Luka 6 मधील लोकप्रिय बायबल वचने

सामायिक करा

N fa na Ɩsʋɔ a fa amɩɛ. Ɩsʋɔ aja wʋ a mʋ mudu kalaa na ŋii su, na wʋ a jigisi na ŋii tʋsʋ, na wʋ a mʋ dʋ amɩɛ chamaŋsɛ naŋ. Akala takɩɛ mudu gaa ɩ mʋ kalaa bʋrʋ darɛ fa wʋrʋ na, gaa sɛ Ɩsʋɔ gba aja wʋ a mʋ kalaa fa amɩɛ.>>

Wʋkpa bam a fa nfɩɛrɛ abama sɛ wʋ a yɩɛ bʋrʋ bam. Dɩmʋŋ sɛ wʋkpa sʋbʋ a fa nfɩɛrɛ sʋbʋ sɛ wʋ a yɩɛ bʋrʋ sʋbʋ. Akala takɩɛ wɩɛ ŋii ŋɩ suu wʋkpa digela naŋ na, ŋii aaŋ lɩɩna wʋ nʋɔ.>>

Ama amɩɛ bɩrɛ n ja amɩɛ badʋŋna na ɩ yɩɛ dɩbam yɩɛ fa ba. Ɩ mʋ kɩŋ ba na, n baa kɩɛ gbɩɛ sɛ baa gaa tɔ amɩɛ. Ŋii sɛ Ɩsʋɔ aja tɔ amɩɛ kɩmtʋɔ gajanɛ, na ɩ yɩɛ Wʋjanɛ wʋŋ bie. Akala takɩɛ wʋ a yɩɛ dɩbam wʋ a fa baa ba asa baa su abʋrɩ na nyinaŋ doŋtina.

N wɩɩ bakpa gɩyɔŋ takɩɛ ganaŋkʋ amɩɛ Juo gba a wɩɩ bakpa gɩyɔŋ na.>>

Sɛ Yesu ju dʋɔ tawɩ sɛ, <<N baa kpaala di wɩɛ na ɩ tawɩ sɛ wʋrʋ yɩɛ dɩsʋbʋ yɩɛrɛ, na Ɩsʋɔ gba a tawɩ amɩɛ dɩmʋŋ. N baa fu dɩpʋɛ na Ɩsʋɔ gba n baa fu amɩɛ dɩpʋɛ. N mʋ dɩsʋbʋ chɩɛ na wʋ a mʋ amɩɛ dɩsʋbʋ chɩɛ amɩɛ.

Sɛ Yesu ju dʋɔ tawɩ sɛ, <<Ama maa tawɩ amɩɛ baa ɩ nyii ma jaŋ na sɛ, n ja amɩɛ badʋŋna na ɩ yɩɛ dɩbam fa baa baa kɔla amɩɛ. N yɩɛ kusee fa baa baa tawɩ amɩɛ nʋɔsɛ, na ɩ jɔ dɩga fa baa baa nyala amɩɛ na.

N yɩɛ fa amɩɛ dɔŋa ganaŋkʋ ɩ ja sɛ ba n yɩɛ fa amɩɛ na.>>

Sɛ wʋrʋ kpa nyaŋ gabaa na, biliŋi alatɛ fa ɩ. Sɛ wʋrʋ mʋ nya adugbe gagba na, mʋ tie gagba kpi ɩ. Sɛ wʋrʋ sʋlʋ nyaŋ bʋrʋ darɛ na fa ɩ, sɛ wʋrʋ mʋ n bʋrʋ na, n baa lɩɛ lɩɩ wʋ jaŋ.

Sɛ Yesu ju dʋɔ tawɩ sɛ, <<Daŋ bam baa si bie sʋbʋ ʋ yaa daŋ sʋbʋ baa si bie abama a.

Daŋ kʋma ga bie sɛ ba chamɩna baa jiŋ ga. Bakpa baa kɔ ponponsi bie lɩɩ sɔba daŋ dʋɔ ɔ yaa dikutu lɩɩ didiŋpo daŋ dʋɔ ɔ.