OHÚTU 4
4
Ɔ̄kā kú Ukéni mɛ́mla Ébɛlu
1Ádām le iyē kwu Íifu nōo wɛ ɔnyā nū ā. Anɔ́ɔ ó le ipú yɔ̄, le ɔyínɔ̄nyīlɔ éyi ma á. É kwú iyē ú ce ɔyí ā ka Ukéni#4.1 UkéniƆkɔ kú iyē nyā lɛbɛ̄ɛka “oōlɛ” ā ipú ɔkɛ̄lā kú ācɛ Uhíbru ā Ohígbū ka ó kahíníī, “Óndú ā tá um abɔ̄ le ɔ̄cɛnyīlɔ éyi ma ɛɛ́.” 2Íifu klla le ipú yɔ̄ kpɔ́ le Ébɛ̄lu nōo wɛ ɔyínɛ́ kú Ukéni ma. Eko nēé le jɛ̄ ā, Ébɛ̄lu kwú pīya ɔ̄cogbāálá amáŋ Ukéni kē wɛ ɔglɛ́ɛjí. 3Abɔ̄ eko yá gɔbū yɛɛ ā, Ukéni le ōhī kú ɔdɛ̄hɔ̄ kú nū nōó cē ā bī gaá gbā Óndú ɛ̄gbá. 4#Uhíb 11.4Ébɛ̄lu kē le ɔyí aflɛ́yí kú álá kú nū nōo jɔ̄kwū lɔɔlɔhi ā bī wā í gbā Óndú ā ɛ̄gbā dúú. Anɔ́ɔ Ɔwɔicō kē mīyɛ ɛ̄gbā nɛ̄ Ébɛ̄l gbā ɔ̄ āa á. 5Amáŋ Ɔwɔicō í mīyɛ ákú Ukéni ŋ́. Ohígbū ɔ́ɔmā Ukéni kwú cɔ̄nū, cɛ́ɛ́ ikpēyī kú nū kwú kplá gɔɔ. 6Ɔwɔicō da Ukéni ɔ̄kā kahíníī, “Ɔdíyá nɛ̄ a ī cɔ̄nū, nɛ̄ eyī kú uwɔ i kplá gɔɔ āa? 7Ɔ́dāŋ ka a le yá lɔhi nɛɛ, ń géē yɛ í mīyɛ uwɔ mɛ́mla ɛ̄gbā kú uwɔ ŋ́ nɛɛ? Amāŋ abɔ̄ a le yá bɔ̄bí ā íneōbīya yɔ̄ ī tɔ́ɔ́tɛ́ uwɔ kóō lɛ uwɔ kwú. Amáŋ leyī kwɛcɛ ká ā lɛ ɔ́ yálé.
Ukéni le Ébɛ̄lu ŋmó
8 #
Umát 23.35; Ulúk 11.51; 1 Ujɔ́n 3.12 Ukéni da Ébɛ̄l kahíníī, “Ālɔ̄ ga ipácí káá” Anɔ́ɔ é le pɛ́ i yɛ á. Eko nɛ̄ é bá ipácí ā, Ukéni tū Ébɛ̄l, ɔyínɛ́ nū iyē le ɔ́ ŋmó.
9Óndú ā da Ukéni ɔ̄kā kahíníī, “Iní nɛ̄ Ébɛ̄l, ɔyínɛ́ uwɔ, yɔ̄ āa?” Anɔ́ɔ Ukéni da Óndú ā kahíníī, “Ń jé ŋ́. Ami cíkā ō leyīkwu ɔyínɛ́ um á nɛɛ?” 10#Uhíb 12.24Anɔ́ɔ Óndú ā da ɔ́ kahíníī, “Ɔdí nɛ̄ a yá yɔ̄ āa? Oyī kú ɔyínɛ́ uwɔ, Ébɛ̄l, yɔ̄ ī jikwū ŋmáajɛ klá um gbōō kéē lɛ óluma kú anúɔ cílá 11Ohígbū ɔdā nɛ̄ ā yá nyā, n le okónu tá ga awɔ ɛɛ́. Ajɛ nōo gwá oyī kú Ébɛ̄l, ɔyínɛ́ uwɔ ā, í gáā yá ɔdɛ̄hɔ̄ gā awɔ ɛ́gɛ́nɛ̄ o cíkā ā gɛ ŋ́. 12Ɛ́gɛ́ dúúmā nɛ̄ a yúklɔ́ lɛ ā, á gáā má ɔdōlé ɔmɔɔmlɛ ŋmá anú ŋ́. A géē wɛ ɔ̄cɛ ílákpá nōó lɛ ɔlɛ́ ŋ́, yɔ̄ ī gicō gajɛ piyóó ipú oyēeyī kú uwɔ ipú ɛcɛ nyā. 13Ukéni da Óndú ā kahíníī, “italā nɛ̄ a yá gā um nyā le fíyɛ́ um abɔ̄. 14Mɔ́ɔ̄ ɛ́ɛ́ Óndú, ā lɛ um nū ŋmá ō hí ɛhɔ̄ ipú ajɛ nyā, ā klla le um nū ŋmá ɛgiyí uwɔ̄. N klla kwú pīya ɔ̄cɛ ílákpá nōó lɛ ɔlɛ́ ŋ́, yɔ̄ ī gicō gajɛ piyóó ipú oyēeyī kú umɔ ipú ɛcɛ nyā. ɛɛ́. Ó lɛ ā ɔ̄cɛ nōo lɛ um má géē ŋmó um. 15Óndú ā da ɔ́ kahíníī, “Ehée, ó lɛ ā ŋ́! Ɔ̄cɛ dúúmā nōo lɛ uwɔ ŋmó, n géē gwō ɔ̄ ɔ́ci mɛ́mla ikpɛ̄yí kú ācɛ ahāapa ŋmá ipɔ́nū kú ɔlɛ́ ɔ̄cɛ ɔ́ɔmā.” Anɔ́ɔ Óndú ā le Ukéni fukɔ̄ údɔ̄bū kú ɔ̄cɛ dúúmā nōo lɛ Ukéni má, kóō híī ŋmó ɔ̄ ŋ́.” 16Anɔ́ɔ Ukéni nyɛ̄ɛ̄ ŋmá ɛgiyí Óndú ā, gaá lā ajɛ kú Unɔ́du, ɛnɔ̄ɔ̄cī kú ɛhɔ̄ kú Ídɛn á.
