URA TIN AYRA 20
20
Abraham u Abimelek
1Abraham col ha Mamre a tuɗ hu mbassa Negebpa. Nam cuk duk ɦoŋ Kades u Kur, hin tuɗ cuk hu Gerar may. 2Abraham di suuna kay caamba Sara ana ndaɗ ni wayamba kay ndaɗta Abimelek mul ma Gerarna sun ay tli Sara haa.#Ura 12.13; 26.7 3Lona tak tam ii Abimelek njeŋge hu doyra dam ana, «Aŋ hin miɗ kiyo kay cara aŋ tlaɗ ay wanda, njufuɗ kaa.» 4Abimelek buu ka u ndaɗ tuɗi, di ana, «Bu Suuna aŋ ba njaf ma ɗegeena ki lay su? 5Nam dan ka u tamba ana ni wayamba naɗi su? Taɗta lay dan ana ni wayaɗna naɗi su? An lini u hurun ma haɓma ma co ay ka hurunɗi.» 6Lona dam hu doyra ana, «An wi lay ana aŋ li ni u huu ma haɓma, ni kay ndaɗta an dooroŋ ki ana aŋ li dlara co egeɗɗi, ni an hiniŋ ka a ŋgeneɗɗi ni na. 7Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»
8Abimelek col kolo maɗii feɗet, yi suu sun mamsina ay egem halaŋ, cuɗusi boy namma. Asi suu mamsina mbuɗ ki ndaa cocoo. 9Abimelek hin yi Abraham ay dam ana, «Aŋ a lami egemi na ni boy mege? An laŋŋi me saɓak egeŋŋa, a aŋ mbaaran cora ŋgolla kan u suu manna u mul manda lay nage? Aŋ lan egenni dla mayra sa ndak ka a laɗ eg saɗira.» 10Abimelek joɓ Abraham ana, «Aŋ a li dla ndaɗta na ni amege?» 11Abraham hoŋom dira ana, «An saa ay ana sa ma li ndaa Lona ka hu mbassa wandaɗi may ni, hin can ki kay caanda kalage. 12A gasira ni ndaɗ ni wayan bunda ka goŋ sundaɗi kama. Ndaɗ mbuɗ ki ni a caanda. 13Hu li ma Lona tuɗun ay ki day eg ziŋ bunna, ni an di Sara ana, ni jivira ndak hin landa egenda hu li ma ay hin tuɗ huna halaŋ, ndak di kan ana, Ni wayanna.» 14Abimelek yow timigiina u mbutlina u suu sunda njufiina u boyogina ɦasi maŋ Abraham. Hin hoŋom caamba, Sara, may. 15Abimelek di ana, «Ha fokoŋ halaŋŋi mbas manda, kak hu li ma aŋ minna.» 16Nam hin di Sara ana, «An ɦal siilira maŋ wayakŋa buɓ dew, ni kay tak ki fok suu u ndakŋa ana ndak li co kaɗi, fok suuna halaŋ ndak hin li ki ni ɗegee.»
17Abraham cen Lona nam hin garaɗ Abimelek kiyo. Caŋ Abimelekka u boyogi suu sunda varamma gijaŋ vuɗta. 18Kay Lona doo suu vo vi Abimelekŋa halaŋ bay vuɗta, ni kay Sara, caŋ Abrahamba.
Terpilih Sekarang Ini:
URA TIN AYRA 20: BMS
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Bible Moussey © Bible Society of Chad, 2002.
URA TIN AYRA 20
20
Abraham u Abimelek
1Abraham col ha Mamre a tuɗ hu mbassa Negebpa. Nam cuk duk ɦoŋ Kades u Kur, hin tuɗ cuk hu Gerar may. 2Abraham di suuna kay caamba Sara ana ndaɗ ni wayamba kay ndaɗta Abimelek mul ma Gerarna sun ay tli Sara haa.#Ura 12.13; 26.7 3Lona tak tam ii Abimelek njeŋge hu doyra dam ana, «Aŋ hin miɗ kiyo kay cara aŋ tlaɗ ay wanda, njufuɗ kaa.» 4Abimelek buu ka u ndaɗ tuɗi, di ana, «Bu Suuna aŋ ba njaf ma ɗegeena ki lay su? 5Nam dan ka u tamba ana ni wayamba naɗi su? Taɗta lay dan ana ni wayaɗna naɗi su? An lini u hurun ma haɓma ma co ay ka hurunɗi.» 6Lona dam hu doyra ana, «An wi lay ana aŋ li ni u huu ma haɓma, ni kay ndaɗta an dooroŋ ki ana aŋ li dlara co egeɗɗi, ni an hiniŋ ka a ŋgeneɗɗi ni na. 7Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»
8Abimelek col kolo maɗii feɗet, yi suu sun mamsina ay egem halaŋ, cuɗusi boy namma. Asi suu mamsina mbuɗ ki ndaa cocoo. 9Abimelek hin yi Abraham ay dam ana, «Aŋ a lami egemi na ni boy mege? An laŋŋi me saɓak egeŋŋa, a aŋ mbaaran cora ŋgolla kan u suu manna u mul manda lay nage? Aŋ lan egenni dla mayra sa ndak ka a laɗ eg saɗira.» 10Abimelek joɓ Abraham ana, «Aŋ a li dla ndaɗta na ni amege?» 11Abraham hoŋom dira ana, «An saa ay ana sa ma li ndaa Lona ka hu mbassa wandaɗi may ni, hin can ki kay caanda kalage. 12A gasira ni ndaɗ ni wayan bunda ka goŋ sundaɗi kama. Ndaɗ mbuɗ ki ni a caanda. 13Hu li ma Lona tuɗun ay ki day eg ziŋ bunna, ni an di Sara ana, ni jivira ndak hin landa egenda hu li ma ay hin tuɗ huna halaŋ, ndak di kan ana, Ni wayanna.» 14Abimelek yow timigiina u mbutlina u suu sunda njufiina u boyogina ɦasi maŋ Abraham. Hin hoŋom caamba, Sara, may. 15Abimelek di ana, «Ha fokoŋ halaŋŋi mbas manda, kak hu li ma aŋ minna.» 16Nam hin di Sara ana, «An ɦal siilira maŋ wayakŋa buɓ dew, ni kay tak ki fok suu u ndakŋa ana ndak li co kaɗi, fok suuna halaŋ ndak hin li ki ni ɗegee.»
17Abraham cen Lona nam hin garaɗ Abimelek kiyo. Caŋ Abimelekka u boyogi suu sunda varamma gijaŋ vuɗta. 18Kay Lona doo suu vo vi Abimelekŋa halaŋ bay vuɗta, ni kay Sara, caŋ Abrahamba.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Bible Moussey © Bible Society of Chad, 2002.