Márákoso 13 मधील लोकप्रिय बायबल वचने

सामायिक करा

Moto uŋgimé a né nó bénámó na wusó wámé, wó je rií anáá ojo a né menevámó ondo húmé na mamana, Irɔŋgɔ a né me sotyámó.»

Wɔ́rɔ́no mé, kúráno, esene éyé no ta jembé ará itíndíkáná mwané í mó jínámó.

Kó ará vá né nó ambáanámó anáá vá nó byá na yanje yá jósi, vinó ka késyé oyérána anáá até kéye to né járámó? Ojáno bɛ́ŋ vipéŋgé íví Irɔŋgɔ a né nó hwámó na itíndíkáná mwané, esene éyé até vinó káva no né járámó, Mwáŋ mwáŋ wa Ireréŋgi kójo a né járámó.

Cí na máná mó mo tómbámó, wó je rií anáá maró mámé má ta mó tómbá.

«Na até éyé é néménámó isí na itíndíkáná, moto a ta jembé, ítɔɔ va éŋgerese na máná, ítɔɔ Mwaná, bɛ́ŋ Tetáŋgá moká.

Ará no mó ovámó uduŋgú rá vitá berebe na urehí na vinó, vinó ka tíné, mamba mwané má géremenámó ojine, ítɔɔ náná, ó ta né rií mamana má cí.

Kúráno sɔ́ŋ esene éyé no ta jembé itíndíkáná íjí moto wa naŋgá a mó jinámó, ŋgé enéŋgá, ŋgé na otémá rá wutúú, ŋgé iveri-iveri, ŋgé ibeesí. Tínáno anáá ómwané ka nó bwiye otonó. Até éyé njárámó na vinó eyé, njárámó na moto uŋgimé: Kúráno!»

Noyɔŋɔ nomó nó mó núbáanámó na sɔ́ɔ́ noyɔŋɔ, edɔŋgɔ emó onɔ́ vitá na sɔ́ɔ́ edɔŋgɔ; cí e mó nóonoŋgórámó na pandó mbunu kó njeŋge e mó riyámó ɔ́wɔ́. Wó mó riyámó ámó okótó ójó a késyámó okokore.

Wó je rií anáá Usi wa Cómó a geremenamó omana ojavena na mayɔŋɔ mimé.

Vato mbunu vá mó urámó na niyó namé kó vá mó járámó anáá: Noó kójo Irɔŋgɔ a ma ijátá! Kó vá mó déŋgyámó vato mbunu pé.

Na vinó, kéríkyáno na vinó maté, esene éyé vato vá mó nó byámó na byanje vyá jósi kó vá mó nó núbámó na byanje vyá mbásóóríyé. Vá mó nó jósyámó na aŋgísó rá va ŋgɔ́mɔnɔ na mahumu na wusó wamé ukú ójó anáá no rií va wúsinete vamé na aŋgísó ráwó.

Esené vato vá mó urámó vá tɔ́ŋɔ́ anáá Irɔŋgɔ a ma wó ijátá ndeke viváná kó hónó vahúmíye maró vá viváná vá mó urámó kó vá mó eŋgámó mamba má okémbyé na masimbá ukú ójó anáá vá déŋgyé vato pé. Vá mó hítyámó honó odéŋgyé tɔɔ ava Irɔŋgɔ a ma ijátá.

«Wó je rií anáá na metúú mwané, ará itíndíkáná rá vitɔɔ í mó tómbámó, oŋgóná ó mó obámó mbínó, ohé ó ta mó ne eréena ineŋgí yáa, mokeekéní úmú na máná mó mó obanámó kó ŋguru íjí í ámó na máná í mó riímanámó.