Markus 12
12
Mʊsǝn Kɛl A Dul Nǝb Nɨ A Yo Twam Fogfogi Ywatǝmɨ
(Mat 21:33-46; Luk 20:9-19)
1Yesu a ja kǝga sʊwa ji mʊsǝn kɛlɔ lɛ gɔ, “Kaa nǝl wo a kwal tɔtwam fogfogi, a kang nǝn kwalɨ, a wʊ bʊwa yamtǝm tʊʊl fogfogigɔ. A fɛ sǝlɨgɔ a deba nyɔ na dʌngtǝm tɔtwam. Nǝngɔ a nǝ kaam nǝb gɔ ya ja jʊng lɛɨ, nǝngɔ a shu a kaa tǝmɨ. 2Kwama kwasatǝmɔ a laɨ, nǝngɔ a twam bwɛ jwaalɛ gǝnɔ gɔ ya yo gǝm tʊʊl fogfogi tɔtwamɔ. 3Nǝngɔ nǝb nɨ a yo twam ywatǝmɨ, ja ta gǝn, ja bʊg gǝnɨ, ja ywa gǝn kangɔ kwakwaɨ. 4Nǝngɔ a yǝla twam kaa bwɛ jwaalɛ gǝnɨ, nǝngɔ ja bʊg gǝn a dul, ja nǝ gǝn gaalanɨ. 5A yǝla a twam kaaɨ, nǝngɔ nǝb nɨ a yo twam ywatǝmɨ a jʌ gǝnɨ. A twam kaamɨ a lada nyɔ, nǝngɔ ja bʊg kaamɨ, ja jʌbo kaamɨ.
6“A bǝla kaa nǝl wo win swar, bʊla gɔ, wʊnɨ gǝ swɨ lɛɨ. N nʊ a twam nǝn gul a daa ji woi gɔ, ‘Jǝ nǝ nǝ bʊla mɨ dʊʊn.’
7“Nǝb nɨ a yo twam ywatǝmɨ a sʊwaka a bʊtɔ jin gɔ, ‘Nǝ wɔɔtǝm kʊla twamɔ n wɔ, bǝ jʌm gǝn sǝ kʊlagɔ a yǝlam a bǝn.’ 8Nǝngɔ ja ta gǝn, ja jʌ gǝnɨ, ja ma bʌlʌn gǝnɔ a gul kwalɨ tɔtwamɨ.”
9Yesu a bʌ ji gɔ, “N wɛ nǝ tɔtwam nɨ ba maa lɛ nǝn nǝb nɨɨ? Bɛ ba jʌbo jʌbo nǝb nɨ a yo twam ywatǝmɨ sǝ a nǝ kaamɨ. 10Jǝ́ kiyo bɔ wo a mʊlalɨ kɛl Kwaamaɨ ka? Wʊnɨ sʊwa lɛ gɔ,
“ ‘Tɛl nɨ nǝb mɔtǝm kanɔ a kɔɨ,
nǝn gɔ a yǝlam tɛl fʌlʌm kanɨ.
11Jʊ nɨ n maatǝm Tɛlalɔɨ,
n jǝ laatǝm kang
a daa bǝn woi.’ ”
12Dʊʊm Yahudawagɔ a nyǝm gǝ sʊwa mʊsǝn kɛl nɨ a dul jii, nǝngɔ ja saa gola nɨ lɛ jǝ tam gǝn nɛɨ. Jǝ nyʊwa taal nǝbɨɨ lɛ, nǝngɔ ja bǝla gǝn a shui.
Bʌtʌm Kɛl A Dul Ywatǝm Kemʌn Tǝm
(Mat 22:15-22; Luk 20:20-26)
13Ja yɨmtǝnɨ, nǝngɔ ja twam kaam nǝbɔ Farisaɨ jǝbɔ nǝbam Hiridusi, sǝ ja shi gǝm kwalɨ a kɛl nɨ ga sʊwaɨ. 14Ja bɛɨ, nǝngɔ ja sʊwa gǝn gɔ, “Feyi, nǝn nyǝm mʊ nǝ bɨlǝngkɛl, nǝbɔ gwam win a daa mʊ woi. Mʊ do bɔ kaa nǝl a la kaa wo, mʊ mɛla gola Kwaamaɨ lɛ a mʊgɔ bɨlǝngkɛl. Mʊ kuwo lɛ n dǝngdǝng bǝ ywa Kaisar kemʌn tǝm ka? N ke bɔ dǝngdǝng ka? 15Bǝ ywa ka? Ka bǝ ywa lɛ ka?”
