Markus 11
11
Yesu A Dɔ Urushalima
(Luk 19:28-40; Yoh 12:12-19)
1Ba jǝ dwama Urushalimagɔ lɛɨ, ja bɛ a tuulɔ Betafaji jǝbɔ Betanyaɨ, a dʌbʌl Yem Zaituni, nǝngɔ Yesu a twam bɛtɔ mɛlalɨ gǝnɔ yoi. 2A sʊwa ji gɔ, “Jǝ́ yɔ a bɛ tuulɔ nɨ a kǝga jeni. Na jǝ́ dɔ lɛɨ, jǝ́ kuwo kuwo bɛ lungsongɔ ja kwa kwaɨ, wʊnɨ mɨ nʊ nɨ a gwi gǝn woi. Jǝ́ kwɨ, jǝ́ bɛ nǝn. 3Na nǝl a bʌ jen gɔ, ‘Wɛ jǝ́ maa lɛ nyɨɨ?’ Jǝ́ sʊwa gǝn jengɔ, ‘Nǝn Tɛlalɔ swɨ lɛɨ, nǝn yǝla nǝn bɛ bɛ nǝn kǝngkɔ!’ ”
4Nǝngɔ ja shui, ya ja nya bɛ lungsongɔ kwalam a nyanga lɔng a kʌng golaɨ. Ja kwɨɨ, 5nǝb nɨ tɨm woi ja bʌ ji gɔ, “A maa nyǝn? Wɛ a bwɨ jǝ́ kwɨ lungsong nɨ lɛɨ?” 6Nǝngɔ ja gar jim dǝngdǝng kanga Yesu a sʊwa jii, nǝngɔ nǝb nɨ a bǝla ji ja shu nǝn lungsongi. 7Kwama ja bɛ Yesu gǝm nǝn lungsongi, ja matǝn bɛllɛtɨn jinɔ tʌgo a yɛɛ gǝnɔ gǝmɨ, nǝngɔ Yesu a gwii. 8Nǝbɔ a lada a ma dwangtɨn jinɔ a golaɨ, kaamɨ a tal langǝn wʊnɨ ja kaba a mʊgɔ kuuli. 9Nǝb nɨ a kǝgaɨ jǝbɔ nǝb nɨ a guli jǝ tal bwaalɨgɔ lɛ jǝ sʊwa lɛ gɔ,
“Bǝlátǝmɔ na a Kwaamaɨ!
Bwiligɔ na a nʊ nɨ bɛ lɛ
a mʊgɔ dun Tɛlalɔɨ!
10Bwiligɔ na a fɔlɔn lɔ tɛtɛ
bǝn Daudaɨ nɨ bɛ lɛɨ.
Bǝlátǝmɔ na a Kwaamaɨ
nɨ a dʌbʌli.”
11Yesu a dɔ Urushalimaɨ, nǝngɔ a dɔ Kan Kwaamanɔ a dʌng kanjǝlɔ gwamɨ. Nu kwamagɔ a kwɛl a lɛ, nǝngɔ a jel a shu a Betanya jǝbɔ bɛtɔ mɛlalɨ gǝnɨ.
Yesu A Lag Tɨya Dʌfengɔ
(Mat 21:18,19)
12Nǝn tǝmsɛlɨ jǝ bǝla Betanyagɔ lɛ nyɨɨ, jʊwanɔ a ta Yesu. 13A kuwo kaa tɨya dʌfeng a kǝgaɨ, nǝngɔ a yɔ gɔ kɛna gǝ nya lɛ nǝn tʊʊlɨ. Ya laɨ, a nya bɔ tʊʊl wo, n ka langǝn. N ke bɔ kwama tʊʊl dʌfeng. 14Nǝngɔ a sʊwa dʌfengɔ gɔ, “Ka kaa nǝl ya ja lɛ tʊʊl mʊnɔ wo tag!” Bɛtɔ mɛlalɨ gǝnɔ a nyʊwa jʊ nɨ a sʊwaɨ.
