Markus 13
13
Yesu A Sʊwa Kʌbotǝm Nɨ Nya Kan Kwaamanɔ Lɛɨ
(Mat 24:1,2; Luk 21:5,6)
1Yesu jel lɛ a mʊgɔ Kan Kwaaman, nǝngɔ kaa win a mʊgɔ bɛtɔ mɛlalɨ gǝnɔ gǝm a sʊwa gǝn gɔ, “Feyi, dʌng daltɔ tatǝn nɨ jǝbɔ lɔtɨn nɨ a bʊma nyɔ nǝbɔ a mɔbaɨ!”
2Nǝngɔ Yesu a sʊwa gǝn gɔ, “Ń kuwo daltɔ lɔtɨn nɨ ja mɔbaɨ? Mɨsɔ jǝ bǝla kaa tɛl lɛ win a dʌbʌl kaa tɛl. Jǝ kʌbʌm kʌbʌm gwam!”
Tǝltǝm Nɔɔtǝm Gaalantɨnɔ
(Mat 24:3-14; Luk 21:7-19)
3Yesu a bǝla Kan Kwaamanɔ ba yǝm a dʌbʌl tuli Yem Zaitun wʊnɨ dʌng kǝga Kan Kwaamanɔ lɛɨ. Nǝngɔ Bitrus jǝbɔ Yakubu jǝbɔ Yohana jǝbɔ Andarawas ba ja bʌ gǝn daddad gɔ, 4“Sʊwa nǝn, kanjǝl nɨ bwɨ fɨyang? N wɛ yǝlam jǝ nʊngtǝm lɛ gɔ kanjǝl nɨ bwɨ bwɨ mɨsɔ kʊta lɛɨ?”
5Nǝngɔ Yesu a tǝl sʊwa ji lɛ gɔ, “Bɛ jǝ́ nyǝm, kage kaa nǝl a swag jen. 6Nǝbɔ a lada na bɛ lɛ a mʊgɔ dun mɨɨ, sʊwa lɛ gɔ, ‘Mǝ nǝn gɔ.’ Jǝ swag swag nǝbɔ a lada. 7Na jǝ́ nyʊwa kɛl tatǝm kun jǝbɔ fulon kuni, ka jǝ́ nyʊwa lɛ taal. Kanjǝl nɨ bwɨ bwɨ nyɔ, dɨltǝmɔ lǝga bɔ a la dɨn. 8Bǝlǝntǝmɔ tabka tabka kun. Fɔlɔntɨnɔ gabka gabka kɨlan. Jǝ maa maa jʊwan bwɨla jǝbɔ mǝgatǝm tǝm a daatɨnɔ gǝm a lada. Wʊnɨ nǝn gɔ tǝltǝm gaalanɔ dɨnɨ.
9“Bɛ jǝ́ ta dul jenɔ. Jǝ yɔ yɔ nǝn jen a kǝga nǝb dʊʊm koteregɨɨ. Jǝ bʊg jen bʊg a kantɨn mɛlalɨ. Jǝ yɔ yɔ nǝn jen a kǝga bǝ gwamnaɨ jǝbɔ fɔlɔlɔmɔ a kɛl dul mɨ, sǝ jǝ́ nǝ nyiyo a dul mɨ a kǝga jin. 10Dɨltǝm tǝmɔ mɨsɔ bwɨ lɛ, na ja kiyo bɔ bǝlǝntǝmɔ gǝm gwam fulon kɛl lǝmɨgɨɨ. 11Na ja ta jen ja yɔ nǝn jen a kan borangɨ, ka jǝ́ kom lɛ dul jenɔ jengɔ n wɛ jǝ́ gar jim lɛɨ, gwam jʊ nɨ Kwaama a nʊng jeni n jʊ jǝ́ sʊwa lɛ a kwama gɨɨ. N ke bɔ jen jǝ́ gar kɛlɔ lɛɨ, n Yʊwa Kwaamaɨ gar lɛɨ.
12“Kɛ lungto lungto kɨla gɔ ja jʌ, tɛ lungto lungto bʊla gɔ, bɛtɨ gun gun tʌgo a tɛtǝlam jinɔ gǝm, ja jʌ ji. 13Nǝbɔ kɔ jen kɔ a kɛl dul mɨ. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.
