Mark 14 मधील लोकप्रिय बायबल वचने

सामायिक करा

အဖဘုရားရှင်၊အဖဘုရားရှင်အတွက် မဖြစ်နိုင်တဲ့ အရာဆိုလောက်မရှိပါ။ ဟဲင်းကြောင့်ဟဲင်းဆင်းရဲဒုက္ခတေ ကျွန်ုပ်နားမလာပါစေန။ဖယ်လဲဆိုဆို ကျွန်ုပ်ရဲ့ သဘောဆန္ဒအတိုင်းမဟုတ်ဘဲ အဖဘုရားရှင်ရဲ့သဘောဆန္ဒအတိုင်းသာ ဆောင်ရွက်တော်မူပါဘုရား" လောက်ဆုတောင်းလေဟယ်။

သင်ဖျားယောင်းသွေးဆောင်ခြင်းခံရတဲ့အခါ ကျွန်ုပ်ကော် ယုံကြည်မှုမပျက်ပြားဟားစေဖော့ နိုးနိုးကြားကြားနေဖော့ ဆုတောင်းနေပါ။သင်ရဲ့စိတ်နှလုံးဟ အမှန်တရားအတိုင်းပြုလုပ်လိုလယ်ဝ သင်ရဲ့ခန္ဓာကိုယ်ဟ ဟဲင်းအမှန်တရားကော် ပြုလုပ်ဖော့ ကြံခိုင်တဲ့အင်အားမရှိပေ" လောက် မိန့်လေဟယ်။

ကျွန်ုပ်အမှန်ကော်ပြောမဲင်၊ နောင်တစ်ချိန်မှာ ကမ္ဘာတစ်ဝှမ်းလုံးမှာ ကောင်းမြတ်တဲ့အရာကော် ဟောပြောတဲ့နေရာတိုင်းမှာ ဆူမပြုခဲ့တဲ့အမှုအတွက် ဆူမကော် အောက်မေ့မောက် ပ္လန်ပြောကြားလိမ့်မဲင်။"

ကိုယ်တော်ဟ တပဲ့ဆုံးယောက်ကော် "ငါ့ရဲ့နှလုံးဆားဟ ဆေလောက်အောင် နာကျင်ခံစားနေရပါဟယ်။သင်တော့ဟ ဒီမှာ ငါနအတူနေမောက် နိုးနိုးကြားကြားရှိကြပါ" လောက်မိန့်လေဟယ်။

ထို့နောက် ဟဲင်းသလဲအတူတကွ စားဆောက်နေကြချိန်မှာ ကိုယ်တော်ယေရှုဟ ပေါင်မုန့်တစ်ခုကော် ယူမောက် ဘုရားရှင်ရဲ့ဂုဏ်ကျေးဇူးတော်ကော် ချီးမွမ်းပြီးခါ မုန့်ကော်ဖဲ့မောက် တပဲ့တော်တေကော် "ယူမောက် စားကြလော့ အဲမုန့်ဟ ငါ့ရဲ့ခန္ဓာကိုယ်ဖြစ်ဟယ်" လောက်မိန့်တော်မူလေဟယ်။

ပြီးခါ စပျစ်ဆီးဖော်ရည်ပါတဲ့ခွက်ကော်ယူမောက် ဂုဏ်ကျေးဇူးတော်ကော် ချီးမွမ်းပူဇော်ပြီး တပဲ့တော်တေကော်ပေးခါ ဟဲင်းစပျစ်ဖျော်ရည်ကော် ယူမောက်ဆောက်ကြလေဟယ်။ ကိုယ်တော်ဟ “ဒီစပျစ်ရည်ဟာ လူအများအကျိုးအတွက် ငါအနစ်နာခံမောက် သွန်းလောင်းဟားတဲ့ ငါ့ရဲ့ဆွေးတော်ဖြစ်ဟယ်။ငါရဲ့ဆွေးဟ အကြီးကျယ်များတဲ့လူတေကိုယ်စား ပူဇော်ခြင်းအဖြစ် သွန်းလောင်းလိမ့်မဲင်။ဘုရားရှင်ဟ မိမိလူမျိုးတော့အပေါ်ထားရှိတဲ့ ကတိတော်ကော် တည်စေလိမ့်မဲင်ဖြစ်ဟယ်။

ဟဲင်းသလဲဆွားနေချိန်မှာ ကိုယ်တော်ယေရှုဟ တပဲ့တေကော် "သင်တော့ဟလဲ ငါ့ကော်ပစ်ဟားခဲ့ကြမဲင်ဖြစ်ဟယ်။စာလောက်ဟားဆိုခါ ဘုရားရှင်ရဲ့ကျမ်းစာထဲမှာ 'ငါဟ သိုးထိန်းတေကော် ဆတ်တော်မူမဲင်ဖြစ်ညောင်း သိုးတေအကုန်ဟုန်း တစ်ကွဲတပြား ဖြစ်ကြရလိမ်မဲင်။' ဆိုတဲ့ငါ့ရဲ့အကြောင်းကော် ရေးဆားထားခြင်းဟ အမှန်တကယ်ဖြစ်လာမှာ ဖြစ်ညောင်းဖြစ်ဟယ်။

ယခုထကြပြီး ငါကိုယ်တော်န အတူလိုက်ခဲ့ကြ။ငါ့ကော်အပြစ်ဒုစရိုက်ဆမားတေဖမ်းဆီးနိုင်အောင် ကူညီပေးတဲ့လူဟ ယခုလာနေပြီဖြစ်ဟယ်" လောက်မိန့်ဆိုလေဟယ်။

ကိုယ်တော်ဟပေတရုကော် “သင့်ကော် ငါအမှန်ကော်ပြောမဲင် ။ဒီနေ့ည လင်းကြက်နှစ်ကြိမ်မတွန်မီ သင်ဟ ငါ့ကော်မဆိပါဘူးလောက် ဆုံးကြိမ်တိုင်တိုင် ငြင်းပယ်လိမ့်မဲင်” လောက်မိန့်လေဟယ်။