स्तोत्रसंहिता 29

स्तोत्र 29

दावीदाचे स्तोत्र.

1अहो दिव्यदूतांनो,

याहवेहला गौरव आणि सामर्थ्य द्या.

2याहवेहच्या नावाला योग्य ते गौरव द्या;

पवित्रतेच्या वैभवाने याहवेहची उपासना करा.

3याहवेहची वाणी जलांवर आहे;

गौरवशाली याहवेहची वाणी

महा जलाशयांवर गर्जत आहे.

4याहवेहची वाणी प्रतापशाली आहे;

प्रभावी आहे याहवेहचा स्वर.

5याहवेहच्या गर्जनेने देवदारू वृक्ष मोडून पडतात;

लबानोनमधील देवदारू वृक्ष दुभंगतात.

6लबानोनचा डोंगर वासराप्रमाणे

आणि सिर्योन#29:6 अर्थात् हर्मोन पर्वत तरुण रानबैलाप्रमाणे बागडतो;

7याहवेहचा आवाज कडाडतो,

विजा चमकल्यासारखा.

8याहवेहच्या आवाजाचा गडगडाट वाळवंटे ढवळून काढतात;

कादेशचे अरण्य याहवेह कंपित करतात.

9याहवेहच्या आवाजाने हरिणी प्रसवतात#29:9 किंवा एला वृक्ष वाकवितात

आणि वने पर्णहीन होतात.

आणि त्यांच्या मंदिरात सर्वजण म्हणतात: “याहवेहचा, महिमा असो.”

10याहवेह जलप्रलयावर सिंहासनावर आरूढ झालेले आहेत;

याहवेहच महाराज बनून सिंहासनावर सर्वकाळ स्थानबद्ध झालेले आहेत.

11याहवेह आपल्या लोकांना सामर्थ्य देतात;

याहवेह आपल्या लोकांना शांती देऊन आशीर्वादित करतात.

सध्या निवडलेले:

स्तोत्रसंहिता 29: MRCV

ठळक

सामायिक करा

कॉपी करा

तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन

पवित्रशास्त्र, मराठी समकालीन आवृत्ती™

यांची परवानगी घेऊन केले गेले आहे.

सर्व अधिकार जगभरात राखीव.

Holy Bible, Marathi Contemporary Version™

Used with permission.

पवित्रशास्त्र, मराठी समकालीन आवृत्तीबद्दल अधिक जाणून घ्या

स्तोत्रसंहिता 29