Gʌtǝm Bwɨla
(Mat 24:15-28; Luk 21:20-24)
14“Kwama jǝ́ kuwo ‘ja maa jǝ bwɨla wʊnɨ a bʊm bɔ kuwotǝmɨ’ tɨm a daa nɨ a bʊm bɔ ja kuwo gǝn woi,#13:14 Daa nɨ gǝ nʊng Kan Kwaamanɔ. wʊnɨ bɛ lɛ nǝn kaltǝmɨ, (nǝ kiyotǝmɔ bɛ ga nyǝm), bɛ nǝb nɨ a mʊgɔ Yahudiyaɨ ja mwal ja yɔ a mʊgɔ yemtɨn. 15Nʊ nɨ a dul kanɨ ka ga gǝla lɛ gɔ gǝ do kaa jǝl a mʊgɔ lɔ. 16Nʊ nɨ a mʊgɔ tɔtwamɨ ka ga yǝla lɛ gɔ gǝ do dwang kwabtǝm gǝn. 17N mwɛ jen jǝ́ nɔɔtǝm nɨ nǝn fʌli jǝbɔ nɔɔtǝm nabwɛmɔ nǝn kwama gɔ. 18Bɛ jǝ́ maa keli ka jʊ nɨ ya bwɨ lɛ nǝn shena. 19Nǝn kwama gɔ, jǝ maa maa gaalan bwɨla wʊnɨ nǝbɔ a kuwo bɔ woi nǝn jʊ a ta nǝn kwama Kwaama a fwalǝm yooligɔ ba la nǝn kǝngkɨɨ. Kanjǝl bwɨla nɨ a jelka a wʊnɨ mɨsɔ bwɨ lɛ wo tag. 20Na na Tɛlalɔ a biyom bɔ kumtɨnɨ, na mɨ nǝfili nɨ wo bʊʊ lɛɨ. N bʊnatǝm nǝb nɨ ga jǝgǝmɨ nǝngɔ a biyom kumtɨnɨ.
21“Nǝn kwama gɔ, na nǝl a sʊwa jen gɔ, ‘Jǝ́ dʌng, Kiristi n wɔ, jǝ́ dʌng, n wuleni,’ bɛ ka jǝ́ jǝla lɛ. 22Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ. 23A dul kɛl nɨɨ, bɛ jǝ́ nyǝm! N kwɛl n sʊwa jen sǝla kanjǝl nɨ a bwɨ.
Bɛtǝm Bʊla Nǝlɨ
(Mat 24:29-31)
24“A kwama gaalan nɨ bɛm lɛ ba shui,
“ ‘Nu kwamagɔ mɨsɔ fulo lɛ.
Bwaalagɔ tǝgǝn mɨsɔ fulo lɛ.
25Nyanyamɨtɨnɔ jǝ gǝlala
a dʌbʌl kwama sǝ ja tǝla.
Jǝ mǝg mǝg kanjǝl dʊʊntɨn nɨ
a dʌbʌl kwamaɨ.’
26“A kwama gɔ nǝfitʌmɔ kuwo kuwo Bʊla Nǝlɨ bɛ lɛ a mʊgɔ lul nǝn kwaan fɔlɔn gǝnɔ jǝbɔ dʊʊlǝn gǝnɔ. 27Twam twam bɛtɔ twama Kwaamaɨ sǝ a mʊr nǝb nɨ ga jǝgam ji a twalɨ, jǝbɔ a diyengɔ, jǝbɔ a gǝlalangɔ, jǝbɔ a gwilʌngɔ. Jʊ a ta a daa tǝmɔ a dɨlǝmɨ a yɔ nǝn a daa dʌbʌl kwamagɔ ya dɨlǝmɨ.
Mɛlatǝm Nǝn Tɨya Dʌfeng
(Mat 24:32-35)
28“Bɛ jǝ́ mɛla kaa jǝl nǝn tɨya dʌfengɔ. Na kangtɨn gǝnɔ a tǝl to langǝn fɨgɔ lɛɨ, jǝ́ nyǝm shenagɔ a dwama. 29Gǝ na nyɔ tag, na jǝ́ kuwo kanjǝl nɨ bwɨ lɛɨ, bɛ jǝ́ nyǝm a dwama, tɨm a nyanga kan. 30N bɨlǝngkɛl mǝ sʊwa jen nɛɨ, nǝbɔ kal nɨɨ mɨsɔ jǝ bʊla lɛ, na kanjǝl nɨ gwam a bwɨ bɨɨ. 31Dʌbʌlɔ jǝbɔ tǝmɔ dɨ dɨ. Kɛl mǝndɨ mɨsɔ dɨ lɛ wo.
