सामर्थ्याने आणि धैर्याने जगा!नमुना

“तुम्ही कधीच एकटे नसता”

अनेकदा असे म्हटले जाते की जीवनात चढउतारांची मालिका असते, आनंद आणि अभिवचनांचा काळ असतो आणि आव्हान आणि संशयाचे ऋतू मिसळलेले असतात. जीवन म्हणजे केवळ शिखरावर स्थिरपणे चढणे नव्हे; त्याऐवजी हा एक प्रवास आहे ज्यात टेकड्या आणि दऱ्या आहेत. अविश्वासणारा असो अथवा विश्वासणारा असो प्रत्येकजण जीवनातील चढउतारातून जात असतो.

पण ख्रिस्ती या नात्याने आपल्याला देवाकडून एक अविश्वसनीय वचन मिळाले आहे की आपल्याला जीवनात कधीही एकट्याने दऱ्यांना सामोरे जावे लागणार नाही. त्याचे आम्हाला प्रोत्साहन देणारे शब्द येथे आहेत:

“खंबीर हो, हिंमत धर, त्यांना भिऊ नकोस, त्यांना घाबरू नकोस, कारण तुझ्याबरोबर चालणारा तुझा देव परमेश्वर हा आहे; तो तुला सोडून जाणार नाही व तुला टाकणारही नाही.” अनुवाद ३१:६

सत्य हे आहे की आव्हानाच्या आणि यशाच्या दोन्ही ऋतूंमध्ये आपल्याला देवाच्या उपस्थितिची आवश्यकता आहे. देव आपल्यासोबत आहे हे जाणून घेतल्याने आपण जीवनातील प्रत्येक आव्हानाला निराशेकडे जाण्याऐवजी यशाची पायरी म्हणून तोंड देऊ शकतो.

कोणताही पर्वत खूप उंच नाही किंवा दरी इतकी खोल नाही जिथे देव आपल्याला भेटू शकत नाही. आपली परिस्थिती काहीही असो, देव विश्वासू आहे आणि तो नेहमीच आपल्याबरोबर आहे!