मत्तय 24 मधील लोकप्रिय बायबल वचने

सामायिक करा

दुष्टता वाढेल व त्यामुळे पुष्कळांची प्रीती थंडावेल. परंतु जो शेवटपर्यंत स्थिर राहील त्याचे तारण होईल.

सर्व जगामध्ये साक्ष म्हणून राज्याच्या शुभवार्तेचा प्रचार सर्व राष्ट्रांमध्ये झाला पाहिजे आणि मगच शेवट होईल.

तुम्ही लढायासंबंधी ऐकाल आणि लढायांच्या अफवा ऐकाल, पण त्यामुळे तुम्ही घाबरू नका. कारण या गोष्टी घडल्याच पाहिजेत, पण शेवट अजूनही यावयाचा आहे.

कारण राष्ट्रांविरुद्ध राष्ट्र व राज्याविरुद्ध राज्य उठतील. वेगवेगळ्या ठिकाणी भूकंप होतील, दुष्काळही पडतील. या घटना तर प्रसूती वेदनांची सुरुवात आहेत.

आकाश व पृथ्वी नाहीशी होतील, पण माझी वचने नाहीशी होणार नाहीत.

कारण अनेकजण माझ्या नावाने येतील आणि, ‘मी ख्रिस्त आहे,’ असे जाहीर करतील आणि पुष्कळांना फसवतील.

“छळ करण्यासाठी आणि जिवे मारण्यासाठी तुम्हाला धरून दिले जाईल आणि माझ्यामुळे सर्व राष्ट्रे तुमचा द्वेष करतील. त्यावेळी पुष्कळ जण विश्वासापासून दूर जातील व एकमेकांचा द्वेष करतील. पुष्कळ खोटे संदेष्टे उदयास येतील आणि पुष्कळांना फसवतील.

येशूंनी त्यांना म्हटले, “कोणीही तुम्हाला फसवू नये म्हणून सावध राहा.

म्हणून तुम्ही सदैव तयारीत राहा. कारण मानवपुत्र तुम्हाला कल्पना नसेल अशा घटकेला येईल.

“यास्तव तुम्ही जागृत राहा, कारण तुमच्या प्रभुच्या आगमनाचा दिवस कोणता, हे तुम्हाला ठाऊक नाही.

“तरीपण त्या दिवसाबद्दल किंवा वेळेबद्दल कोणालाच माहीत नाही, म्हणजे स्वर्गातील दूतांना नाही, पुत्रालाही नाही, ते फक्त पित्यालाच ठाऊक आहे.

कारण खोटे ख्रिस्त आणि खोटे संदेष्टे उदय पावतील आणि मोठी चिन्हे व अद्भुते करून, साधेल तर, निवडलेल्या लोकांनाही फसवतील.

नोहाच्या दिवसात जशी परिस्थिती होती, तशीच मानवपुत्र येण्याच्या वेळी होईल. जलप्रलय येण्यापूर्वी, नोहा प्रत्यक्ष तारवात गेला, त्या दिवसापर्यंत लोक खातपीत होते, लग्न करून घेत होते, लग्न करून देत होते. आपले काय होणार आहे हे त्यांना माहीत नव्हते, मग एकाएकी जलप्रलय आला आणि त्या सर्वांनाच जलसमाधी मिळाली. मानवपुत्र परत येईल त्यावेळीही अगदी असेच होईल.