Mɨ Nǝn Nʊ Nɨ A Nyǝm Kum Bɛtǝm Gǝnɨ
(Mat 24:36-44; Luk 17:26-30,32-36)
32“Mɨ nǝn nʊ nɨ a nyǝm kumɔ jǝbɔ kemʌnɔ jʊ nɨ bwɨm lɛɨ. Bɛtɔ twama Kwaamaɨ a dʌbʌli, jǝbɔ Bʊlagɔ ja nyǝm bɔ. Nǝn Tɨyagɔ kwaagɔ win a nyǝmɨ. 33Bɛ jǝ́ nyǝm! Bɛ jǝ́ yɨ nǝn fɛkalɨ! Jʊ a bwɨɨ mɨ nǝn nʊ nɨ a nyǝm kwamagɔ jǝbɔ kemʌnɔ jʊ nɨ bwɨm lɛɨ. 34Gǝ na na nʊ nɨ a jel shu lɛ a yɔmɨ. Shu lɛɨ, a bǝla dʌngtǝm lɔ gǝnɔ a kang bɛtɔ jwaalɛn gǝnɨ, gwam jinɔ ji nǝn jǝ maatǝm. A sʊwa nǝ dʌngtǝm nyanga lɔngɔ gɔ a yɨ nǝn fɛkalɨ.
35“Gǝ na nyɔ jǝ́ yɨɨ nǝn fɛkalɨ. Jǝ́ nyǝm bɔ kwama nɨ tɛlalɔngɔ bɛm lɛɨ. Kɛna bɛ nǝn kwama kwalɨ jangagɔ a ma kamɨɨ, kɛna bɛ nǝn kwaamɨɨ, kɛna bɛ nǝn sangdɨlangɨ, kɛna bɛ nǝn kumsʌli. 36Jǝ́ yɨ nǝn fɛkalɨ kage ba nya jen mɨ jen nǝn fɛkalɨ, jǝ́ daa dum lɛ. 37Jʊ nɨ mǝ sʊwa lɛɨ, mǝ sʊwa jen gwam, ‘Bɛ jǝ́ yɨɨ nǝn fɛkalɨ!’ ”
Terpilih Sekarang Ini:
Markus 13: DBD
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation
Markus 13
13
Yesu A Sʊwa Kʌbotǝm Nɨ Nya Kan Kwaamanɔ Lɛɨ
(Mat 24:1,2; Luk 21:5,6)
1Yesu jel lɛ a mʊgɔ Kan Kwaaman, nǝngɔ kaa win a mʊgɔ bɛtɔ mɛlalɨ gǝnɔ gǝm a sʊwa gǝn gɔ, “Feyi, dʌng daltɔ tatǝn nɨ jǝbɔ lɔtɨn nɨ a bʊma nyɔ nǝbɔ a mɔbaɨ!”
2Nǝngɔ Yesu a sʊwa gǝn gɔ, “Ń kuwo daltɔ lɔtɨn nɨ ja mɔbaɨ? Mɨsɔ jǝ bǝla kaa tɛl lɛ win a dʌbʌl kaa tɛl. Jǝ kʌbʌm kʌbʌm gwam!”
Tǝltǝm Nɔɔtǝm Gaalantɨnɔ
(Mat 24:3-14; Luk 21:7-19)
3Yesu a bǝla Kan Kwaamanɔ ba yǝm a dʌbʌl tuli Yem Zaitun wʊnɨ dʌng kǝga Kan Kwaamanɔ lɛɨ. Nǝngɔ Bitrus jǝbɔ Yakubu jǝbɔ Yohana jǝbɔ Andarawas ba ja bʌ gǝn daddad gɔ, 4“Sʊwa nǝn, kanjǝl nɨ bwɨ fɨyang? N wɛ yǝlam jǝ nʊngtǝm lɛ gɔ kanjǝl nɨ bwɨ bwɨ mɨsɔ kʊta lɛɨ?”
