Ayat Alkitab yang Popular daripada Mǎkè 16

Kongsi

È kě Ɔ dɛ̌a u je Ɔ je, “A mu a be kmɔ̌ wùɛà kɛn a mǐ tuposàà po ɛ̈ kwɛɛǒ Něe tè jleě mǒ bo klě nyu wùɛ mɔ̀.

È nyopò wùɛ ü mi Něe tè kàan tè poba, jboo dɛà nɛ̀ mi u de nama, u miě nyopò kǔ sìsi ja le sàba klě Ně nynɛ̌ wlòmo, u mǐ win jajle po. Uu nyu bɔ̌ nu son bɔ̌ dǔ smɛ mǒ, ɛ se ɔ dɛ mǒ numa mu. Uu nyu bɔ̌ nǎ dɛà u poo kwɛ̌ mɔ̀, ɛ se ɔ dɛ mǒ numa mu. Bǔ poǒ kmakma nyu son dlǒ bo, ɔɔ kwɛ̌ mi dɛ bɔ̌ba.”

Nyu wùɛ ɔ̈ mi Něe tè kàan tè poba plě ɔ̈ mii ně dlǒ pooba nɔ̀ mi waba klě ɔɔ kpni kukwǐi plɔ tu kɛn bo maěa slè, kɛɛ nyu wùɛ ɔ̈ se Něe tè kàan tè poba mu, gbè sùesuɛ nɛ̀ neǒ ɔ kɛn ɛ̈ mooěe na slè.

È Ɔɔ mɔ̀ cheěn nyo nùǒ mua ü bea blě kɛn ü boɛa Nyesoaa win. Koɔn neeaǒ u mɔ̀ Ɔ̌ nyea u jboo noǎ klee kpě ï teea lɛɛ ɛ̈ moo uu winʼǒ u boɛaa i mooa kàan tè.

È kě nyemòǒ ɔ dɛ̌a u je ɔ je, “A bɔ̌ fano pepeɛ, Ě ji ɛle a pɛ̀n le Jùsu Ɔ̈ kɔn lěe Nǎsòwɛ̌ dǐa Ɔ̈ u kɔaǒo pète bɛ̌ tu jleě. Nyesoa dǔ Ɔ mǒ je Ɔ seà tàa ne. A diě, a jè tà u poa là Ɔɔ fǒ bo kěà.

Kɛɛ tà u muaǒ bo chèba, ù jěa seɔ̌ fòɛǒ ɛ̌ sɔnaǒ bǐtìeǒ wien mǒ ɛ̌ wɛ̀a mɔ̀le. Tà u palaěe sɛklɛ bǐtìeǒ wan, u jěa nyemò ɔ̌ pea wlawlě plǐ měne ɔ̌ neeaě ɛɛ dilǎ son mɔ̀ bo, è nùǒ kètea.