Yesu A Fɛka Kan Kwaamanɔ
(Mat 21:12-17; Luk 19:45-48; Yoh 2:13-22)
15Kwama ja yǝla ja bɛ a Urushalimaɨ, Yesu a dɔ Kan Kwaamanɔ a tǝl kaa nǝb miyotǝmɔ lɛ jǝbɔ nǝb tentǝmɔ woi. A tʊngam tebur nǝb nɨ fʌto kemʌn nɛɨ jǝbɔ kotere nǝb nɨ miyo baatitɨn nɛɨ. 16A kaa nǝbɔ gɔ ka ja shu lɛ nǝn kanjǝl miyotǝm a mʊgɔ talɨ Kan Kwaaman. 17A mɛla nǝbɔ gǝm gɔ, “A mʊla mʊlaɨ gɔ,
“ ‘Lɔ mǝndɨ jǝ jo gɔ
kan keli bǝlǝntǝmɨ gwam.’
A jenɔ jǝ́ do jǝ́ maam gaatɛ nǝbkuumi.”
18Dʊʊm nǝbkǝlamɔ jǝbɔ nǝb mɛlalɨ diilɔ ja nyʊwa kɛl nɨɨ, nǝngɔ ja tǝl saatǝm gola nɨ jǝ jʌm gǝn nɛɨ, jǝ nyʊwa taal gǝnɔ lɛ, jʊ a bwɨɨ nǝb nɨ gwam a mʊrkaɨ ja ta kang a nyiyo nǝn mɛlatǝm gǝnɔ.
19Nǝn kwaamɨ, nǝngɔ Yesu a jel jǝbɔ bɛtɔ mɛlalɨ gǝnɔ a mʊgɔ tuulɔngɔ gǝmɨ.
Tɨya Dʌfeng Nɨ Yesu A Lagɨ A Swam
(Mat 21:20-22)
20Nǝn kumsʌl, jǝ shu lɛ nǝngɔ ja kuwo tɨya dʌfengɔ a swam a jʌng gǝnɨ. 21Bitrus a bʊʊla nǝngɔ a sʊwa Yesu gɔ, “Feyi, dʌng! Tɨya dʌfeng nɨ mʊ lagɨ, a swamǝm.”
22Yesu a jǝla ji gɔ, “Jǝ́ nǝ bɨlǝngkɛl nǝn Kwaama. 23N bɨlǝngkɛl mǝ sʊwa jen nɛɨ, na nǝl a nǝ bɨlǝngkɛl a daa Kwaama woi, jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ na ga kɨɨ bɔ nǝl a jʊ nɨ ga sʊwaɨ, na ga nǝ bɨlǝngkɛl gɔ maa maaɨ, jǝ maa gǝm maa. 24Gǝ na nyɔ mǝ sʊwa jen nɛ, jʊ nɨ gwam jǝ́ kela Kwaama a mʊgɔ keli, bɛ jǝ́ nǝ bɨlǝngkɛl jengɔ jǝ́ kwɛl jǝ́ nya nyaɨ, bwɨ bwɨ nyɔ. 25Kwama nɨ jǝ́ kelam keli lɛɨ, na jǝ́ ta kaa nǝl a nǝlɨ, jǝ́ kǝlǝm gǝm dɨsɔ Tɨya jen nɨ a dʌbʌli a kǝlǝm jem bwɨlangkɛltɨn jenɔ tʌjen. [26Na jǝ́ kǝlǝm bɨɨ, Tɨya jen nɨ a dʌbʌl kwamaɨ, mɨsɔ kǝlǝm jem bwɨlangkɛltɨn jenɔ lɛ.”]#11:26 Kaam bɛl mʊlalɨ galɨgɔ mɨ nǝn bɛ gola nɨ.
