मति 14 मधील लोकप्रिय बायबल वचने

सामायिक करा

कालाउ बारका भेर्मा लोका नाङ पतरुस थिहि, कालाउ जेलाउ दुबिलि तोम्हि कालाउ ह्रिकाइतेङ दोअ्हि हे प्रभु कासेहेङ बान्चेपा। येसु पतरुसको खुरचाहि कालाउ दोअ्हि, खोइ नाङको खाङधुरि हाइ पालि साङखा पाखेना?

कालाउ बारका भेर्मा लोका नाङ पतरुस थिहि, कालाउ जेलाउ दुबिलि तोम्हि कालाउ ह्रिकाइतेङ दोअ्हि हे प्रभु कासेहेङ बान्चेपा।

कालाउ येसु ओदोङ घुरि इम्बालाइहेङ दोअ्हि, धारस पासु, इङको का येसु दोङ हिघा! थिलि मागोइस्वाना।

पतरुस दोअ्हि, प्रभु, एदि जातिङको इङको नाअ् दोङ नु, कासेहेङ चि ह्रुता तेतेङ नाङकोता लोलि दोअ्पि। येसु दोअ्हि, “लौउ कुनु!” कालाउ पतरुस नाउसो खुअ्तेङ चि ह्रुता तेअ्काताङ येसु हिकाता हानेहि।

नाउता हिका येसुको चात्यागेलाइ तुघुरतेङ आराधाना पाकाताङ दोअ्लि तेङहि, जातिङको नाअ् परमेस्वरको चान हिना।

येसु चात्यागेलाइहेङ दोअ्हि, “इम्बालाइ इतासो हानिलि मागोयाङ, भरु नेलाइ दोङ इम्बालाइहेङ चाअ्लि पिसु।” चात्यागेलाइ दोअ्हि, केलाइ दोफा नालोङ तोले कालाउ न्हेनोङ हाया खिनिङ हि।

कालाउ येसु दोअ्हि, इङको तोले कालाउ हायागेलाइ इता चुमासु। कालाउ न्हुसो येसु गोताङ द्‍याङगेलाइहेङ सिङजालजालका घासिता तोम्बा-तोम्बा बानाइहि कालाउ योम्लि आग्या पिहि। येसु इङको नालोङ तोले कालाउ न्हेनोङ हाया चुम्तेङ स्वर्ग भारि म्हाल्तेङ परमेस्वरहेङ धन्यबाद पिहि, कालाउ इङको तोलेगेलाइ पोङहि कालाउ द्‍याङगेलाइको आगाता ताअ्पि दोअ्तेङ चात्यागेलाइहेङ पिहि, कालाउ इङको न्हेनोङ हाया बुङ वा झाराङहेङ बाख्राइपिहि।

कालाउ झाराङ द्‍याङ चाअ्तेङ घाइहि। जेलाउ झाराङ चाअ्लि दोहि कालाउ चात्यागेलाइ तोले कालाउ हायाको दाइका पोङन्हका टुक्रागेलाइ ल्होपालाउ तेन्हे दाल्हो भरि ल्होपाहि।