Ayat Alkitab yang Popular daripada မဿဲ 1

Kongsi

သူဟှာ သားယော့‑က်ကျားဟှို မွီးလေ့မယ်။ အယ်မူသားဟှာ သူ့ရဲ့လူလေဟှို ပြစ်ဟှနေဘီး ကယ်တန်ပေးမယ့်သူ ဖြစ်ဟှယ်။ အယ်ကြောန့် ယေရှု ဆိုဘီး နာမယ်ပေးရမယ်” ဆိုဘီး ပြောလေဟှယ်။

ဗျာဒိတ်ပြုဟှားဇာဟှ “ကေ့ရှုဂေ့။ ပျိုမဟှာ ဗိုက်ပိုက်ဘီး သားဟှို မွီးဖွားလေ့မယ်။ အယ်သားဟှို ဧမာနွေလ ဆိုဘီး နာမယ်ပေးရမယ်” (ဧမာနွေလရဲ့ နတ်ဓိပါယ်ဟှာ “နို့လေနတူးဒူရှိဟှူ ဘုရားသခင်” ဆိုဘီး ဓိပါယ်ရလေဟှယ်)။

အယ်မူမျိုး ကြံစည်နေခီမာ အိမတ်ထဲမာ ယောသပ်ဟှို ဘုရားသခင်ရဲ့ ကောန်းဂန်တမန်ဟှ “ဒါဝိဒ်အမျိုး ယောသပ်၊ နန့်မယား မာရိရဲ့ ဗိုက်တွပ် စိုးရိမ်န။ အယ်ဗိုက်ဟှာ ဘုရားသခင်ရဲ့ သန့်ရှင်းဟှူဝိညာဉ်တော်ရဲ့ တဂိုးအားဖြင့် ရလာဟှူဗိုက်ဖြစ်လေဟှယ်။

ယေရှုခရစ်တော် မွီးဖွားလာဟှူ ကြောန်းရာဟှ အယ်မူမျိုးဖြစ်ဟှယ်။ မိခင်မာရိဟှာ ယောသပ်န မင်္ဂလာဆောန်ဟှို့တွပ် စေ့စပ်ဘီး တူးဒူနေခန်မာ သန့်ရှင်းဟှူဝိညာဉ်တော်အားဖြင့် ဗိုက်ပိုက်နေလေဟှယ်။ သူ့လန် ယောသပ်ဟှာ ဖြောန့်မတ်ဟှူသူ ဖြစ်ဟှူကြောန့် မာရိဟှို လူဘောင်လယ်မာ ယှစ်ရဘဲနေအောန် တိတိဟှား ကွာရှင်းမယ် ဆိုဘီး ကြံစည်ဟှားလေဟှယ်။