Matyo 17
17
Efàarà Yeso kobo sa nɛŋɛrɛ
(Mak 9:2-13; Luk 9:28-36)
1Enji à fɔɔ mfo, Yeso nu Petoro, Jems mane Eyɔɔ wɛ à mwɔ ghongwaanɔm Jems ngɛ, gbee angɔ ngɔɔ edɔm egu deʼ wɛ a me dɔɔ ngɛ. Angɔ tsɔmɔ aŋu àmɔ̀ àmɔ̀. 2Angɔ sa zɔ efaara Yeso kobo. Efaara ngɔ sa pɛ né etaranchwe nɔ, ǹdiri ngɔ sa bla ma nɛŋɛrɛ. 3Éngɛ abɔ bɛɛrɛ abwa tɛd byɛ sa zɔzɔ Mose mane Elayja gli sa ga nè Yeso. 4Éngɛ Petoro gâ ebe Yeso kpe, “Masakɛ e we nara ebe bɔ é mwɔ anɔ. Mala ngwo me ke, mmɛ byɛ enkpɛʼ tɛd, ebi engɛ̂, ebi ebe Mose, mane ebi ebe Elayja.” 5Aŋu Petoro à ma bli à ga ngɛ, m̀bɛ̀ʼ bla mpɛɛ deʼ koo angɔ, etsoʼ deʼ ga efwɔ m̀bɛ̀ʼ yɛ kpe, “Ewùnɔ na ŋwɔ etaa ngu, mmɛ wa gɛnɛ angu ene engɔ, mbɔn zhuru ebe engɔ!” 6Èndzobo chɛ abɔ bɛɛrɛ abwa byɛ à zo etsoʼ wunɔ ngɛ, akwa angɔ fe, éngɛ angɔ godo tuʼu afaara àmɔ̀ a chwâ. 7Bɛʼngɛ Yeso zeʼ mɔmɔ angɔ gɛ̀rɛ̀ ga ebe angɔ kpe, “Mbɔn tamma ekere, mbɔn ka bum.” 8Èndzobo chɛ angɔ à kɔʼ ekere ngɛ, a ke wu zɔ gho deʼ bo, à tye Yeso. 9Aŋu angɔ à nyɛrɛ egu sa kla zeʼe achim ngɛ, Yeso gbeʼre eto angɔ kpe, “Mbɔn ke toʼro ebwa wɛ mbɔn me zɔ ngɛ ebe gho deʼ bo, bwɛn anji yɛ Ŋwɔ Gho ma zhwɛm ene ewu ngɛ.” 10Abɔ bɛɛrɛ abwa byɛ biiri ebe engɔ kpe, “Ènji yɛ bàtee atsɛrɛ à ga kpe Elayja wa dye zeʼ ngɛ ne ga kpe ayɛ?” 11Yeso gíì kpe, “Elayja wa dye zeʼe, ne éŋwaʼa, gɛrɛ ma ngo ndèerè ela gimkpaʼ. 12Bɛʼngɛ mmɛ ga éŋwaʼa endɔn kpe Elayja a shi zeʼ, bɔ gɛrɛ ne nɛɛ engɔ bo. Bɛʼngɛ bɔ à nyii engɔ aŋu â me doʼo ngɛ. Ene aghɛʼnji ŋwaʼ zɔnɔ, e gɛrɛ ba ngo gbɛɛrɛ Ŋwɔ Gho.” 13Éngɛ abɔ bɛɛrɛ abwa byɛ à nɛɛ kpe engɔ na ga mbɔʼ Eyɔɔ Andɛʼndim.