Jǝ Nyǝma Fɔlɔn Maajɨ Yesui Lɛ
(Mat 21:23-27; Luk 20:1-8)
27Ja yǝla ja bɛ a Urushalima tagɨ, Yesu kɛla lɛ a mʊgɔ Kan Kwaaman, nǝngɔ dʊʊm nǝbkǝlamɔ jǝbɔ nǝb mɛlalɨ diilɔ jǝbɔ nǝb dʊʊmɔ ja bɛ a daa gǝ woi. 28Ja bʌ gǝn gɔ, “N fɔlɔn woi mʊ maa jǝ laatǝm kang nɨ lɛ nǝnɨ? Nuwo a nǝ ń fɔlɔn nɨɨ?”
29Yesu a sʊwa ji gɔ, “Mǝ bʌ jen kɛl lɛ, jǝ́ jǝla ɨ, mǝ tǝmɨ mǝ sʊwa jen sʊwa fɔlɔn nʊ nɨ mǝ maam maajɨtɨn nɨ lɛɨ. 30Jǝ́ sʊwa ɨ, fɔlɔn yʊtǝm mwɛ sagsag Yohanaɨ a jel a daagɔ Kwaama woi ka? N daagɔ nǝfili woi ka?”
31Nǝngɔ jǝ sʊwaka lɛ a bʊtɔ ji daddad gɔ, “Na bǝ sʊwa bǝngɔ a jel a daa Kwaama woi, sʊwa sʊwa gɔ, ‘N wɛ a bwɨ jǝ́ nǝ bɔ bɨlǝngkɛl nǝn gɨɨ?’ 32Bǝ sʊwa bǝngɔ a jel a daagɔ nǝfili woi ka?” (Jǝ nyʊwa taal jʊ nɨ lɛ nǝbɔ maa jim lɛɨ, jʊ a bwɨɨ nǝbɔ a kwɛl a do gǝn gɔ, Yohana n nǝkuwotǝmkǝga.)
33Nǝngɔ ja jǝla Yesu gɔ, “Nǝn nyǝm bɔ.” Nǝngɔ Yesu a sʊwa ji gɔ, “Mǝ tǝmɨ mɨsɔ mǝ sʊwa jen fɔlɔn nʊ nɨ lɛ mǝ maam kanjǝl nɨ lɛ nǝnɨ.”
Terpilih Sekarang Ini:
Markus 11: DBD
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation
Markus 11
11
Yesu A Dɔ Urushalima
(Luk 19:28-40; Yoh 12:12-19)
1Ba jǝ dwama Urushalimagɔ lɛɨ, ja bɛ a tuulɔ Betafaji jǝbɔ Betanyaɨ, a dʌbʌl Yem Zaituni, nǝngɔ Yesu a twam bɛtɔ mɛlalɨ gǝnɔ yoi. 2A sʊwa ji gɔ, “Jǝ́ yɔ a bɛ tuulɔ nɨ a kǝga jeni. Na jǝ́ dɔ lɛɨ, jǝ́ kuwo kuwo bɛ lungsongɔ ja kwa kwaɨ, wʊnɨ mɨ nʊ nɨ a gwi gǝn woi. Jǝ́ kwɨ, jǝ́ bɛ nǝn. 3Na nǝl a bʌ jen gɔ, ‘Wɛ jǝ́ maa lɛ nyɨɨ?’ Jǝ́ sʊwa gǝn jengɔ, ‘Nǝn Tɛlalɔ swɨ lɛɨ, nǝn yǝla nǝn bɛ bɛ nǝn kǝngkɔ!’ ”
4Nǝngɔ ja shui, ya ja nya bɛ lungsongɔ kwalam a nyanga lɔng a kʌng golaɨ. Ja kwɨɨ, 5nǝb nɨ tɨm woi ja bʌ ji gɔ, “A maa nyǝn? Wɛ a bwɨ jǝ́ kwɨ lungsong nɨ lɛɨ?” 6Nǝngɔ ja gar jim dǝngdǝng kanga Yesu a sʊwa jii, nǝngɔ nǝb nɨ a bǝla ji ja shu nǝn lungsongi. 7Kwama ja bɛ Yesu gǝm nǝn lungsongi, ja matǝn bɛllɛtɨn jinɔ tʌgo a yɛɛ gǝnɔ gǝmɨ, nǝngɔ Yesu a gwii. 8Nǝbɔ a lada a ma dwangtɨn jinɔ a golaɨ, kaamɨ a tal langǝn wʊnɨ ja kaba a mʊgɔ kuuli. 9Nǝb nɨ a kǝgaɨ jǝbɔ nǝb nɨ a guli jǝ tal bwaalɨgɔ lɛ jǝ sʊwa lɛ gɔ,
“Bǝlátǝmɔ na a Kwaamaɨ!
Bwiligɔ na a nʊ nɨ bɛ lɛ
a mʊgɔ dun Tɛlalɔɨ!
10Bwiligɔ na a fɔlɔn lɔ tɛtɛ
bǝn Daudaɨ nɨ bɛ lɛɨ.
Bǝlátǝmɔ na a Kwaamaɨ
nɨ a dʌbʌli.”
11Yesu a dɔ Urushalimaɨ, nǝngɔ a dɔ Kan Kwaamanɔ a dʌng kanjǝlɔ gwamɨ. Nu kwamagɔ a kwɛl a lɛ, nǝngɔ a jel a shu a Betanya jǝbɔ bɛtɔ mɛlalɨ gǝnɨ.
Yesu A Lag Tɨya Dʌfengɔ
(Mat 21:18,19)
12Nǝn tǝmsɛlɨ jǝ bǝla Betanyagɔ lɛ nyɨɨ, jʊwanɔ a ta Yesu. 13A kuwo kaa tɨya dʌfeng a kǝgaɨ, nǝngɔ a yɔ gɔ kɛna gǝ nya lɛ nǝn tʊʊlɨ. Ya laɨ, a nya bɔ tʊʊl wo, n ka langǝn. N ke bɔ kwama tʊʊl dʌfeng. 14Nǝngɔ a sʊwa dʌfengɔ gɔ, “Ka kaa nǝl ya ja lɛ tʊʊl mʊnɔ wo tag!” Bɛtɔ mɛlalɨ gǝnɔ a nyʊwa jʊ nɨ a sʊwaɨ.
Yesu A Fɛka Kan Kwaamanɔ
(Mat 21:12-17; Luk 19:45-48; Yoh 2:13-22)
15Kwama ja yǝla ja bɛ a Urushalimaɨ, Yesu a dɔ Kan Kwaamanɔ a tǝl kaa nǝb miyotǝmɔ lɛ jǝbɔ nǝb tentǝmɔ woi. A tʊngam tebur nǝb nɨ fʌto kemʌn nɛɨ jǝbɔ kotere nǝb nɨ miyo baatitɨn nɛɨ. 16A kaa nǝbɔ gɔ ka ja shu lɛ nǝn kanjǝl miyotǝm a mʊgɔ talɨ Kan Kwaaman. 17A mɛla nǝbɔ gǝm gɔ, “A mʊla mʊlaɨ gɔ,
“ ‘Lɔ mǝndɨ jǝ jo gɔ
kan keli bǝlǝntǝmɨ gwam.’
A jenɔ jǝ́ do jǝ́ maam gaatɛ nǝbkuumi.”
18Dʊʊm nǝbkǝlamɔ jǝbɔ nǝb mɛlalɨ diilɔ ja nyʊwa kɛl nɨɨ, nǝngɔ ja tǝl saatǝm gola nɨ jǝ jʌm gǝn nɛɨ, jǝ nyʊwa taal gǝnɔ lɛ, jʊ a bwɨɨ nǝb nɨ gwam a mʊrkaɨ ja ta kang a nyiyo nǝn mɛlatǝm gǝnɔ.
19Nǝn kwaamɨ, nǝngɔ Yesu a jel jǝbɔ bɛtɔ mɛlalɨ gǝnɔ a mʊgɔ tuulɔngɔ gǝmɨ.
Tɨya Dʌfeng Nɨ Yesu A Lagɨ A Swam
(Mat 21:20-22)
20Nǝn kumsʌl, jǝ shu lɛ nǝngɔ ja kuwo tɨya dʌfengɔ a swam a jʌng gǝnɨ. 21Bitrus a bʊʊla nǝngɔ a sʊwa Yesu gɔ, “Feyi, dʌng! Tɨya dʌfeng nɨ mʊ lagɨ, a swamǝm.”
22Yesu a jǝla ji gɔ, “Jǝ́ nǝ bɨlǝngkɛl nǝn Kwaama. 23N bɨlǝngkɛl mǝ sʊwa jen nɛɨ, na nǝl a nǝ bɨlǝngkɛl a daa Kwaama woi, jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ na ga kɨɨ bɔ nǝl a jʊ nɨ ga sʊwaɨ, na ga nǝ bɨlǝngkɛl gɔ maa maaɨ, jǝ maa gǝm maa. 24Gǝ na nyɔ mǝ sʊwa jen nɛ, jʊ nɨ gwam jǝ́ kela Kwaama a mʊgɔ keli, bɛ jǝ́ nǝ bɨlǝngkɛl jengɔ jǝ́ kwɛl jǝ́ nya nyaɨ, bwɨ bwɨ nyɔ. 25Kwama nɨ jǝ́ kelam keli lɛɨ, na jǝ́ ta kaa nǝl a nǝlɨ, jǝ́ kǝlǝm gǝm dɨsɔ Tɨya jen nɨ a dʌbʌli a kǝlǝm jem bwɨlangkɛltɨn jenɔ tʌjen. [26Na jǝ́ kǝlǝm bɨɨ, Tɨya jen nɨ a dʌbʌl kwamaɨ, mɨsɔ kǝlǝm jem bwɨlangkɛltɨn jenɔ lɛ.”]#11:26 Kaam bɛl mʊlalɨ galɨgɔ mɨ nǝn bɛ gola nɨ.
Jǝ Nyǝma Fɔlɔn Maajɨ Yesui Lɛ
(Mat 21:23-27; Luk 20:1-8)
27Ja yǝla ja bɛ a Urushalima tagɨ, Yesu kɛla lɛ a mʊgɔ Kan Kwaaman, nǝngɔ dʊʊm nǝbkǝlamɔ jǝbɔ nǝb mɛlalɨ diilɔ jǝbɔ nǝb dʊʊmɔ ja bɛ a daa gǝ woi. 28Ja bʌ gǝn gɔ, “N fɔlɔn woi mʊ maa jǝ laatǝm kang nɨ lɛ nǝnɨ? Nuwo a nǝ ń fɔlɔn nɨɨ?”
29Yesu a sʊwa ji gɔ, “Mǝ bʌ jen kɛl lɛ, jǝ́ jǝla ɨ, mǝ tǝmɨ mǝ sʊwa jen sʊwa fɔlɔn nʊ nɨ mǝ maam maajɨtɨn nɨ lɛɨ. 30Jǝ́ sʊwa ɨ, fɔlɔn yʊtǝm mwɛ sagsag Yohanaɨ a jel a daagɔ Kwaama woi ka? N daagɔ nǝfili woi ka?”
31Nǝngɔ jǝ sʊwaka lɛ a bʊtɔ ji daddad gɔ, “Na bǝ sʊwa bǝngɔ a jel a daa Kwaama woi, sʊwa sʊwa gɔ, ‘N wɛ a bwɨ jǝ́ nǝ bɔ bɨlǝngkɛl nǝn gɨɨ?’ 32Bǝ sʊwa bǝngɔ a jel a daagɔ nǝfili woi ka?” (Jǝ nyʊwa taal jʊ nɨ lɛ nǝbɔ maa jim lɛɨ, jʊ a bwɨɨ nǝbɔ a kwɛl a do gǝn gɔ, Yohana n nǝkuwotǝmkǝga.)
33Nǝngɔ ja jǝla Yesu gɔ, “Nǝn nyǝm bɔ.” Nǝngɔ Yesu a sʊwa ji gɔ, “Mǝ tǝmɨ mɨsɔ mǝ sʊwa jen fɔlɔn nʊ nɨ lɛ mǝ maam kanjǝl nɨ lɛ nǝnɨ.”
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation