Génesis 25 मधील लोकप्रिय बायबल वचने

सामायिक करा

Kuya ga tjl̈ẽ ba kong ga «Pja bö roshko chida tjeng do pjök. Ba tjëyo tek ber ba irgo l̈i äär ber tjëyoga kjring pjök. Eeri jek l̈ëkong ga ëngkjwë l̈ok ëng tjok ara. Tjëyo kjrina dbo ara, obl̈ë l̈i kjinmo. Ga bäm ĩyo l̈i ichaga ber ba l̈ëngdë» l̈e.

Ga tjl̈ẽ ga «Tja pjl̈i ara anmoyõ. Bop dl̈i dyor srëzrën kjwe twos bor kong sira» l̈e. (E kjĩshko ga kowëba Edom.)

Rebeca, e kjrong kjĩshko ga Isaac syõshtono Jehová kong ba kjĩshko. Kuya Jehovárë ga shäryara eni, ga Rebeca beno shäng kjl̈araso l̇l̇ëme.

Kuya ga tjl̈ẽ ba kong ga «Tja wol̈onto pjl̈irë. L̇l̇ëye twe bi datarë bor kong l̈i tjwl̈õ bor kong eni tjok ga l̇l̇ëno l̇l̇ëme» l̈e. Kuya ga tjl̈ẽ ba kong ga «L̈os bor kong jl̈õkoyo eni tjok» l̈e. Kuya ga tjl̈ẽ ba kong ga «Jöl̈ö» l̈e. Ga beno eni.

Buk ba irgo l̈i, ba shjiy l̈i kjuktu shara ba orkwo go kjĩshko ga koiara Jacob. Eshko ga Isaac l̈u pjl̈ogl̈o sak tjer (60).

Isaac sjëng kjl̈oshko so uë äe. Ga äya kjl̈oshko so zröya Esaúrë, söya ba kong ara kjĩshko ga Esaú woyde ba datarë ara, Jacob kjinmo. Gueniyo Rebecara wotjl̈ĩk eni l̇l̇ëme. Jacob woydayde.