Di Mulakata 28 मधील लोकप्रिय बायबल वचने

सामायिक करा

Kapiko isa-isa inyapen kosan jalu manu lo’u. Tetapko kuawa mole’ lo’a tana’ kubayaangen di’en. Na’anko kutantang unjang,” ingka kenang, “sampai akaus adari gulungan bayaku’ lo’u,” ingka kenang manjaruma i Yahuwe lo’a baki’ Yakub.

Inang lalo dakitana i Yahuwe akadeng di ulu tangkaan. Jaji barik manjarum i Yahuwe lo’a baki’ Yakub, “Iak lalo di’en Alatala Yahuwe yang dasembaan kole’a baki’ Abraham nanna ama’ Isak,” ingka kenang. “Di’en lalo tana’ ilenga’iin iko yang kudunjukangen lo’in nanna anak kanturunannu,” ingka kenang manjaruma.

Jaji barik asading baki’ Yakub, “Adu, indi’angen pan kosanna i Yahuwe. Baru’ di’ kutamuna,” ingka kenang.

Maminna dinen barik baki’ Yakub basumpa, “Ati’en Alatala tapat manggulungi lo’ku’ ilalam palamba’anku’ di’en, ti’ mameang lo’ku’ jalu kaan nanna kainku’, sampai daiak mole’ lo’a saona ama’ku’ nanna ka’ada’an maamen, inang andianna putusanku’. Ti’ mamin adari awan dinen, tetap i Yahuwe kusemba padari Alatalaku’,” ingka kenang. “Kenang bea awan lalo batu kupakadengen itiang tandana, tetap di’en padari saona Alatala, padari sao sambayangen,” ingka kenang. “Kenang bea lo’a pameanga lo’ku’, tetap dinen kumeang iak. Kupole’ lo’a ilalam sapulo’ paresen,” ingka kenang jaruma ilalam janjina lo’a i Yahuwe.

“Daiko ona’ kupabayu’ anak kanturunannu. Awan lalo ambata kutu tana’en dinen bayu’a. Sampai bayu’a ona’, apano’ tana’en kole’a, maro timur, maro barat, maro salatan, maro utara,” ingka kenang. “Ona’ samuana ambata kanturunan tau inyaunga galung suanen to’ mandua’ang jalu maamen malaloi kanturunannu.

Jaji kosan dinen daasan barik Betel. Ijolona dinen daasan Lus.