wɔ ge̍ ya̍ nīi a yɛ̍ɛ̄lā ɔdwɔ̄bi̍, de wu̍ ta̍anū! Ɛbɛ ɔha̍ yī ibi̍īyē yī wɔ i̍ ge̍ hɔ̄ ni̍, o̍ hwɔhi pɛtɛpɛtɛ hi̍ ɔkɔkɔ nīi ligbo̍ yī ibi̍īyē yī wɔ wa̍a̍ ge̍ē ta̍gbo la ɔla̍ yī ayekū oli̍gba̍o̍. Abɔ̄ līre̍ yī wɔ ge̍ ya̍ nīi a yɛ̍ɛ̄lā ɔdwɔ̄bi̍, de ɔ̍ hɛ̍ ta̍anū! Ɛbɛ ɔha̍ yī ibi̍īyē yī wɔ i̍ ge̍ hɔ̄ ni̍, o̍ hwɔhi pɛtɛpɛtɛ hi̍ ɔkɔkɔ nīi ligbo̍ yī ibi̍īyē yī wɔ wa̍a̍ ge̍ē ta̍gbo la ɔla̍ yī ayekū oli̍gba̍o̍.