5Nǝngɔ Yesu a tǝl sʊwa ji lɛ gɔ, “Bɛ jǝ́ nyǝm, kage kaa nǝl a swag jen. 6Nǝbɔ a lada na bɛ lɛ a mʊgɔ dun mɨɨ, sʊwa lɛ gɔ, ‘Mǝ nǝn gɔ.’ Jǝ swag swag nǝbɔ a lada. 7Na jǝ́ nyʊwa kɛl tatǝm kun jǝbɔ fulon kuni, ka jǝ́ nyʊwa lɛ taal. Kanjǝl nɨ bwɨ bwɨ nyɔ, dɨltǝmɔ lǝga bɔ a la dɨn. 8Bǝlǝntǝmɔ tabka tabka kun. Fɔlɔntɨnɔ gabka gabka kɨlan. Jǝ maa maa jʊwan bwɨla jǝbɔ mǝgatǝm tǝm a daatɨnɔ gǝm a lada. Wʊnɨ nǝn gɔ tǝltǝm gaalanɔ dɨnɨ.
9“Bɛ jǝ́ ta dul jenɔ. Jǝ yɔ yɔ nǝn jen a kǝga nǝb dʊʊm koteregɨɨ. Jǝ bʊg jen bʊg a kantɨn mɛlalɨ. Jǝ yɔ yɔ nǝn jen a kǝga bǝ gwamnaɨ jǝbɔ fɔlɔlɔmɔ a kɛl dul mɨ, sǝ jǝ́ nǝ nyiyo a dul mɨ a kǝga jin. 10Dɨltǝm tǝmɔ mɨsɔ bwɨ lɛ, na ja kiyo bɔ bǝlǝntǝmɔ gǝm gwam fulon kɛl lǝmɨgɨɨ. 11Na ja ta jen ja yɔ nǝn jen a kan borangɨ, ka jǝ́ kom lɛ dul jenɔ jengɔ n wɛ jǝ́ gar jim lɛɨ, gwam jʊ nɨ Kwaama a nʊng jeni n jʊ jǝ́ sʊwa lɛ a kwama gɨɨ. N ke bɔ jen jǝ́ gar kɛlɔ lɛɨ, n Yʊwa Kwaamaɨ gar lɛɨ.
12“Kɛ lungto lungto kɨla gɔ ja jʌ, tɛ lungto lungto bʊla gɔ, bɛtɨ gun gun tʌgo a tɛtǝlam jinɔ gǝm, ja jʌ ji. 13Nǝbɔ kɔ jen kɔ a kɛl dul mɨ. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.
Gʌtǝm Bwɨla
(Mat 24:15-28; Luk 21:20-24)
14“Kwama jǝ́ kuwo ‘ja maa jǝ bwɨla wʊnɨ a bʊm bɔ kuwotǝmɨ’ tɨm a daa nɨ a bʊm bɔ ja kuwo gǝn woi,#13:14 Daa nɨ gǝ nʊng Kan Kwaamanɔ. wʊnɨ bɛ lɛ nǝn kaltǝmɨ, (nǝ kiyotǝmɔ bɛ ga nyǝm), bɛ nǝb nɨ a mʊgɔ Yahudiyaɨ ja mwal ja yɔ a mʊgɔ yemtɨn. 15Nʊ nɨ a dul kanɨ ka ga gǝla lɛ gɔ gǝ do kaa jǝl a mʊgɔ lɔ. 16Nʊ nɨ a mʊgɔ tɔtwamɨ ka ga yǝla lɛ gɔ gǝ do dwang kwabtǝm gǝn. 17N mwɛ jen jǝ́ nɔɔtǝm nɨ nǝn fʌli jǝbɔ nɔɔtǝm nabwɛmɔ nǝn kwama gɔ. 18Bɛ jǝ́ maa keli ka jʊ nɨ ya bwɨ lɛ nǝn shena. 19Nǝn kwama gɔ, jǝ maa maa gaalan bwɨla wʊnɨ nǝbɔ a kuwo bɔ woi nǝn jʊ a ta nǝn kwama Kwaama a fwalǝm yooligɔ ba la nǝn kǝngkɨɨ. Kanjǝl bwɨla nɨ a jelka a wʊnɨ mɨsɔ bwɨ lɛ wo tag. 20Na na Tɛlalɔ a biyom bɔ kumtɨnɨ, na mɨ nǝfili nɨ wo bʊʊ lɛɨ. N bʊnatǝm nǝb nɨ ga jǝgǝmɨ nǝngɔ a biyom kumtɨnɨ.
21“Nǝn kwama gɔ, na nǝl a sʊwa jen gɔ, ‘Jǝ́ dʌng, Kiristi n wɔ, jǝ́ dʌng, n wuleni,’ bɛ ka jǝ́ jǝla lɛ. 22Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ. 23A dul kɛl nɨɨ, bɛ jǝ́ nyǝm! N kwɛl n sʊwa jen sǝla kanjǝl nɨ a bwɨ.
