Ayat Alkitab yang Popular daripada Lukas 9

Kongsi

Hab Yexus has rua puab suavdlawg tas, “Yog leejtwg xaav nrug Kuv moog, nwg yuavtsum tsi xob xaav txug nwg tugkheej, najnub kwv nwg tug ntoo khaublig, hab lawv Kuv qaab.

Ruaqhov tug kws xaav ceev nwg txujsa, tug ntawd yuav nplaam txujsa, tabsis tug kws yeem ca nwg txujsa tu rua Kuv, tug ntawd yuav ceev tau nwg txujsa.

Yexus has rua tug ntawd tas, “Tug kws tub tuav khais laijlag lawm, tabsis tseem pheej tig saib qaab, tug ntawd tsi tsimnyog ua dlejnum rua Vaajtswv lub Tebchaws.”

Yog leejtwg tau ibpuas tsaavyaam huv nplajteb nuav lug ua nwg tug, tabsis nwg txujsa tu lossis puamtsuaj moog lawm, tej ntawd yuav muaj qaabhau dlaabtsi rua nwg?

Yog leejtwg txaajmuag rua Kuv lub npe hab Kuv tej lug qha, tes thaus lub sijhawm kws Tuabneeg Leejtub nrug Nwg cov timtswv dlawbhuv lug sau ntuj lug hab nrug Leejtxiv tug tshwjchim kws ci ntsaa-ab lug, Nwg yuav txaajmuag rua tug ntawd hab.

Yexus teb nwg has tas, “Maa tseem muaj qhov nkaum hab noog tseem muaj zeg nyob, tabsis Tuabneeg Leejtub tsi muaj lub chaw rau ncoo.”

hab Nwg has rua puab tas, “Tug kws txais yuav tug mivnyuas yau nuav huv Kuv lub npe, yog nwg txais yuav Kuv; hab tug kws txais yuav Kuv, yog nwg txais yuav tug kws khaiv Kuv lug hab. Ruaqhov tug kws ua tug yau tshaajplawg huv mej taagnrho, tug ntawd txhaj yog tug kws luj dlua ndlais.”