Yeso gli ŋwɔanɔm deʼ wɛ à me le azhwɛɛrɛ bɔɔbɔɔ ngɛ
(Mak 9:14-29; Luk 9:37-43a)
14Aŋu Yeso mane bɔ bɛɛrɛ abwa mɔ à wu zeʼ achim abwaʼ ebaŋabɔ ngɛ, gho deʼ zeʼ ebe Yeso, è gunu amɔ efàarà engɔ 15gɛ̀rɛ̀ ga kpe, “Masakɛ, ngà klasɔn ene ŋwɔanɔm ngu! Engɔ na gho ekliʼi, e fa le engɔ ma zɔ ǹgoʼ ghɛʼ, e fa doʼo à bɛ̀ʼ engɔ è ma go efwɔ éwu kà efwɔ ndim. 16Éngɛ mmɛ nu engɔ zeʼ ebe bɔ bɛɛrɛ abwa mbyɛ bɛʼngɛ angɔ mo é gli engɔ tsɛ̀ʼ.” 17Yeso gíì kpe, “Mbɔn na m̀pèrè bɔ buguru eto be ketsɛʼ ebɛrɛtaa? Mmɛ wa ngo tsɔmɔ nè mbɔn bwɛn ene endzobo tse? Mmɛ wa ngo klini etaa ene mbɔn é bwɛn awe? Nu ŋwɔanɔm wɛ zeʼe anɔ.” 18Éngɛ Yeso bwe ebe azhwɛɛrɛ bɔɔbɔɔ yɛ kpe a gli ekwa eŋwɔanɔm wɛ, ekyɛ ŋwaʼ, azhwɛɛrɛ yɛ gli, eŋwɔ wɛ nan. 19Èndzobo chɛ Yeso à mwɔ gho zhiʼ ngɛ, bɔ bɛɛrɛ abwa byɛ ngɔɔ è biiri ebe Yeso kpe, “Ayɛ a le mbyɛɛ mo fli azhwɛɛrɛ zɔnɔ tsɛ̀ʼ?” 20Yeso gíì kpe, “Na mbɔʼnga ebɛrɛtaa yɛ mbɔn me le ngɛ ye kpɛɛ.” Mmɛ ga éŋwaʼa endɔn kpe, mala ebɛrɛtaa ndzɔn me klɔ kà me mwɔ na mpu sam digidigi nɔ, shi mbɔn be né ga ebe egu wunɔ kpe, “Nyɛrɛ anɔ ngɔɔ ande” shi e gɛrɛ na ngɔ̀ɔ. Ebwa deʼ ke né fɔɔ angɔn bo. 21“Mbɔn be né chi m̀pè azhwɛɛrɛ zɔnɔ à tye me ne atsaʼra Ngwe mane chwɔ atsaʼra Ngwe.”
Yeso gɛrɛ wu ga mbɔʼ ewu mɔ
(Mak 9:30-32; Luk 9:43b-45)
22Èndzobo chɛ Yeso mane bɔ bɛɛrɛ abwa mɔ à zeʼ afwɔbi a Galilii ngɛ, Yeso gâ ebe angɔ kpe, “Afwɔ mpiʼ, e ba nu Ŋwɔ Gho é ge eblabwo bɔ abwa bɔɔbɔɔ. 23E ba zhudu engɔ, bɛʼngɛ enji sa fɔɔ tɛd nɔ, Ngwe zhwɛɛmɛ engɔ ene ewu.” Bɔ bɛɛrɛ abwa à ju ghɛʼ aŋu Yeso à ga énde ngɛ.
Yeso gâ mbɔʼ aŋwɛ ndɔngwe kɛ̀
24Èndzobo chɛ Yeso mane bɔ bɛɛrɛ abwa mɔ à zeʼ a Kapɛnaum ngɛ, bàshuru aŋwɛ ene aŋwɛ ndɔngwe kɛ zeʼ gɛ̀rɛ̀ biiri ebe Petoro kpe, “Àtee abwa ngɔn wa nɛ̀rɛ̀ aŋwɛ etsam Ngwe de?” 25Petoro gii kpe, “ɔ̧̀ɔɔ, è wa nɛrɛ.” Aŋu Petoro à nyii ngɔɔ efwɔ ndɔ ngɛ, Yeso dye ga ekere kpe, “Shimun, ènjɛ̂ ezhuŋu ne ga kpe ayɛ? Abɔ byɛ e ma nɛ̀rɛ̀ aŋwɛ ebe m̀fɔ̀rɔ̀ é nyii efwɔ afwɔ efwɔ ese zɔnɔ ngɛ ne ewɛ? Na abɔ abɛ àmɔ̀ ngɛ kà na àgɔn byɛ e me zeʼe efwɔ abɛ yɛ ngɛ?” 26Petoro gâ kpe, “Abɔ e ma nɛ̀rɛ̀ ngɛ na àgɔn” Yeso gíì kpe, “Éngɛ abɔ abɛ àmɔ̀ ngɛ ke me koʼro é nɛ̀rɛ̀ aŋwɛ bo. 27Bɛʼngɛ ntsɔ ke ma ke é tsɔŋɔ ńtara bàshuru aŋwɛ etsam Ngwe bo, ngà ngɔɔ eba angli, ndwa ngwɔ̀bɔ̀ efwɔ. Enga goo shuu mbèmbè yɛ ngwo ma bere ngɛ, ngwo wa zɔ ekɛb atɔrɔ wɛ e me koʼo ene aŋwɛ etsam Ngwe ndza mane anjɛ ngɛ. Enga nu ekɛb atɔrɔ wɛ è nɛ̀rɛ̀ aŋwɛ bɔ anyi.”
