ወንጌል ዘማቴዎስ 12 मधील लोकप्रिय बायबल वचने

सामायिक करा

አንሰ እብለክሙ ኵሉ ሰብእ ዘይነብብ ንባበ ፅሩዐ ያገብኡ ሎቱ ቃለ በዕለተ ደይን። እስመ እምቃልከ ትጸድቅ ወእምቃልከ ትትኴነን።

ኦ ትውልደ አራዊተ ምድር በእፎ ትክሉ ሠናየ ተናግሮ እንዘ እኩያን አንትሙ እስመ እምተረፈ ልብ ይነብብ አፍ።

ኄር ብእሲ እምሠናይ መዝገበ ልቡ ያውፅኣ ለሠናያት ወእኩይሰ ብእሲ እምእኩይ መዝገበ ልቡ ያወፅኣ ለእኪት።

በእንተዝ እብለክሙ ኵሉ ኀጢአት ወፅርፈት ይትኀደግ ለሰብእ ወዘሰ ፀረፈ ላዕለ መንፈስ ቅዱስ ኢይትኀደግ ሎቱ።

እመ አኮ ግበሩ ዕፀ ሠናየ ወፍሬሁኒ ሠናየ ወእመ አኮ ግበሩ ዕፀ እኩየ ወፍሬሁኒ እኩየ እስመ እምፍሬሁ ይትዐወቅ ዕፅ።