Piancilna 1
1
Kipatna
1A kipatcilin Pasian in van le lei piangsak hi. 2 Tu-in lei in lim le mel nei loin a hawmpi hi a#1.2 Ahikeh suaka hikha ding a, tui thukpi maitang khuamial in tuamcipin tuite tungah Pasian Kha gamtang hi.#Jn 1:1-2
3 Tua ciangin Pasian in "Khuavak om hen," ci-a khuavak ompah hi. 4 Pasian in tua khuavak hoihsa a, khuamial panin khuavak khenkhia hi. 5 Pasian in tua khuavak "sun" ci a, tua khuamial "zan" ci hi. Nitak omin zingsang om a - ni khatna ahi hi.#2Co 4:6; Ph 33:6,9;74:16
6 Tua ciangin Pasian in, "Tui le tui kikhensak dingin tuite kikal ah vansin om hen," ci hi. 7 Tua ciangin Pasian in vansin bawla vansin tung le vansin nuai-ah tuite kikhensak hi. A cih bangin ompah hi. 8 Pasian in tua vansin "huihkhua" a ci hi. Nitak omin zingsang om a - ni nihna ahi hi.#Ph 148:4; Jer 10:12
9 Tua khit ciangin Pasian in, "Van nuai-a tuite mun khatah kikhawmin leikeu kidawk hen," ci hi. A cih bangin ompah hi. 10 Pasian in leikeu pen "leitung" ci a, tui vung khawm pen "tuipi" ci hi. Pasian in hoih sa hi.#Ph 104:6-9
11 Tua ciangin Pasian in leitangh in singkung lopa: amau nam ciat tawh kizui-in khaici a nei lopate le a gah sungah tang a nei singkungte piangsak hen," ci hi. A cih bangin ompah hi. 12 Leitangh in singkung lopa amau nam ciat tawh kizui-in khaici a nei lopate le amau nam ciat tawh kizui in a sungah tang a nei a gah singkungte piangsak hi. Pasian in hoih sa hi. 13 Nitak omin zingsang om a - ni thumna ahi hi.#Ph 65:9-13
14 Tua ciangin Pasian in, "Zan pan sun a khenkhia dingin vansin a huihkhua ah khuavakte omin, tuate pen khuahunte, nite le kumte ciamteh nading limte hi henla, 15 leitunga khuavak dingin vansin huihkhua-a khuavakte hi ta hen," ci hi. A cih bangin ompah hi. 16 Pasian in khuavakpi nih - a lianzaw sun uk ding le a neuzaw zan uk dingin a bawl hi. Aksite zong a bawl hi. 17 Pasian in leitung a taan ding 18 sun le zan a uk ding khuamial pan khuavak a khenkhia dingin vansin huihkhua ah tuate koih hi. Pasian in hoih sa hi. 19 Nitak omin zingsang om a - ni lina ahi hi.#Ph 74:16; 104:19;136:9
20 Tua ciangin Pasian in, "Tua pen a nungta ganhingte tawh kidim henla lei tung vansin huihkhua ah vasate leng kawikawi ta hen," ci hi. 21 Pasian in hih bangin amau nam ciat zui-in tuipi ganhing liante le tui sung a dim a nungta a tangtheite, le amau nam ciat zui-in kha a nei vasa namkim a piangsak hi. Pasian in hoih sa hi. 22 Pasian in tuate thupha pia a, "Cipha unla pungin tuipi sung tuilak teng dim un; leitungah vasate pung ta hen," ci hi. 23 Nitak omin zingsang om a - ni ngana ahi hi.#Pc 8:17
24 Tua ciangin Pasian in, "Leitung in amau nam ciat zui-in a nungta ganhingte: innsate, a bokvak ganhingte le gamsate amau nam ciat zui-in piangsak ta hen," a ci hi. A cih bangin ompah hi. 25 Pasian in gamsa amau nam ciat, innsa amau nam ciat, a bokvak ganhingte khempeuh amau nam ciat bawl hi. Pasian in hoih sa hi.
26 Tua ciangin Pasian in, "Ei lim ei tawh a kibangin mihing bawl ni-in, tuipi sunga ngasate, leitunga om huihlak vasate, innsate le a bokvak ganhingte a#1.26 Hebrew; Syriac gamlak ganhing khempeuh. khempeuh amau uksak ni," ci hi.
27 Tua bangin Pasian in ama lim sunin mihing piangsak a,#1Co 11:7
Pasian lim sunin amah piangsakin
anu le apa-in amaute piangsak hi.#Pc 9:1,7; Sp 26:9
28 Pasian in amaute thupha pia a, amaute tungah, "Cipha unla pung un; leitung khempeuh dim unla thuzawh un. Tuipi ngasate huihlak vasate le a bokvak a nungta ganhing khempeuh uk un," ci hi.
29 Tua ciangin Pasian in, "Leitung buppi-a po khaici a nei lopa namkim le a gah sunga khaici a nei singkung namkim khempeuh kong pia hi. Tuate in note an ding ahi hi. 30 Leitunga ganhing khempeuh, huihlak vasa khempeuh, a bokvak ganhing khempeuh - a sunga nuntakna huu a nei khempeuh - kunghing namkimte a an dingun ka pia hi," ci hi. A cih bangin hipah hi.#Ph 104:14,27
31 Pasian in a bawlsa na khempeuh mu a, a hoih mahmah hi. Nitak omin zingsang om a - ni gukna ahi hi.#Ph 104:24
Terpilih Sekarang Ini:
Piancilna 1: ZIV
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Copyright 1994 Myanmar Center for World Mission