Laoidhean 6

6
LAOIDH 6
Iob 8.11-22
1Gun làthach am fàs luachair ghlas?
no seilisteir gun sruth?
Ged fhàs, is diombuan gearr an cuairt,
seargaidh, gun bhuain, an cruth.
2Is ionnan dòchas baoth an daoi,
nach feud a chaoidh bhi buan;
Mar lìon an damhain‑allaidh fhaoin,
théid leis gach gaoth mu'n cuairt.
3Trath leigeas e a thaic r'a thigh,
aomaidh gach clach is crann;
'S luath ghreimicheas e ris, ach 's luaith'
théid 'fhardoch bun os ceann.
4Ged fhàs 'na ghàradh ris a' ghréin
a gheuga dosrach ùr;
'S ged sgaoil e 'fhreumhan domhain teann
do‑spìonta ta car ùin':
5Gidheadh air teachd d'a bhinn o nèamh,
spionar a fhreumh á bun;
'Aite cha'n aithnich e ni's mò;
caochlaidh a ghlòir gu tur.
6Feuch, 's amhluidh gàirdeachas nan daoi,
ni tàir air naomh‑reachd Dhé;
Grad‑thuitidh iad: 's co grad a thig
'nan àite daoine sèimh.
7Ach Dia nan gràs, le cumhachd mòr,
ni daoine còir a dhìon;
An cridhe lìonaidh e le gean,
's am beul le moladh sìor.

Terpilih Sekarang Ini:

Laoidhean 6: LSN1987

Highlight

Kongsi

Salin

None

Ingin menyimpan sorotan merentas semua peranti anda? Mendaftar atau log masuk

YouVersion menggunakan kuki untuk memperibadikan pengalaman anda. Dengan menggunakan laman web kami, anda menerima penggunaan kuki kami seperti yang diterangkan dalam Polisi Privasi kami