Aípɔ́ɔma kú Ukéni
17Ukéni le gwutá mla ɔnyā nu, anɔ́ɔ ɔnyā nū le ipú yɔ̄ á. Ɔnyā ā le ɔyí ɔ̄cɛnyīlɔ éyi ma nēé hī iyē nū ka Énɔ̄ku. Ukéni le igelī nɛ̄hi éyi gwó. Anɔ́ɔ ó kwú ɔ̄ í hī iyē kú Énɔ̄k ɔyí nū á. 18Énɔ̄ku kē mɔyí éyi, nɛ̄ iyē kú nū lé ka Irád. Irád wɛ ádā kú Umahūjáwɛ̄lu á. Umahūjáwɛ̄lu, ma Umɛtússɛ̄la á. Umɛtússɛ̄la ma Ulámɛ̄ki á. 19Ulámɛ̄ki lɛ anyā ɛpa, Adá mɛ́mla Usílla. 20Adá ma Ujábalu, nōo wɛ ɔ̄cɛ aflɛ́yí nōo lā ipú áklɔ̄kpɛ nɛ̄ é bī īlī gwó á. Anú klla wɛ ɔ̄cɛ aflɛ́yi nōo gbɔ̄ɔ ō bī aɛ́bɛ́ ɔlɛ́ á. 21Ɔyínɛ́ nū kē lé ka Ujúbalu. Anú ā kē wɛ ɔ̄cɛ aflɛ́yí ká ācɛ nēe gē tá ɔkpancílé mɛ́mla ācɛ o gwō ɛ̄ngwū á. 22Usílla, ɔnyā kú Ulámɛ̄ki ɔ́mpa ā, ma Utūbal-kēēni á. Anú ā wɛ aflɛ́yí kú ācɛ nēe gē nɔwá īyúklɔ́ dóódu kú oje,#4.22 ācɛ nēe gē nɔwá iyúklɔ́ dóódu kú oje, ɔwɛ éyi nēé pīya ɔkɔ abɔ̄ nɛ̄ncɛ̄ aádáádā kú ācɛ ō nɔwá ŋmá oje udɔ mɛ́mla oje ɔlamu á. Utūbalkēēni lɛ ɔyínɛ́ nɔ̄nyā éyi nōo lé ka Unaáma.
23Ulámɛ̄ki da anyā ɔlɛ́ nū,
Adá mɛ́mla Usílla kahíníī, “Anyā um, aá jāhɔ̄ gā um.
N lɛ Le ɔyípōklóbīya éyi ŋmó,
ohígbū koó le ágbe yá um.
24Ɔ́dāŋ keé géē je oyēeyī ahāapa gwɔ̄ɔ́cī kú ɔ̄cɛ dúúmā nōo lɛ Ukéni ŋmó,
ayíka ákú um géē wɛ ofɛtá ce igwáahāapa nēé géē bī lɛ gwɔ̄ɔ́ci á.”
Usɛ́ti mɛ́mla Énɔ̄ss
25Ádām le gwutá mla ɔnyā nū, anɔ́ɔ ó le ipú yɔ̄ le ɔyínɔ̄nyīlɔ ɔhá ma á. Íifu kwú iyē ú ce ɔ́ ka Usɛ́ti. Ohígbū koó ka,#4.25 Usɛ́t. ɔkɔ kú iyē nyā okónu Uhíb lɛbɛ̄ɛka “kwú ga um ɛɛ́” “Ɔwɔicō lɛ ɔyínɔ̄nyīlɔ ɔhā je gā um kwɛyí Ébɛ̄lu nɛ̄ Ukéni ŋmó ā ɛɛ́.” 26Usɛ́ti le ɔyínɔ̄nyīlɔ éyi ma nēé hī iyē kú nū lé ka Énɔ̄ss. O ŋmá eko ɔ́ɔmā gɔbū ā nɛ̄ ācɛ gbɔɔ́ ō bī iyē kú Ɔwɔicō le gbā Ɔwɔicō ɛ̄gbā á.
Terpilih Sekarang Ini:
OHÚTU 4: IFBCL
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk