Mathiu 5 मधील लोकप्रिय बायबल वचने

सामायिक करा

An neremim tesaluan nisia an marofen le nevigen nar, mero le nar nisia ramail lan, an repasikapun petum nar imwa. Mok lan pas nisia temiar rasia le nemrin neremim, mero in ka moma takaihm tehwaga ut temiar an mani vivi Remimiar le neai.

Kamiar hnakakan to ten uk; Nauanu kamehlau le touar to resemelakenan.

Nerem keikei nerem nekin ilar hrahlel, mero in ka tepaihm Wuhgin.

Nerem keikei nerem kamaimek an mamewawa to tehwaga ut, mero in ka teparhepus.

Mero io tiakani to kamiar, Arolkeikei nerem kamaimakin kamiar, an mehwak to nerem kamarol nahmean kam kamiar.

Nerem keikei nerem kasaiusitan ilar, mero in ka niko le neai tenilar.

Nerem keikei nerem kamehlau nemelinuan, mero in ka tafin ilar nereri Wuhgin.

Nerem keikei nerem kamaisak, mero in ka tapol nekin ilar ragien.

Nerem keikei nerem kamol nahmean kam ilar le tehwaga ut, mero in ka niko le neai tenilar.

Nerem keikei nerem nolkeikeian tenilar ribor, mero in ka teparos nolkeikeian.

Kamiar nerem keikei takama neremim tepeitat kamiar, an teparol nahmean kam kamiar, an tepani nar retat min le kamiar mamareiwa tonio, Nekimiar ravit magienipus, mero in ka nemrin temiar ribor le neai; mero in ka rolmaka lan kamarol nahmean le profeta min kamaiupan in kamiar.

Nerem keikei nerem nekin ilar remeruk, mero in ka teparos ten uk.

Kamiar nigal to ten uk; mero takama nigal terier lan, kapetol raute? Resavitan mun to nar ker mero tepelakin an kapaliwak lan.

Mero in ka nar uk kamiar teneparut petum rolkoma Remimiar le neai ravit petum.

Mero pas nakaran taham tereni, Ooh, ooh; kapa, kapa; an neremnar min nevin mun remsipe le ieremitat.

Neknamairo kameni, Nemritil to nemritil, nelutil to nelutil. Mero io tiakani to kamiar, Teneshoan ieremim tat; mero ierem terepnikapum neutain matu hwin mun neutain kam in.

Takama nakanemram matu ramol ik nakampitetel, suliatou melakin ita tonik; mero in ka ravit tonik moma noanverin nubalakam teremis mero nubalakam petum teselakpenan in le nekam asul. An takama nelimam matu ramol ik nakamapitetel, arakru melakin ita tonik; mero in ka ravit tonik moma noanverin nubalakam teremis mero le nubalakam petum tenesuanan le nekam asul.