Bɛtǝm Bʊla Nǝlɨ
(Mat 24:29-31)
24“A kwama gaalan nɨ bɛm lɛ ba shui,
“ ‘Nu kwamagɔ mɨsɔ fulo lɛ.
Bwaalagɔ tǝgǝn mɨsɔ fulo lɛ.
25Nyanyamɨtɨnɔ jǝ gǝlala
a dʌbʌl kwama sǝ ja tǝla.
Jǝ mǝg mǝg kanjǝl dʊʊntɨn nɨ
a dʌbʌl kwamaɨ.’
26“A kwama gɔ nǝfitʌmɔ kuwo kuwo Bʊla Nǝlɨ bɛ lɛ a mʊgɔ lul nǝn kwaan fɔlɔn gǝnɔ jǝbɔ dʊʊlǝn gǝnɔ. 27Twam twam bɛtɔ twama Kwaamaɨ sǝ a mʊr nǝb nɨ ga jǝgam ji a twalɨ, jǝbɔ a diyengɔ, jǝbɔ a gǝlalangɔ, jǝbɔ a gwilʌngɔ. Jʊ a ta a daa tǝmɔ a dɨlǝmɨ a yɔ nǝn a daa dʌbʌl kwamagɔ ya dɨlǝmɨ.
Mɛlatǝm Nǝn Tɨya Dʌfeng
(Mat 24:32-35)
28“Bɛ jǝ́ mɛla kaa jǝl nǝn tɨya dʌfengɔ. Na kangtɨn gǝnɔ a tǝl to langǝn fɨgɔ lɛɨ, jǝ́ nyǝm shenagɔ a dwama. 29Gǝ na nyɔ tag, na jǝ́ kuwo kanjǝl nɨ bwɨ lɛɨ, bɛ jǝ́ nyǝm a dwama, tɨm a nyanga kan. 30N bɨlǝngkɛl mǝ sʊwa jen nɛɨ, nǝbɔ kal nɨɨ mɨsɔ jǝ bʊla lɛ, na kanjǝl nɨ gwam a bwɨ bɨɨ. 31Dʌbʌlɔ jǝbɔ tǝmɔ dɨ dɨ. Kɛl mǝndɨ mɨsɔ dɨ lɛ wo.
Mɨ Nǝn Nʊ Nɨ A Nyǝm Kum Bɛtǝm Gǝnɨ
(Mat 24:36-44; Luk 17:26-30,32-36)
32“Mɨ nǝn nʊ nɨ a nyǝm kumɔ jǝbɔ kemʌnɔ jʊ nɨ bwɨm lɛɨ. Bɛtɔ twama Kwaamaɨ a dʌbʌli, jǝbɔ Bʊlagɔ ja nyǝm bɔ. Nǝn Tɨyagɔ kwaagɔ win a nyǝmɨ. 33Bɛ jǝ́ nyǝm! Bɛ jǝ́ yɨ nǝn fɛkalɨ! Jʊ a bwɨɨ mɨ nǝn nʊ nɨ a nyǝm kwamagɔ jǝbɔ kemʌnɔ jʊ nɨ bwɨm lɛɨ. 34Gǝ na na nʊ nɨ a jel shu lɛ a yɔmɨ. Shu lɛɨ, a bǝla dʌngtǝm lɔ gǝnɔ a kang bɛtɔ jwaalɛn gǝnɨ, gwam jinɔ ji nǝn jǝ maatǝm. A sʊwa nǝ dʌngtǝm nyanga lɔngɔ gɔ a yɨ nǝn fɛkalɨ.
35“Gǝ na nyɔ jǝ́ yɨɨ nǝn fɛkalɨ. Jǝ́ nyǝm bɔ kwama nɨ tɛlalɔngɔ bɛm lɛɨ. Kɛna bɛ nǝn kwama kwalɨ jangagɔ a ma kamɨɨ, kɛna bɛ nǝn kwaamɨɨ, kɛna bɛ nǝn sangdɨlangɨ, kɛna bɛ nǝn kumsʌli. 36Jǝ́ yɨ nǝn fɛkalɨ kage ba nya jen mɨ jen nǝn fɛkalɨ, jǝ́ daa dum lɛ. 37Jʊ nɨ mǝ sʊwa lɛɨ, mǝ sʊwa jen gwam, ‘Bɛ jǝ́ yɨɨ nǝn fɛkalɨ!’ ”
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation