Mark 2 मधील लोकप्रिय बायबल वचने

सामायिक करा

ကိုယ်တော်ယေရှုဟ ဆူ့တော့မေးဟာကော် ကြားမောက် ဆူ့တော့ကော် ပ္လန်ပြောဟာဟ"ကျန်းမာဆမားဟ ဆရာဝန်လိုမဲင်မဟုတ်။ရောဂါဝေဒနာရှင်ဟသာ လိုအပ်ဟယ်။ကျွန်ုပ်ဟ လူကောင်းတေကော် ဖိတ်ခေါ်ဖော့လာဟာမဟုတ်၊ဒုစရိုက်ဆမားတေကော်သာ ဖိတ်ခေါ်ဖော့လာခြင်းဖြစ်ဟယ်"လောက် မိန့်ဆိုလေဟယ်။

ကိုယ်တော်ယေရှုဟ ဟဲင်းလူတေရဲ့ယုံကြည်ချက်ကော်မြင်ခါ လေဖြတ်နေဆမားကော် “မိတ်ဆွေ၊သင်ရဲ့အပြစ်ဒုစရိုက်တေကော်ခွင့်လွှတ်လိုက်ပါပြီ”လောက် ဆိုလေဟယ်။

လူတေဟ ဥပုဒ်နေ့အတွက်မဟုတ်ဘဲ ဥပုဒ်နေ့ဟ လူတေအတွက်သတ်မှတ်ထားခြင်းဖြစ်ဟယ်။

ဟဲင်းလူတေဟ လူအုပ်ကူးကော်တိုးမပေါက်နိုင်ဘဲညောင်း ကိုယ်တော်ယေရှုအပေါ်ရှိ အိမ်ခေါင်မိုးပေါ်ကော်ဖောက်မောက် လေဖြတ်နေဆမားလှဲနေတဲ့ဖျာကော် ဖြည်းညှင်းစွာခ္လလေဟယ်။

ဟဲင်းပေမဲ့ ကမ္ဘာပေါ်ရှိ အပြစ်ဒုစရိုက်တေကော် ခွင့်လွှတ်နိုင်တဲ့ အခွင့်အာဏာဟ လူရဲ့ဆားမှာ ရှိဟာကော် သင်တော့ကော် ပြသမဲင်" လောက်မိန်ဆိုပြီး ကိုယ်တော်ယေရှုဟ လေဖြတ်နေဆမားကော် “ “သင့်အားငါဆိုမည်။ထလော့၊ သင့်ရဲ့ဖျာကော် ကော်မောက် အိမ်ပ္လန်ပါ”လောက် မိန့်ဆိုလေဟယ်။

လေဖြတ်နေဆမားကော် 'သင်ရဲ့အပြစ်ဒုစရိုက်တေကော် ခွင့်လွှတ်လိုက်ပြီ' မဟုတ်ဘဲခါ ' ထပါ သင်ရဲ့ဖျာကော် ကောက်မောက် လမ်းလျှောက်ပါ 'လောက် ပြောလောက်ရှိခါ ဖယ်ဟာဟ ပိုမောက် လွယ်ကူဟား။

ဟဲင်းလူဟ တခါတည်းမတ်တပ်ထရပ်မောက် ဖျာကော်ကောက်ယူပြီးခါ လူအများရှေ့မှ အိမ်ကော် ထွက်ဟားဟယ်။ဟဲင်းအကြောင်းအရာကော် မြင်တဲ့အခါ လူတေဟ အံ့ဩမောက် "ကျွန်ုပ်တော့ အဲသလဲ တခါမှမတွေ့ဘူးပါ" လောက်ပြောဆိုမောက် ဘုရားရှင်ရဲ့ဂုဏ်ကျေးဇူးတော်ကော် ချီးမွမ်းကြဟယ်။