Ayat Alkitab yang Popular daripada Jọn 16

Kongsi

Mị ụghaaph ịphen phọ ịḅeni inyina, pịdi nyina ịḅophoghan ịmi ẹmoogh ẹepho. Nyina kẹmiinom ni ịminimiin sịen aḅirini phọ, kụ ọlo ịkparami ni iloghi anyina. Mị mạkpar ri apu aḅirini phọ.”

Kụ mem dị Uwaloor Igey phọ aru asi, ọdi kiḍiemiom ni inyina aḍereghinaan oomo phọ ịpe eru bọ igey phọ. Ọdi kạ́kaaphom ịitughian ọdi bịn. Ọdi kạkaaph ni ịpe ọdi ạnaghan bọ, ạḅile ịḅeniom inyina ịlo ạraraar dị kemiteghu.

Tụtu ẹteeny bọ kꞌạnyiidipho, nyina ke̋ghol ḍien phọ ạmi ẹlhom ịyaar. Ịlom ghan, kịngo ni inyina, ọbo iboh phọ anyina emunughan.”

Kụ mị rịḅeni inyina ịpe eru bọ ịne phọ mọ ịnighenaan ghụn inyina dị mị kakeel, ịdi eḍighi bọ mọ mị úkeel, pọ Ọodereghia phọ kíruanaan inyina. Kụ mị agheel, mị kạsighe ni nyọdi iruomonaan inyina. Mem dị ọdi aru asi, ọdi kagananami ni ịyaar dị ịkaraph rꞌaruukuan rꞌasiph rꞌakeel eru aḍeenaan aḅirini phọ.

Ịduon phọ kụ ịdi idianaan bọ inyina. Nyịidipho nyina emeelom ọto, kụ mị kạḅile ni ịmiin inyina kụ iboh kemuza ni iloghi phọ anyina, kụ oye dị katue ạar inyina kạ́tol. “Kụ ḍio phọ ạḍiphe nyina ịmi ịyaar kípuru. Mị ạkar rịḅeni ghan inyina mọ Ọde phọ kịngo ni inyina tọrobo ịyaar dị nyina eghol ḍien phọ ạmi kụ ẹlhom nyọdi.

Mị ạkar rịḅeni ghan inyina mọ nyina kemeelom ni ọto kụ aḅirini phọ kọmoogh ni ọḅaal ologhi; nyina kemeelom ọto, kụ ọto phọ anyina katen ni iboh.