Yesu a nyǝm fento jinɔ, nǝngɔ a sʊwa ji gɔ, “N wɛ a bwɨ jǝ́ shi mɨ kwalɨ lɛɨ? Jǝ́ bɛ mɨ nǝn kemʌnɔ jǝ́ ywam kemʌn tǝm lɛɨ n kuwo.” 16Nǝngɔ ja bɛ gǝm nǝnɨ, nǝngɔ a bʌ ji gɔ, “Duuli nɨ jǝbɔ dun nɨ na a woi?” Nǝngɔ ja sʊwa gǝn gɔ, “Na a Kaisarɨ.”
17Nǝngɔ Yesu a sʊwa ji gɔ, “Jǝ́ nǝ Kaisar jʊ nɨ na a Kaisarɨ, jǝ́ nǝ Kwaama jʊ nɨ na a Kwaamaɨ.” Nǝngɔ ja ta kang a nyiyo a kɛl nɨ a garɨ.
Bʌtʌm Kɛl A Dul Guntǝm A Bwaa
(Mat 22:23-33; Luk 20:27-40)
18Kaam nǝbɔ Sadukiyaɨ a bɛ a daa Yesu woi, nǝji jǝ sʊwa lɛ gɔ, mɨ guntǝm wo a bwaaɨ. Nǝngɔ ja bʌ gǝn gɔ, 19“Feyi, Musa a mʊla bǝm gɔ, na nǝl a bʊla, a bǝla nɔɔlɨ mɨ nǝn bwɛɨ, bɛ kɨla gɔ a naa nɔɔlɨ gɔ sǝ a bʌ kɨla gɔ gǝm bwɛ. 20Kaam kɛb batǝn wo jǝ nʌbʌl. Bwɛ tɨkǝgagɔ a naa nɔɔlɨ, nǝngɔ a bʊlaɨ, a bʌ bɔ bwɛ. 21Na yogɔ a naa tǝgǝn a bʊla mɨ bwɛ wo, na taalɔ a na nyɔ tǝgǝn. 22Gwam jinɔ nɨ nʌbʌl ja naa gǝnɨ ja bʊlala. Mɨ nʊ nɨ wo a bʌ bwɛ jǝbɔ gɨɨ. A gulɔ gǝmɨ nɔɔlɨgɔ a bʊla. 23A kɔkɔ guntǝmɔ a bwaaɨ, yǝlam nwala woi a kʊm jin? N wɔ gwam jinɔ nʌbʌli ja naa gǝn wo.”
24Yesu a sʊwa ji gɔ, “Bʊʊlalɨ jenɔ mɨ dǝngdǝng, jʊ a bwɨɨ jǝ́ nyǝm bɔ mʊlalɨ kɛl Kwaamaɨ wo, jǝ́ nyǝm bɔ kwaan Kwaamaɨ wo tag. 25Kwama guntǝmɔ a bwaaɨ, mɨ naakan wo, mɨsɔ jǝ nǝ naakan nɛ, nǝbɔ yǝlam na bɛtɔ twama Kwaamaɨ a dʌbʌl. 26A dul kɛl guntǝm a bwaaɨ, jǝ́ kiyo bɔ wo a langǝn bwangǝn Musaɨ jʊ Kwaama a sʊwa gǝn a fulon kɛl kʊm tɨya yʌbigɔ ta kǝla lɛɨ gɔ, ‘Nǝmǝ mǝ Kwaama Ibrahimi, jǝbɔ Kwaama Ishakui jǝbɔ Kwaama Yakubui’ ka? 27Gǝ ke bɔ Kwaama nǝb nɨ a bʊla bʊlaɨ, gǝ Kwaama nǝb nɨ nǝn kʊlɨɨ. Jǝ́ maa bɔ dǝngdǝng dangǝn!”
