Luk 11 मधील लोकप्रिय बायबल वचने

सामायिक करा

Ene prio, ene yoba kide meglkwa ba ene gagroma taragl wakai te kanimiwa. Yegl pre Neno Kade heven ibo moglkwa i, yoba ta ye di prabuka i, ye ka kaima Mudu Murubuglo yoba i tenabiwe di, yegl dugwa.

Yegl pre na ene di teiga, Ene taragl tau pre God agle di pribi, ene tenabuka. Ene taragl ta dokibi, ene kanaiglkwa. Te, ene dua mina sibi, God dua yauro tenabuka.

I siragl pre yoba mudu God agle di prikwa i, ye dimere igwa. Te, yoba taragl ta doko meglkwa i, ye taragl i kanigwa. Te, yoba dua mina sigwa i, God ye dua yauro tomiwe dugwa.

Yegl dugo, Jisas ye duglo beglkwa yagl yegl di togwa, Ene kamage eraiglkwa igne, ene yegl eraiglkwa, Neno Kade yo, ene kagn pere kaima padre, mina kaima panabedi prumga. Te, ene king moratnga igne i tabre plau dinabedi prumniwa.

Te, no tadaglmeno kide kodo noro. Siragl pre yoba aglau ere norikwa igne, no ama aglauno kide kodo tomniwa. Te, yagl kide no kinano si dinabedi eratnedi prumniwe di, ene kamage yegl eraiglmiwe di, Jisas yegl dugwa.

No kaya mokna ege swara swarade ta nenamnere mere noro.

Ana ene gumuglno paugwa i, ken lam mere yegl padre, ene ogono nagino mudu abuglage si tenabuka paugwa. Ene gumuglno wakai panan, ene ogono nagino mudu panabuka i, abuglage sinabuka. Ba ene gumuglno kide eran, ene ogono nagino mudu mim erabuka.

Ana Jisas ka yegl di kodidre, ama yegl dugwa, Yoba ken gagl yu bogl atne yeimo? Mo, degigl gagl ta yu ken bolamugl yei, si bi dimo? Ta manugwa ba bogl mina padigl, nogugl yeigo, yoba ede yugugl wigwa i, abuglagemo kanigwa.