Ayat Alkitab yang Popular daripada Mat 28

Kongsi

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi, mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Yesu bu kokosolo, waleele kuri bo ti: «Lutumu lwolunso baheeri kuri me, ku mayulu na ha butoto.

Mbasi yabaangula mbeembu, yaleele kuri bakyeetu ti: «Beenu yaa luba na boomo ko, bukuri me nyaari ti, beenu luri mu kwesaka, Yesu wubakomini. Nde kasiiryee hamaha ko, bukuri fulukiryee bunu bu kaba leele. Wasee lumono kibeendu ki kabeeri.

Haho, Yesu waleele kuri bo ti: «Yaa luba na boomo ko. Yendee lwe luyaabisa kuri bampaangi ba me, beende ku Ngalili, kukwo bamono me.»

Bakuutu ba bangaanga-nzaambi na bakulu ba babakala bakutukina na basa mfuundu. Bu baholo mipata myafwaana, baha kuri bayongolo, baleele ti: «Leeleenu ti bayiki baandi biisiryee kumuyiba mu butsuku, beetu bu tubeeri tolo. Na mbuti Ngoforo yukiri mamama, beetu sa twayukisa [nde], beetu sa twasa kuri ti beenu luhele kubaka dyaambu.» Bo baholaa mipata, bayirikiri bunu bu babayikisiri. Musamu wunde watsamikina kuri Bayudayo natee mu kiluumbu kya lolo.