Terpilih Sekarang Ini:
Matyo 17: nbt
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2022, CABTAL
Matyo 17
17
Efàarà Yeso kobo sa nɛŋɛrɛ
(Mak 9:2-13; Luk 9:28-36)
1Enji à fɔɔ mfo, Yeso nu Petoro, Jems mane Eyɔɔ wɛ à mwɔ ghongwaanɔm Jems ngɛ, gbee angɔ ngɔɔ edɔm egu deʼ wɛ a me dɔɔ ngɛ. Angɔ tsɔmɔ aŋu àmɔ̀ àmɔ̀. 2Angɔ sa zɔ efaara Yeso kobo. Efaara ngɔ sa pɛ né etaranchwe nɔ, ǹdiri ngɔ sa bla ma nɛŋɛrɛ. 3Éngɛ abɔ bɛɛrɛ abwa tɛd byɛ sa zɔzɔ Mose mane Elayja gli sa ga nè Yeso. 4Éngɛ Petoro gâ ebe Yeso kpe, “Masakɛ e we nara ebe bɔ é mwɔ anɔ. Mala ngwo me ke, mmɛ byɛ enkpɛʼ tɛd, ebi engɛ̂, ebi ebe Mose, mane ebi ebe Elayja.” 5Aŋu Petoro à ma bli à ga ngɛ, m̀bɛ̀ʼ bla mpɛɛ deʼ koo angɔ, etsoʼ deʼ ga efwɔ m̀bɛ̀ʼ yɛ kpe, “Ewùnɔ na ŋwɔ etaa ngu, mmɛ wa gɛnɛ angu ene engɔ, mbɔn zhuru ebe engɔ!” 6Èndzobo chɛ abɔ bɛɛrɛ abwa byɛ à zo etsoʼ wunɔ ngɛ, akwa angɔ fe, éngɛ angɔ godo tuʼu afaara àmɔ̀ a chwâ. 7Bɛʼngɛ Yeso zeʼ mɔmɔ angɔ gɛ̀rɛ̀ ga ebe angɔ kpe, “Mbɔn tamma ekere, mbɔn ka bum.” 8Èndzobo chɛ angɔ à kɔʼ ekere ngɛ, a ke wu zɔ gho deʼ bo, à tye Yeso. 9Aŋu angɔ à nyɛrɛ egu sa kla zeʼe achim ngɛ, Yeso gbeʼre eto angɔ kpe, “Mbɔn ke toʼro ebwa wɛ mbɔn me zɔ ngɛ ebe gho deʼ bo, bwɛn anji yɛ Ŋwɔ Gho ma zhwɛm ene ewu ngɛ.” 10Abɔ bɛɛrɛ abwa byɛ biiri ebe engɔ kpe, “Ènji yɛ bàtee atsɛrɛ à ga kpe Elayja wa dye zeʼ ngɛ ne ga kpe ayɛ?” 11Yeso gíì kpe, “Elayja wa dye zeʼe, ne éŋwaʼa, gɛrɛ ma ngo ndèerè ela gimkpaʼ. 12Bɛʼngɛ mmɛ ga éŋwaʼa endɔn kpe Elayja a shi zeʼ, bɔ gɛrɛ ne nɛɛ engɔ bo. Bɛʼngɛ bɔ à nyii engɔ aŋu â me doʼo ngɛ. Ene aghɛʼnji ŋwaʼ zɔnɔ, e gɛrɛ ba ngo gbɛɛrɛ Ŋwɔ Gho.” 13Éngɛ abɔ bɛɛrɛ abwa byɛ à nɛɛ kpe engɔ na ga mbɔʼ Eyɔɔ Andɛʼndim.