Diil Nɨ A Laa Tangǝnɔ Dʊʊnɨ
(Mat 22:34-40; Luk 10:25-28)
28Kaa nǝ mɛlalɨ diilɔ ba nyʊwa jǝ bǝngka kɛl lɛ a bʊtɔ ji. A kuwo Yesu a gar jim kɛl nyanɨ, nǝngɔ a bʌ gǝn gɔ, “N diil won a laa ji gwamɨ?”
29Yesu a jǝla gǝn gɔ, “Nʊ a laa ji gwamɨ nǝn gɔ, ‘Nǝbɔ Israilaɨ jǝ́ nyʊwa, Tɛlalɔ Kwaama bǝn, n Tɛlalɔ win. 30Bɛ ń swɨ Tɛlalɔ Kwaama mʊnɔ nǝn nǝl mʊnɔ gwam, nǝn dʊʊmɨ mʊnɔ gwam, nǝn bʊʊlalɨ mʊnɔ gwam, nǝn kwaan mʊnɔ gwam.’ 31A yogɔ nǝn gɔ, ‘Swɨ fwalɨ yɨm mʊnɔ kanga mʊ swɨm dul mʊnɔ lɛɨ.’ Mɨ diil nɨ wo a laa nǝb nɨ dʊʊnɨ.”
32Nǝngɔ nǝ mɛlalɨ diilɔ a sʊwa Yesu gɔ, “Dǝngdǝng mʊ sʊwaɨ feyi, Tɛlalɔ Kwaama win, mɨ kaa wo na ke bɔ gɨɨ. 33Bɛ ń swɨ gǝn nǝn nǝl mʊnɔ gwam, jǝbɔ bʊʊlalɨ mʊnɔ gwam, jǝbɔ kwaan mʊnɔ gwam, swɨ fwalɨ yɨm mʊnɔ kanga mʊ swɨm dul mʊnɔ lɛɨ, a laa tǝlatǝm twama jǝbɔ twɨtǝm yulʌn.”
34Yesu a kuwo kanga a jǝla kɛlɔ nǝn yʊlanɨ, nǝngɔ a sʊwa gǝn gɔ, “Mʊ kʊta bɔ a fɔlɔn lɔ Kwaamaɨ gǝm.” A gulɔ gǝmɨ mɨ nʊ nɨ a nya kwaan bʊtɔ a bʌ gǝn kaa kɛlɨ.
Bʌtʌm Kɛl A Dul Kiristii
(Mat 22:41-46; Luk 20:41-44)
35Nǝn kwama Yesu maam mɛlalɨ lɛ a Kan Kwaamanɨ, nǝngɔ a bʌ ji gɔ, “N wɛ a dǝg nǝb mɛlalɨ diilɔ a sʊwa gɔ, Kiristi nǝn bʊla Daudaɨ? 36Dauda nǝn kang gǝn, nǝn kwaan Yʊwa Kwaamaɨ a sʊwa gɔ,
“ ‘Tɛlalɔ a sʊwa Tɛlalɔ mɨ gɔ,
“Yɨ fɔ a kang jajǝng mɨ,
ba la nǝn kwama nɨ
mǝ ya ń nɛ a dul
fatǝm kiim mʊnɨ.” ’
37Dauda nǝn kang gǝn a jo gǝn gɔ ‘Tɛlalɔ.’ A maa nyǝn la a yǝlam bʊla gɨɨ?”
Nǝbɔ a nyʊwa kɛl nɨ nyɔ a nyiyo Yesui, ja nyʊwa lǝma.
