Johaneb 12
12
Jesub ge Betanis ǃnâ ra ǂkhauhe
(Mateub 26:6-13; Markub 14:3-9)
1ǃNani tsēde, Pasxaǁâudīb nî tsoatsoas aiǃâb ge Jesuba Betanis ǃnâ Lasarub hîa ǁîb xa ǁōba xu ge ǂkhaiǂkhaiheb di oms tawa ge sī. 2Jesub ǃaromas ge tsuxuǂûsa ǁnāpa ge aiǂhomihe hâ i. Martas ge gere ǃoaba tsî Lasarub ge Jesub ǀkha tāb tawa ge ǂnôa i. 3#Luk. 7:37-38Os ge Mariasa xapas, ǃkhare literi ǃūmû ǃgomǀgausa narduǃgâihamoli-i hâǃnâsa ū tsî Jesub ǂaira ai ǂnâǂui tsî ǁîs ǀûgu ǀkha ge ǀom. Tsîs ge omsa nē ǃgâihamoli-i di ǃgâi ǁamab xa ge ǀoa.
4Xaweb ge Judab Iskariotǁîb, ǁîb ǁkhāǁkhāsabegu* di ǀguib, ega ǁîba nî ǀapexūba ge mî: 5“Tare-i ǃaroma i kha nē ǃgâihamoli-e ǃnonakaidisi denardi* ai ǁamaxūhe tsî ǁnā hōǂgāsa ǀgâsana māhe tama hâ?” 6ǀGâsanab ra ǁae-ū ǃkhais ǃaromab ge nēsa ge mî tama hâ i, xawe ǃnari-ao tsîb ǁkhāǁkhāsabegu di mariǁgarusa tani tsîb nē marina xu ǀnîna gere ǃnari amaga.
7Ob ge Jesuba ge mî: “ǁNāxū si. ǁÎs ge ti ǁkhōs ǃaroma ra aiǂhomi xuige. 8ǀGâsan ge hoaǁae sadu ǁaegu nî hâ, xawe ta ge tita sadu ǀkha hoaǁae hâ tide.”#Deu. 15:11
Lasarub ǃoagu hâ ǀapeǀhaos
9Tsî kai ǂnubis Jodeǁîn ge Jesub hāsa ǁnâu, on ge ǁîb tsî ǁkhāti Lasarub ǁō hâna xu ge ǂkhaiǂkhaiheb tsîkhan nî mûse ǁnāpa ge sī. 10O gu ge danapristerga Lasarub tsîna gu nî ǃgam ǃkhaisa ge mîǀgui, 11ǁîb ge ǂgui Jodeǁîn ge ǃgûbē tsî Jesub ǃnâ a ǂgom ǃkhaisa ǃaroma amaga.
Jesub ge danaose Jerusalems ǃnâ ra ǂgâ
(Mateub 21:1-11; Markub 11:1-11; Lukab 19:28-40)
12Sao ra tsēn ge ǂnubis khoen hîa Pasxaǁâudīb* ǁga ge hāna Jesub Jerusalemsa ǃoa ǃgoaxa ǃkhaisa ge ǁnâu. 13#Psa. 118:25-26On ge palmhaidi ǂhonaga ū tsî ǁîb ǀkha nî ǀhaose ǃgûǂoa tsî gere ǂgaiǂui: “Hosiana!#12:13 Hosiana: Nēs ge Ab Eloba koahe ti ra ǂâibasen. ǀKhaeheb ge hâ ǃKhūb di ǀons ǃnâ ǃgoaxaba! Ab Eloba Israeli Gao-aoba ǀkhae!”
14Jesub ge ǂkham dâukiroba hō tsî ǁîb ai ge ǃgapi, xoamâihe hâ khami:
15“Tā ǃao re Sions ǀgôase.#Sax. 9:9
Mû sa Gao-aob ge ǃgoaxa,
dâukiro-i ai ǃgapi hâse.”
16ǁKhāǁkhāsabegu âb ge aibe ge ǁnâuǃā tama hâ i nēs a kēbos di dīǀoaǀoa ǃkhaisa. Xawe Jesub ge ǁîb di ǂkhaisib ǃnâ ǂgâ, o ǀgui gu ge ge ǂâihō nē Xoadi go ǁîgu aiǃâ a ama ǃkhaisa.
17ǁNā ǂnubis khoen hîa ǁîb ǀkha Lasarubab ǀhobasa xu gere ûib ǃoa ǂgai-oa ǁaeb ai ge hâ in ge aiǃgû tsî ǁîb sîsenni xa ge ǃkhō-am. 18ǂNubis khoen ge Jesub ǀkhan nî ǀhaose ge hā, ǁîn ge ǁîb ge dī saos xa a ǁnâu xui-ao. 19O gu ge Farisega ǁîgu ǃnâ ge mî: “ǂOaǃnâ ge go. Mû go ra, hoaraga ǃhūbaib ge ǁîba go saoǃgon!”
ǀNî Grikeǁîn ge Jesuba ra ôa
20Tsîn ge ǀnî Grikeǁîna ǀgoreǀîn nîse Pasxaǁâudīb* ǃoa ge hā khoen ǃnâ ge hâ i. 21ǁÎn ge Filipub, Betsaidas hîa Galileab disa xu hâb tawa hā tsî ǀkhoma bi tsî “ǃGôahesatse, Jesuba da ge ra mû ǂgao” ti ge mî. 22Ob ge Filipuba nēs xa Andreaba sī ge mîba tsî kha ge ǀhaosase ge ǃgû, Jesuba nî sī dîse.
23Ob ge Jesuba ǁîkha ge ǃeream: “Iri ge go hā Khoen Ôab nî ǁîb ǂkhaisib ǃnâ ǂgâba. 24Amase, amase ta ra mîba du, ǃhoroǃkhomro-i ga ǃhūb ǃnâ ǂgāhe tsî ǁō tama io, o i ge ǀguri hâ. Xawe ǁō i kao, o i ge ǀoasase nî ǂûtani ǂgui ǀasa ǃhoroǃkhomron ǀkha. 25#Mat. 10:39; 16:25; Mrk. 8:35; Luk. 9:24; 17:33ǁNān hîa ûib âna nē ǃhūbaib ai ǀnamn ge nî ǂoaǃnâ bi. Tsî ǁnān nē ǃhūbaib ai ûiba ra ǃharaxūn ge ǀamo ûib ǃaroma nî sâuhe. 26Hoan tita ra ǃoaban ge tita nî sao tita hâ ǃkhaib ai-i ti ǃgā-e nî hâ amaga. Tsî tita ra ǃoaba-i ge ti Îb xa nî ǃgôahe.
Jesub ge ǁîb di ǁōb xa ra ǃhoa
27“Nēsis ge ti ǀomsa ǁgonǁgonǃnâhe hâ. ‘ǁGûtse, ti aiǃâ hâ xūna xu sâu te ti ta kha nî mî?’ Xawe ǁîs ge a ǃaroma hāba ta gesa! 28Ti Îtse, sa ǀonsa ǂkhaiǂkhai re!”
O-i ge dom-e ǀhomma xu ge hā, mî raǃâ: “ǀNai ta ge go ǂkhaiǂkhai si tsî ta ge ǁkhawa nî ǂkhaiǂkhai si” ti. 29Tsî ǂnubis khoen ǁnāpa ge mâ in ge nē domma ǁnâu, on ge ǀnîna ǃgurub ti ge ǂâi, xawen ge nauna ǀhomǃgā-i ge ǁîb ǀkha go ǃhoa ti ge mî.
30Ob ge Jesuba ge ǃeream: “Tita ose, xawe sago ǃaromas ge nē dommi go hāsa. 31ǀGoraǃgâs ǁaeb ǃhūbaib dib ge go hā, nēsib ge ǃhūbaib di danaǂgaeǂgui-aoba nî aoǂuihe. 32Tsî ta ga ǃhūbaiba xu ǀgapiǀgapiheo, o ta ge hoana ti ǃoa nî ǂgae.” 33ǁÎb ge nēs ǀkha mâ ǀgaub aib nî ǁō ǃkhaisa gere ǁgau.
34 #
Psa. 110:4; Jes. 9:7; Ese. 37:25; Dan. 7:14 “ǁŌ ti?” tis ge ǂnubisa ge dî. “Sida ge Moseb ǂhanuba* xu Xristub nî ǀamose ûi ti ge ǁnâuǃā. Mâtits satsa Khoen Ôab nî ǀgapiǀgapihe ti ra mî? Tariba ǁnâi a Khoen Ôa sats ra ǁîb xa ǃhoaba?”
35Ob ge Jesuba ǃeream tsî ge mî: “ǂKhari ǁaero-eb ge ǃnâba noxopa sado nî ǃnâba. ǁÎb ǃnâ ǃgû ǁîba du ūhâ hîa, îb ǃkhaenaba tā hāǂam du. ǃKhaenab ǃnâ du ga ǃgû, o du ge mû ǁoa mâpa-u du garu ǃkhaisa. 36ǃNâba du ūhâ hîa ǃnâb ǃnâ ǂgom re, o du ge nî ǃnâb di ôa kai.” Nēnab ge mîs khaoǃgâb ge Jesuba ǃgûbē tsî ǁîna xu ge gaugausen.
Khoen di ǂgomoǃnâsib
37ǂGui buruxa saodeb ge dī, xawen ge ǃnāsa khoena ǁîb ǃnâ ge ǂgom tama hâ i. 38#Jes. 53:1Tsîs ge nēsa ge ī, kēbo-aob Jesajab ge īn nîse a mî xūn nî īse:
“ǃKhūtse, tari-e sige di ǃnuriba ge ǂgom?
Tsî tari-i ǃoab ǃKhūba ǁîb ǀgaiba ge ǂhaiǂhai?”
39Xawen ge khoena ge ǂgom ǁoa i, Jesajab ra ǁkhawa mî xui-ao:
40 #
Jes. 6:10
“Elob ge mûdi âna ǂgī kai
tsî ǂgaogu âna ge karokaro,
mûdi ân mû tide
tsîb ǂgaob âna ǁnâuǃā tide,
tsîn tita ǁga oa tidese,
tita xan nî ǂgauǂgauhese.”
41Nēnab ge Jesajaba ǃhoa, ob ge Jesub ǁga gere ǁnaeǁgau, ǁîb ge Xristub ǂkhaisib di īsiba mû amaga.
42ǂGui khoen tsî ǁkhāti ǀnî Jodeǁî danaǂgaeǂgui-aogu tsîn ge ǁîb ǃnâ ge ǂgom. Xawe gu ge khoe-i xare-i ǀkha ǁnāsa ǀgoragu tama ge i, Farisegu* xa gu nî sinagogega* xu ǃhaeǂuihe ǃkhaisa gu gere ǃao xui-ao. 43ǁÎgu ge khoen di ǃgôasiba Elob ǃgôasib ǃgâ-ai ge ǀnam i.
Jesub mîdi ge khoena nî ǀgoraǃgâ
44Ob ge Jesuba ǃgari dommi ǀkha ǂgai tsî ge mî: “Tita ǃnâ ra ǂgom-i ge amase Elob tita ge sîb ǃnâ ra ǂgom. 45Tita du ga mû, o du tita ge sîba ra mû amaga. 46Tita ge ǃnâ-i ase nē ǃkhae ǃhūbaib ai ge hā, mâ-i hoa-i tita ǃnâ ra ǂgom-i ǃaruǀî ǃkhaenab ǃnâ hâ tidese. 47Khoe-i ga ti mîde ǁnâu tsî ǁnâuǀnam tama io, ǁnā-e ta ge ǀgoraǃgâ tide. ǃHūbaiba ta nî ǀgoraǃgâse ta ge hā tama hâ, xawe ǁîba ta nî sâuse. 48Xawe tita ga ǃharaxū tsî ti mîde ǃkhōǃoa tama i-i ge nî ǀgoraǃgâhe. Mîs tita gere ǃhoas ge ǁî-e ǀuni tsēs ai nî ǀgoraǃgâ. 49Tita ge ti ǁkhāsiba xu ǃhoa tama hâ. Ti Îb tita ge sîb ge tare-e ta nî ǃhoa ǃkhaisa ge mîmā te. 50Tsî ta ge ǁîb mîmās ǀamo ûib ǃoa ra ǂgaeǂgui ǃkhaisa a ǂan, ǁnā-amaga ta ge ǃhoa ta rana ti Îb ge tita mîba khami ra ǃhoa!”
Terpilih Sekarang Ini:
Johaneb 12: KKG20
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Khoekhoegowab Elobmîs © Bible Society in Namibia, 2020.