Yeso gli ŋwɔanɔm deʼ wɛ à me le azhwɛɛrɛ bɔɔbɔɔ ngɛ
(Mak 9:14-29; Luk 9:37-43a)
14Aŋu Yeso mane bɔ bɛɛrɛ abwa mɔ à wu zeʼ achim abwaʼ ebaŋabɔ ngɛ, gho deʼ zeʼ ebe Yeso, è gunu amɔ efàarà engɔ 15gɛ̀rɛ̀ ga kpe, “Masakɛ, ngà klasɔn ene ŋwɔanɔm ngu! Engɔ na gho ekliʼi, e fa le engɔ ma zɔ ǹgoʼ ghɛʼ, e fa doʼo à bɛ̀ʼ engɔ è ma go efwɔ éwu kà efwɔ ndim. 16Éngɛ mmɛ nu engɔ zeʼ ebe bɔ bɛɛrɛ abwa mbyɛ bɛʼngɛ angɔ mo é gli engɔ tsɛ̀ʼ.” 17Yeso gíì kpe, “Mbɔn na m̀pèrè bɔ buguru eto be ketsɛʼ ebɛrɛtaa? Mmɛ wa ngo tsɔmɔ nè mbɔn bwɛn ene endzobo tse? Mmɛ wa ngo klini etaa ene mbɔn é bwɛn awe? Nu ŋwɔanɔm wɛ zeʼe anɔ.” 18Éngɛ Yeso bwe ebe azhwɛɛrɛ bɔɔbɔɔ yɛ kpe a gli ekwa eŋwɔanɔm wɛ, ekyɛ ŋwaʼ, azhwɛɛrɛ yɛ gli, eŋwɔ wɛ nan. 19Èndzobo chɛ Yeso à mwɔ gho zhiʼ ngɛ, bɔ bɛɛrɛ abwa byɛ ngɔɔ è biiri ebe Yeso kpe, “Ayɛ a le mbyɛɛ mo fli azhwɛɛrɛ zɔnɔ tsɛ̀ʼ?” 20Yeso gíì kpe, “Na mbɔʼnga ebɛrɛtaa yɛ mbɔn me le ngɛ ye kpɛɛ.” Mmɛ ga éŋwaʼa endɔn kpe, mala ebɛrɛtaa ndzɔn me klɔ kà me mwɔ na mpu sam digidigi nɔ, shi mbɔn be né ga ebe egu wunɔ kpe, “Nyɛrɛ anɔ ngɔɔ ande” shi e gɛrɛ na ngɔ̀ɔ. Ebwa deʼ ke né fɔɔ angɔn bo. 21“Mbɔn be né chi m̀pè azhwɛɛrɛ zɔnɔ à tye me ne atsaʼra Ngwe mane chwɔ atsaʼra Ngwe.”
Yeso gɛrɛ wu ga mbɔʼ ewu mɔ
(Mak 9:30-32; Luk 9:43b-45)
22Èndzobo chɛ Yeso mane bɔ bɛɛrɛ abwa mɔ à zeʼ afwɔbi a Galilii ngɛ, Yeso gâ ebe angɔ kpe, “Afwɔ mpiʼ, e ba nu Ŋwɔ Gho é ge eblabwo bɔ abwa bɔɔbɔɔ. 23E ba zhudu engɔ, bɛʼngɛ enji sa fɔɔ tɛd nɔ, Ngwe zhwɛɛmɛ engɔ ene ewu.” Bɔ bɛɛrɛ abwa à ju ghɛʼ aŋu Yeso à ga énde ngɛ.
Yeso gâ mbɔʼ aŋwɛ ndɔngwe kɛ̀
24Èndzobo chɛ Yeso mane bɔ bɛɛrɛ abwa mɔ à zeʼ a Kapɛnaum ngɛ, bàshuru aŋwɛ ene aŋwɛ ndɔngwe kɛ zeʼ gɛ̀rɛ̀ biiri ebe Petoro kpe, “Àtee abwa ngɔn wa nɛ̀rɛ̀ aŋwɛ etsam Ngwe de?” 25Petoro gii kpe, “ɔ̧̀ɔɔ, è wa nɛrɛ.” Aŋu Petoro à nyii ngɔɔ efwɔ ndɔ ngɛ, Yeso dye ga ekere kpe, “Shimun, ènjɛ̂ ezhuŋu ne ga kpe ayɛ? Abɔ byɛ e ma nɛ̀rɛ̀ aŋwɛ ebe m̀fɔ̀rɔ̀ é nyii efwɔ afwɔ efwɔ ese zɔnɔ ngɛ ne ewɛ? Na abɔ abɛ àmɔ̀ ngɛ kà na àgɔn byɛ e me zeʼe efwɔ abɛ yɛ ngɛ?” 26Petoro gâ kpe, “Abɔ e ma nɛ̀rɛ̀ ngɛ na àgɔn” Yeso gíì kpe, “Éngɛ abɔ abɛ àmɔ̀ ngɛ ke me koʼro é nɛ̀rɛ̀ aŋwɛ bo. 27Bɛʼngɛ ntsɔ ke ma ke é tsɔŋɔ ńtara bàshuru aŋwɛ etsam Ngwe bo, ngà ngɔɔ eba angli, ndwa ngwɔ̀bɔ̀ efwɔ. Enga goo shuu mbèmbè yɛ ngwo ma bere ngɛ, ngwo wa zɔ ekɛb atɔrɔ wɛ e me koʼo ene aŋwɛ etsam Ngwe ndza mane anjɛ ngɛ. Enga nu ekɛb atɔrɔ wɛ è nɛ̀rɛ̀ aŋwɛ bɔ anyi.”
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2022, CABTAL