मति 5 मधील लोकप्रिय बायबल वचने

सामायिक करा

द्‍याङगेलाइ गेसा जोलाइतेङ पाथि लिता मातुखे, वाते चेरादानि ह्रुता ताअ्खे, कालाउ साअ्ता हिका झाराङहेङ फाइसालामका पिखे। नेलाइको फाइसालामका द्‍याङगेलाइको आगाता एसा थाअ्साइताको, कालाउ ओबालाइ नेलाइको रेम्का काम तिनाको, कालाउ स्वर्गता हिका नेलाइको परमेस्वर आबाको महिमा जेनाको।

नेलाइ चाहि इदोइ सुमिङको भाअ्सिङ फाइसालामका भाइका जेङसु। जेदोङ सहर तिकार ह्रुता ताअ्का हि, इङको सहर म्होनालि मादावा।

धन्य मनता सुद्द हिकालाइ, हाइपालिपानु इम्बालाइ परमेस्वरहेङ तिनावा।

धन्य नेलाइ जाइ म्हितुकालाइ हाइपालिपानु परमेस्वर दोङ नेलाइहेङ जुउराका प्यावा।

कालाउ का नेलाइहेङ दोअ्खा, ताइको सतुरुगेलाइहेङ प्रेम पासु कालाउ नेलाइहेङ साताइकागेलाइको भाअ्सिङ प्रार्थाना पासु

धन्य ताइमिहेङ आत्मिकि रुपता गरिब सम्झिकालाइ, हाइपालिपानु परमेस्वरको सासन इम्बालाइको दोङ हि।

धन्य इम्बालाइ जाइ दोङ मिलिपाकालाइ, हाइपालिपानु इम्बालाइ दोङ परमेस्वरको सान्तान दोअ्न्हावा।

धन्य सोक पाकालाइ, हाइपालिपानु परमेस्वर दोङ इम्बालाइहेङ सान्ति प्यावा।

धन्य धार्मिक जिबन जियाइका कारन साताइन्हाकालाइ, हाइपालिपानु परमेस्वरको सासन इम्बालाइको दोङ हि।

धन्य इम्बालाइ, जाइ दायापाकालाइ, हाइपालिपानु परमेस्वर दोङ इम्बालाइ ह्रुता ताइको दाया तिङपावा।

धन्य नेलाइ, जेलाउ द्‍याङगेलाइ दोङ काङको भाअ्सिङ नेलाइहेङ मन्दा-माताकावा, कालाउ साताइयावा, कालाउ नेलाइको बिरोधता मारेम्का काथागेलाइ दोअ्तावा, हाइपालिपानु नेलाइ काङको चात्या दोङ। एन्सालाउ नेलाइ लेङचासु कालाउ आनान्द जेङसु, हाइपालिपानु नेलाइको भाअ्सिङ स्वर्गता बारका इनाम ताअ्का हि। हेन्जाङ सोमोइ लाम्फाको परमेस्वरको बक्तागेलाइहेङ द्‍याङगेलाइ एन्साङ दोङ साताइका हिघाखे।

धन्य मोनोइ जेङकालाइ, हाइपालिपानु परमेस्वर दोङ इम्बालाइ दोफा ताइको बाचा पुरा पावा।

नेलाइ इदोइ सुमिङको द्‍याङगेलाइको भाअ्सिङ देसे भाइका जेङसु। कालाउ देसे ताइको ताइका पिलि लाअ्हे पानु, कालाउ हिदोइ आमेनेहोइ ताइका बानाइलि? इङकोते आरोङ काम दोङ मालागिका जेङतेङ बाहार थाइगिल्न्हाङ कालाउ द्‍याङगेलाइ ताइको पाइतालाहोइ याङगिल्लावा।

ओदोङ भाअ्सिङ जेलाउ बुङ नेलाइ आसल पासु, जेसाङ स्वर्गता हिका नेलाइको आबा परमेस्वर बुङ आसल पाखे।

कालाउ नाङको काथा एइनु-एइ जेनाको, कालाउ माकुनु-माको जेनाको, हाइपालिपानु इङको खान्तेङ हेन्जा चाहि साइतानको काथा दोङ हि।

नाअ् हिङका हिना, कि व्यवस्थाता एसापा लेखेका हि, कि मिसियाँको बद्लिता मिसियाँ, कालाउ तासिङको बद्लिता तासिङ। कालाउ का नेलाइहेङ दोअ्खा, नेलाइ हिदोइ बुङ दुस्ट द्‍याङगेलाइ दोफा बद्ला माह्रुसु। जेसापा हासु बुङ नाङको दाम्पाहा गाला चाउरिहि पानु, केपाहाको गाला बुङ धोपि।

जेसापा नाङको दाम्पाहा मिसियाँ नासेहेङ पाप पालि लागाइनु इङकोहेङ ओल्हापातेङ थाइगिल्पि। नाङको गोताङ जिउ नरकता थाइगिल्लि खान्तेङते भरु परमेस्वरको सासनता जिउको एनोङ भाग मान्थुनु नाङको भाअ्सिङ हेन्जा रेम्का जेनावा। नाङको दाम पाहा खुर नासेहेङ पाप पालि लागाइनु इङको खुर पोतेङ थाइगिल। हाइपालिपानु नाङको गोताङ जिउ नरकता हानिलि खान्तेङ भरु नाङको एनोङ भाग थाइगिल्नु नाङको भाअ्सिङ रेम्का जेनावा।