Ayat Alkitab yang Popular daripada Johaneb 12

Kongsi

Hoan tita ra ǃoaban ge tita nî sao tita hâ ǃkhaib ai-i ti ǃgā-e nî hâ amaga. Tsî tita ra ǃoaba-i ge ti Îb xa nî ǃgôahe.

ǁNān hîa ûib âna nē ǃhūbaib ai ǀnamn ge nî ǂoaǃnâ bi. Tsî ǁnān nē ǃhūbaib ai ûiba ra ǃharaxūn ge ǀamo ûib ǃaroma nî sâuhe.

Amase, amase ta ra mîba du, ǃhoroǃkhomro-i ga ǃhūb ǃnâ ǂgāhe tsî ǁō tama io, o i ge ǀguri hâ. Xawe ǁō i kao, o i ge ǀoasase nî ǂûtani ǂgui ǀasa ǃhoroǃkhomron ǀkha.

Tita ge ǃnâ-i ase nē ǃkhae ǃhūbaib ai ge hā, mâ-i hoa-i tita ǃnâ ra ǂgom-i ǃaruǀî ǃkhaenab ǃnâ hâ tidese.

Khoe-i ga ti mîde ǁnâu tsî ǁnâuǀnam tama io, ǁnā-e ta ge ǀgoraǃgâ tide. ǃHūbaiba ta nî ǀgoraǃgâse ta ge hā tama hâ, xawe ǁîba ta nî sâuse.

Os ge Mariasa xapas, ǃkhare literi ǃūmû ǃgomǀgausa narduǃgâihamoli-i hâǃnâsa ū tsî Jesub ǂaira ai ǂnâǂui tsî ǁîs ǀûgu ǀkha ge ǀom. Tsîs ge omsa nē ǃgâihamoli-i di ǃgâi ǁamab xa ge ǀoa.

On ge palmhaidi ǂhonaga ū tsî ǁîb ǀkha nî ǀhaose ǃgûǂoa tsî gere ǂgaiǂui: “Hosiana! ǀKhaeheb ge hâ ǃKhūb di ǀons ǃnâ ǃgoaxaba! Ab Eloba Israeli Gao-aoba ǀkhae!”

Ob ge Jesuba ǁîkha ge ǃeream: “Iri ge go hā Khoen Ôab nî ǁîb ǂkhaisib ǃnâ ǂgâba.