Yesu A Jǝg Duul Nǝb Mɛlalɨ Diilɔ
(Mat 23:1-36; Luk 11:37-54)
38A mʊgɔ mɛlalɨ gǝnɔ gǝm, a sʊwa ji gɔ, “Bɛ jǝ́ nyǝm nǝb mɛlalɨ diilɔ, jǝ swɨ maltǝm bɛllɛ dʊʊntɨn sǝ ya ja bola lɛ nǝn, jǝ swɨ lɛ ya ja yal ji lɛ a gamdʌbo. 39Jǝ swɨ lɛ ya ja yɨ lɛ a daa yɨm nyan a kantɨn mɛlalɨ, jǝbɔ daa yɨm nyan a lɔ kangwaal. 40N nǝbɔ ja kʊla nɔɔtǝmkʊlabɨ lɛɨ. Jǝ maa keligɔ a som nyɔ sǝ nǝbɔ a sʊwa gɔ jǝ nǝb sagsag. N nǝbɔ jǝ mwɛ ji lɛ a bʊwa, a shiloi.”
Nǝtǝm Kemʌn Nɔɔkʊlagɨɨ
(Luk 21:1-4)
41Yesu yǝm a mʊgɔ Kan Kwaaman a daa nɨ jǝ talǝm kemʌn nɛɨ, dʌng nǝbɔ lɛ kanga jǝ talǝm kemʌnɔ lɛ a kʌshi yotǝm kemʌni. Kaam nǝb shilogɔ a lada tal kemʌnɔ lɛ a lada. 42Nǝngɔ a kuwo kaa nɔɔkʊla nǝ bʊnǝn ba tal kemʌn sǝlǝnɔ yoi.
43Nǝngɔ Yesu a jo bɛtɔ mɛlalɨ gǝnɔ a sʊwa ji gɔ, “Bɨlǝngkɛl mǝ sʊwa jen nɛɨ, jʊ nɨ nɔɔkʊla nǝ bʊnǝn nɨ a mal a kʌshi yotǝm kemʌni, a laa a tangǝn nǝbɨɨ gwam. 44Gwam jinɔ ja nǝ a mʊgɔ jʊ nɨ jǝ nǝn a ladaɨ. Nɔɔlɨ nɨ a nǝ a mʊgɔ bʊnǝn gǝn, a nǝ jʊ nɨ gǝ nǝngǝn gwamɨ, jǝbɔ kanjǝl nɨ a yam nǝl gwamɨ.”
Terpilih Sekarang Ini:
Markus 12: DBD
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation
Markus 12
12
Mʊsǝn Kɛl A Dul Nǝb Nɨ A Yo Twam Fogfogi Ywatǝmɨ
(Mat 21:33-46; Luk 20:9-19)
1Yesu a ja kǝga sʊwa ji mʊsǝn kɛlɔ lɛ gɔ, “Kaa nǝl wo a kwal tɔtwam fogfogi, a kang nǝn kwalɨ, a wʊ bʊwa yamtǝm tʊʊl fogfogigɔ. A fɛ sǝlɨgɔ a deba nyɔ na dʌngtǝm tɔtwam. Nǝngɔ a nǝ kaam nǝb gɔ ya ja jʊng lɛɨ, nǝngɔ a shu a kaa tǝmɨ. 2Kwama kwasatǝmɔ a laɨ, nǝngɔ a twam bwɛ jwaalɛ gǝnɔ gɔ ya yo gǝm tʊʊl fogfogi tɔtwamɔ. 3Nǝngɔ nǝb nɨ a yo twam ywatǝmɨ, ja ta gǝn, ja bʊg gǝnɨ, ja ywa gǝn kangɔ kwakwaɨ. 4Nǝngɔ a yǝla twam kaa bwɛ jwaalɛ gǝnɨ, nǝngɔ ja bʊg gǝn a dul, ja nǝ gǝn gaalanɨ. 5A yǝla a twam kaaɨ, nǝngɔ nǝb nɨ a yo twam ywatǝmɨ a jʌ gǝnɨ. A twam kaamɨ a lada nyɔ, nǝngɔ ja bʊg kaamɨ, ja jʌbo kaamɨ.
6“A bǝla kaa nǝl wo win swar, bʊla gɔ, wʊnɨ gǝ swɨ lɛɨ. N nʊ a twam nǝn gul a daa ji woi gɔ, ‘Jǝ nǝ nǝ bʊla mɨ dʊʊn.’
