Akisy. 5
5
Ŋipapae ka Adam
(1 Ŋakiro a ŋirwa 1:1-4; Luk. 3:36-38)
1Erae lu ŋirorwa a ŋipapae ka Adam. Apaki ŋina asubunia Akuj ituŋanan, abu tosub ikwaan ka iŋes. 2Abu Akuj tosub ikes, ekile ka aberu, ido kiterereŋ ikes, tolimok ekiro kec, “Ŋituŋa” apaki ŋina asubunere ikes. 3Kiboi Adam todolo ŋikaru amiat ka ŋatomoniuni. Touru isapat ŋini ekwaan ka iŋes per, ŋini ayakar ŋasima keŋ; tolimok ekiro keŋ Set. 4Kedau Adam auruun Set, kiboi ŋikaru ŋamiae ŋakanikauni; touru ŋisapa ŋice ka ŋapesur. 5Arae ŋikaru ka Adam daadaŋ ŋamiae ŋakanikaomwon ka ŋatomoniuni. Ekaku a ŋikaru a ŋul, totwan.
6Kedau Set akiboi ŋikaru amiat ka ŋikan, abu touru Enos. 7Kedau auruun Enos, abu kiboi ŋikaru ŋamiae ŋakanikauni ka ŋikanikaarei, touru ŋisapa ŋice ka ŋapesur. 8Arae ŋikaru a Set daadaŋ ŋamiae ŋakanikaomwon ka ŋitomon ka ŋiarei. Ekaku a ŋikaru a ŋul, totwan.
9Kiboi Enos ŋikaru ŋatomonikanikaomwon, touru Kenan, 10kedau auruun Kenan, kiboi ŋikaru ŋamiae ŋakanikauni ka ŋitomon ka ŋikan, touru ŋisapa ŋice ka ŋapesur. 11Arae ŋikaru a Enos daadaŋ ŋamiae ŋakanikaomwon ka ŋikan. Ekaku a ŋikaru a ŋul, totwan.
12Kiboi Kenan ŋikaru ŋatomonikanikaarei, touru Malalel.
13Kedau auruun Malalel, kiboi Kenan ŋikaru ŋamiae ŋakanikauni ka ŋatomoniomwon, touru ŋisapa ŋice ka ŋapesur. 14Arae ŋikaru a Kenan daadaŋ ŋamiae ŋakanikaomwon ka ŋitomon. Ekaku a ŋikaru a ŋul, totwan.
15Kiboi Malalel ŋikaru ŋatomonikanikapei ka ŋikan, touru Yared. 16Kedau auruun Yared, kiboi Malalel ŋikaru ŋamiae ŋakanikauni ka ŋatomonikanikaomwon, touru ŋisapa ŋice ka ŋapesur. 17Arae ŋikaru a Malalel daadaŋ ŋamiae ŋakanikauni ka ŋatomonikanikaomwon ka ŋikan. Ekaku a ŋikaru a ŋul, totwan.
18Kiboi Yared ŋikaru amiat ka ŋatomonikanikapei ka ŋiarei, touru Enok. 19Kedau auruun Enok, kiboi Yared ŋikaru ŋamiae ŋakanikauni, touru ŋisapa ŋice ka ŋapesur. 20Arae ŋikaru a Yared daadaŋ ŋamiae ŋakanikaomwon ka ŋatomonikanikapei ka ŋiarei. Ekaku a ŋikaru a ŋul, totwan.
21Kiboi Enok ŋikaru ŋatomonikanikapei ka ŋikan, touru Metusela. 22Kiboi Enok iwuapit Akuj ŋikaru ŋamiae ŋauni, kedau auruun Metusela, touru ŋisapa ŋice ka ŋapesur. 23Arae ŋikaru a Enok daadaŋ ŋamiae ŋauni ka ŋatomonikanikapei ka ŋikan. 24Kiboi Enok iwuapit Akuj, nai toŋopiya, anerae abu Akuj ya iŋes nakuj.
25Kiboi Metusela ŋikaru amiat ka ŋatomonikanikauni ka ŋikanikaarei, touru Lamek. 26Kedau auruun Lamek, kiboi Metusela ŋikaru ŋamiae ŋakanikaarei ka ŋatomonikanikauni ka ŋiarei, touru ŋisapa ka ŋapesur. 27Arae ŋikaru a Metusela daadaŋ ŋamiae ŋakanikaomwon ka ŋatomonikanikapei ka ŋikanikaomwon. Ekaku a ŋikaru a ŋul, totwan.
28Kiboi Lamek ŋikaru amiat ka ŋatomonikanikauni ka ŋiarei, touru esapat. 29Tolimok ekiro a esapat a ŋol Noa, ebala, “A ŋalup a ŋuna adau Akuj akicen, ikiŋarakini iwon lo alotic yok a ŋolo agogoŋon a ŋolo a ŋalup a ŋuna koloŋ abu Akuj kicen.” 30Kiboi Lamek ŋikaru ŋamiae ŋakan ka ŋatomonikanikaomwon ka ŋikan, touru ŋisapa ŋice ka ŋapesur. 31Arae ŋikaru a Lamek daadaŋ ŋamiae ŋakanikaarei ka ŋatomonikanikaarei ka ŋikanikaarei. Ekaku a ŋikaru a ŋul, totwan.
32Arae ŋikaru a Noa ŋamiae ŋakan. Abu iŋes touru Sem, Am ka Yapes.
Terpilih Sekarang Ini:
Akisy. 5: NIB2008
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Ngakarimojong Interconfessional Bible © Bible Society of Uganda, 2008.