Matío 12 मधील लोकप्रिय बायबल वचने

सामायिक करा

Meŋ shúŋɔ á wɛ́ ŋ́gɛ, a láʼ aleʼé zīi, Ndém a záʼa ntsaŋ epuɔ menɔŋ, awɔ́ ŋiŋ lɛ́ a eshʉ̄ʼ, ŋ́kɛ́ʼte eshúŋ á Ndém, ntií metepɔŋ eshuŋne ntsem mīi, é lé tó á nchu yí. Ndém a a láʼ efhó áa ánɛ meshuŋne ŋiŋ, tɛ́ ezhɛ́ á légɛ, ŋgaŋ a á ŋiŋ ndeŋ ndeŋ, kɛ́ á légɛ, ŋgaŋ a á whʉ asāʼ. »

Pɛ pīi, pɛ yikɛ, ńzīŋɛ ŋŋɛ́tte ŋɛtté páʼ menū, pɛ gɔ egaá, ŋ́gɔ́ epuɔ tepɔŋ ezi ntií péʼe, anu mbɔŋ á piŋ ntó á nchu pɛ ɛ̄? Anu zīi á toó á nchu ŋiŋ, mé tswiī ajū mīi, ŋgaŋ a á aziɛ́.

Ntē ŋiŋ é si ŋgɔ́ páʼ ajʉʼ zīi, a féŋɛ lewūʼ tsí éwú lā. Mɛ́ gē ezhɛ́ á légɛ, ŋiŋ mbɔŋ a wuɔ, ńjʉ́ɔ menu mbɔŋ mīi, é fhó á ntē yí, ńtó á nchu yí. Ḿbiŋ ŋgē ezhɛ́ á légɛ, ŋiŋ tepɔŋ a wuɔ, ńjʉ́ɔ menu tepɔŋ mīi, é fhó á ntē yí, ńtó á nchu yí.

«Púp tɛ́, meŋ shúŋɔ á wɛ́ ŋ́gɛ, Ndém a gɔ elēkne mefa ntsem á mbū epuɔ menɔŋ, mbɔɔ nzɔ ntsem zīi, mɛ́ lɔk nzɔ̄te á yí. Táʼ, ŋiŋ a eké nzɔ̄te á Azwakne Ndém, mbɔ Ndém a gɔ le emuɔ mefa mɛ́t á mbū ŋgaŋ lēkne.

Yɛɛ́so á zéŋ ndé ŋ́gɛ: «Athʉ́ á gɔ́ athʉ́ mbɔŋ, mbɔ a zém ntá mbɔŋ. Ḿbīŋ ŋgɔ́ á athʉ́ tepɔŋ, mbɔ a zém ntá tepɔŋ. Mɛ́ zhɛɛ́ athʉ́ áa ánɛ ntá zí.