7“Nǝb nɨ a yo twam ywatǝmɨ a sʊwaka a bʊtɔ jin gɔ, ‘Nǝ wɔɔtǝm kʊla twamɔ n wɔ, bǝ jʌm gǝn sǝ kʊlagɔ a yǝlam a bǝn.’ 8Nǝngɔ ja ta gǝn, ja jʌ gǝnɨ, ja ma bʌlʌn gǝnɔ a gul kwalɨ tɔtwamɨ.”
9Yesu a bʌ ji gɔ, “N wɛ nǝ tɔtwam nɨ ba maa lɛ nǝn nǝb nɨɨ? Bɛ ba jʌbo jʌbo nǝb nɨ a yo twam ywatǝmɨ sǝ a nǝ kaamɨ. 10Jǝ́ kiyo bɔ wo a mʊlalɨ kɛl Kwaamaɨ ka? Wʊnɨ sʊwa lɛ gɔ,
“ ‘Tɛl nɨ nǝb mɔtǝm kanɔ a kɔɨ,
nǝn gɔ a yǝlam tɛl fʌlʌm kanɨ.
11Jʊ nɨ n maatǝm Tɛlalɔɨ,
n jǝ laatǝm kang
a daa bǝn woi.’ ”
12Dʊʊm Yahudawagɔ a nyǝm gǝ sʊwa mʊsǝn kɛl nɨ a dul jii, nǝngɔ ja saa gola nɨ lɛ jǝ tam gǝn nɛɨ. Jǝ nyʊwa taal nǝbɨɨ lɛ, nǝngɔ ja bǝla gǝn a shui.
Bʌtʌm Kɛl A Dul Ywatǝm Kemʌn Tǝm
(Mat 22:15-22; Luk 20:20-26)
13Ja yɨmtǝnɨ, nǝngɔ ja twam kaam nǝbɔ Farisaɨ jǝbɔ nǝbam Hiridusi, sǝ ja shi gǝm kwalɨ a kɛl nɨ ga sʊwaɨ. 14Ja bɛɨ, nǝngɔ ja sʊwa gǝn gɔ, “Feyi, nǝn nyǝm mʊ nǝ bɨlǝngkɛl, nǝbɔ gwam win a daa mʊ woi. Mʊ do bɔ kaa nǝl a la kaa wo, mʊ mɛla gola Kwaamaɨ lɛ a mʊgɔ bɨlǝngkɛl. Mʊ kuwo lɛ n dǝngdǝng bǝ ywa Kaisar kemʌn tǝm ka? N ke bɔ dǝngdǝng ka? 15Bǝ ywa ka? Ka bǝ ywa lɛ ka?”
Yesu a nyǝm fento jinɔ, nǝngɔ a sʊwa ji gɔ, “N wɛ a bwɨ jǝ́ shi mɨ kwalɨ lɛɨ? Jǝ́ bɛ mɨ nǝn kemʌnɔ jǝ́ ywam kemʌn tǝm lɛɨ n kuwo.” 16Nǝngɔ ja bɛ gǝm nǝnɨ, nǝngɔ a bʌ ji gɔ, “Duuli nɨ jǝbɔ dun nɨ na a woi?” Nǝngɔ ja sʊwa gǝn gɔ, “Na a Kaisarɨ.”
17Nǝngɔ Yesu a sʊwa ji gɔ, “Jǝ́ nǝ Kaisar jʊ nɨ na a Kaisarɨ, jǝ́ nǝ Kwaama jʊ nɨ na a Kwaamaɨ.” Nǝngɔ ja ta kang a nyiyo a kɛl nɨ a garɨ.
Bʌtʌm Kɛl A Dul Guntǝm A Bwaa
(Mat 22:23-33; Luk 20:27-40)
18Kaam nǝbɔ Sadukiyaɨ a bɛ a daa Yesu woi, nǝji jǝ sʊwa lɛ gɔ, mɨ guntǝm wo a bwaaɨ. Nǝngɔ ja bʌ gǝn gɔ, 19“Feyi, Musa a mʊla bǝm gɔ, na nǝl a bʊla, a bǝla nɔɔlɨ mɨ nǝn bwɛɨ, bɛ kɨla gɔ a naa nɔɔlɨ gɔ sǝ a bʌ kɨla gɔ gǝm bwɛ. 20Kaam kɛb batǝn wo jǝ nʌbʌl. Bwɛ tɨkǝgagɔ a naa nɔɔlɨ, nǝngɔ a bʊlaɨ, a bʌ bɔ bwɛ. 21Na yogɔ a naa tǝgǝn a bʊla mɨ bwɛ wo, na taalɔ a na nyɔ tǝgǝn. 22Gwam jinɔ nɨ nʌbʌl ja naa gǝnɨ ja bʊlala. Mɨ nʊ nɨ wo a bʌ bwɛ jǝbɔ gɨɨ. A gulɔ gǝmɨ nɔɔlɨgɔ a bʊla. 23A kɔkɔ guntǝmɔ a bwaaɨ, yǝlam nwala woi a kʊm jin? N wɔ gwam jinɔ nʌbʌli ja naa gǝn wo.”
24Yesu a sʊwa ji gɔ, “Bʊʊlalɨ jenɔ mɨ dǝngdǝng, jʊ a bwɨɨ jǝ́ nyǝm bɔ mʊlalɨ kɛl Kwaamaɨ wo, jǝ́ nyǝm bɔ kwaan Kwaamaɨ wo tag. 25Kwama guntǝmɔ a bwaaɨ, mɨ naakan wo, mɨsɔ jǝ nǝ naakan nɛ, nǝbɔ yǝlam na bɛtɔ twama Kwaamaɨ a dʌbʌl. 26A dul kɛl guntǝm a bwaaɨ, jǝ́ kiyo bɔ wo a langǝn bwangǝn Musaɨ jʊ Kwaama a sʊwa gǝn a fulon kɛl kʊm tɨya yʌbigɔ ta kǝla lɛɨ gɔ, ‘Nǝmǝ mǝ Kwaama Ibrahimi, jǝbɔ Kwaama Ishakui jǝbɔ Kwaama Yakubui’ ka? 27Gǝ ke bɔ Kwaama nǝb nɨ a bʊla bʊlaɨ, gǝ Kwaama nǝb nɨ nǝn kʊlɨɨ. Jǝ́ maa bɔ dǝngdǝng dangǝn!”
Diil Nɨ A Laa Tangǝnɔ Dʊʊnɨ
(Mat 22:34-40; Luk 10:25-28)
28Kaa nǝ mɛlalɨ diilɔ ba nyʊwa jǝ bǝngka kɛl lɛ a bʊtɔ ji. A kuwo Yesu a gar jim kɛl nyanɨ, nǝngɔ a bʌ gǝn gɔ, “N diil won a laa ji gwamɨ?”
29Yesu a jǝla gǝn gɔ, “Nʊ a laa ji gwamɨ nǝn gɔ, ‘Nǝbɔ Israilaɨ jǝ́ nyʊwa, Tɛlalɔ Kwaama bǝn, n Tɛlalɔ win. 30Bɛ ń swɨ Tɛlalɔ Kwaama mʊnɔ nǝn nǝl mʊnɔ gwam, nǝn dʊʊmɨ mʊnɔ gwam, nǝn bʊʊlalɨ mʊnɔ gwam, nǝn kwaan mʊnɔ gwam.’ 31A yogɔ nǝn gɔ, ‘Swɨ fwalɨ yɨm mʊnɔ kanga mʊ swɨm dul mʊnɔ lɛɨ.’ Mɨ diil nɨ wo a laa nǝb nɨ dʊʊnɨ.”
32Nǝngɔ nǝ mɛlalɨ diilɔ a sʊwa Yesu gɔ, “Dǝngdǝng mʊ sʊwaɨ feyi, Tɛlalɔ Kwaama win, mɨ kaa wo na ke bɔ gɨɨ. 33Bɛ ń swɨ gǝn nǝn nǝl mʊnɔ gwam, jǝbɔ bʊʊlalɨ mʊnɔ gwam, jǝbɔ kwaan mʊnɔ gwam, swɨ fwalɨ yɨm mʊnɔ kanga mʊ swɨm dul mʊnɔ lɛɨ, a laa tǝlatǝm twama jǝbɔ twɨtǝm yulʌn.”
34Yesu a kuwo kanga a jǝla kɛlɔ nǝn yʊlanɨ, nǝngɔ a sʊwa gǝn gɔ, “Mʊ kʊta bɔ a fɔlɔn lɔ Kwaamaɨ gǝm.” A gulɔ gǝmɨ mɨ nʊ nɨ a nya kwaan bʊtɔ a bʌ gǝn kaa kɛlɨ.
Bʌtʌm Kɛl A Dul Kiristii
(Mat 22:41-46; Luk 20:41-44)
35Nǝn kwama Yesu maam mɛlalɨ lɛ a Kan Kwaamanɨ, nǝngɔ a bʌ ji gɔ, “N wɛ a dǝg nǝb mɛlalɨ diilɔ a sʊwa gɔ, Kiristi nǝn bʊla Daudaɨ? 36Dauda nǝn kang gǝn, nǝn kwaan Yʊwa Kwaamaɨ a sʊwa gɔ,
“ ‘Tɛlalɔ a sʊwa Tɛlalɔ mɨ gɔ,
“Yɨ fɔ a kang jajǝng mɨ,
ba la nǝn kwama nɨ
mǝ ya ń nɛ a dul
fatǝm kiim mʊnɨ.” ’
37Dauda nǝn kang gǝn a jo gǝn gɔ ‘Tɛlalɔ.’ A maa nyǝn la a yǝlam bʊla gɨɨ?”
Nǝbɔ a nyʊwa kɛl nɨ nyɔ a nyiyo Yesui, ja nyʊwa lǝma.
Yesu A Jǝg Duul Nǝb Mɛlalɨ Diilɔ
(Mat 23:1-36; Luk 11:37-54)
38A mʊgɔ mɛlalɨ gǝnɔ gǝm, a sʊwa ji gɔ, “Bɛ jǝ́ nyǝm nǝb mɛlalɨ diilɔ, jǝ swɨ maltǝm bɛllɛ dʊʊntɨn sǝ ya ja bola lɛ nǝn, jǝ swɨ lɛ ya ja yal ji lɛ a gamdʌbo. 39Jǝ swɨ lɛ ya ja yɨ lɛ a daa yɨm nyan a kantɨn mɛlalɨ, jǝbɔ daa yɨm nyan a lɔ kangwaal. 40N nǝbɔ ja kʊla nɔɔtǝmkʊlabɨ lɛɨ. Jǝ maa keligɔ a som nyɔ sǝ nǝbɔ a sʊwa gɔ jǝ nǝb sagsag. N nǝbɔ jǝ mwɛ ji lɛ a bʊwa, a shiloi.”
Nǝtǝm Kemʌn Nɔɔkʊlagɨɨ
(Luk 21:1-4)
41Yesu yǝm a mʊgɔ Kan Kwaaman a daa nɨ jǝ talǝm kemʌn nɛɨ, dʌng nǝbɔ lɛ kanga jǝ talǝm kemʌnɔ lɛ a kʌshi yotǝm kemʌni. Kaam nǝb shilogɔ a lada tal kemʌnɔ lɛ a lada. 42Nǝngɔ a kuwo kaa nɔɔkʊla nǝ bʊnǝn ba tal kemʌn sǝlǝnɔ yoi.
43Nǝngɔ Yesu a jo bɛtɔ mɛlalɨ gǝnɔ a sʊwa ji gɔ, “Bɨlǝngkɛl mǝ sʊwa jen nɛɨ, jʊ nɨ nɔɔkʊla nǝ bʊnǝn nɨ a mal a kʌshi yotǝm kemʌni, a laa a tangǝn nǝbɨɨ gwam. 44Gwam jinɔ ja nǝ a mʊgɔ jʊ nɨ jǝ nǝn a ladaɨ. Nɔɔlɨ nɨ a nǝ a mʊgɔ bʊnǝn gǝn, a nǝ jʊ nɨ gǝ nǝngǝn gwamɨ, jǝbɔ kanjǝl nɨ a yam nǝl gwamɨ.”
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation