Markus 5
5
Yesu A Gung Nʊ Nɨ Nǝn Yʊwa Bwɨlaɨ A Garasina
(Mat 8:28-34; Luk 8:26-39)
1Nǝn kwama ba ja la kʌng wɨma wuleni a tǝm Garasinaɨ, 2gǝlatǝm jinɔ a mʊgɔ tɨyamwɛngɨ, kaa nʊ nɨ nǝn yʊwa bwɨlaɨ a jel a kalfʌto nǝngɔ a tǝga gǝnɨ. 3Daa yɨm gǝnɔ n kalfʌto. Na na n golman tagɨ, mɨ nʊ nɨ wo dwal lɛ a kwa gǝn nǝnɨ. 4Na ja kwa naa gǝnɔ jǝbɔ kang gǝnɔ nǝn golmanɨ, gǝ tulolam tulolam. Mɨ nǝn nʊ nɨ gǝ dwal lɛ a ta gǝnɨ. 5Kwangkwang kum jǝbɔ kɔkɔ gǝ yɔ a kalfʌto, jǝbɔ dʌbʌl yem, gaba kwaalɨgɔ lɛ, kwaana bʊtɔ gǝnɔ lɛ nǝn tɛl.
6A dǝg nu gǝnɔ a kuwo Yesu kʊta nyɨɨ, nǝngɔ a mwal ba jʊng a kǝga gǝnɨ. 7A ga kwaalɨ nǝn diil gɔ, “Wɛ a mʊrka ɨ jǝbɔ mʊɨ Yesu Bʊla Kwaamaɨ, Nǝ Dʊʊ? N mʊrka ń jǝbɔ Kwaama ka ń nɨ ɨ lɛ gaalan.” 8A sʊwa kɛl nɨ nǝn kwama Yesu a sʊwam gǝn gɔ, “Jelʌm a bʊtɔ nʊ nɨɨ gǝm, mʊ yʊwa bwɨla nɨ!”
9Nǝngɔ Yesu a bʌ gǝn gɔ, “Dun mʊnɔ nǝn nuwo?” Nǝngɔ a jǝla gɔ, “Dun mǝndɨ nǝn Lada, jʊ a bwɨɨ nǝn lada.” 10Nǝngɔ a kela Yesu nǝn bɨlǝngǝn gɔ ka ga kaa ji lɛ a tǝm nɨɨ.
11A daa gɔ, kaam kʌm nyiyolitɨn ja jam lɛ wo nǝn dɔɔm a gwanga kʊngnǝn yem. 12Nǝngɔ nǝblaam nɨ a kela gǝn gɔ, Yesu a tʊng ji a daa nyiyolitɨnɔ woi, sǝ jǝ dɔ ji. 13Nǝngɔ a jǝla jimi. Nǝngɔ nǝblaam nɨ a jela a dɔ nyiyolitɨnɨ. Nyiyolitɨn nɨ a mʊrka woi, a la fʊlkʊblǝnɔ yo, nǝngɔ ja bwangtǝn gwanga gǝlalangɨ, ya ja tǝla a mʊgɔ wɨmaɨ, jǝ bʊlalaɨ.
14Nǝb nɨ tɔɔ nyiyolitɨn nɨ lɛɨ, nǝngɔ ja mwal ya jǝ sʊwa tuulɔtɨnɔ jǝbɔ keli bǝlǝntǝmɔ fulon jʊ nɨ a bwɨɨ. Nǝngɔ nǝbɔ a jela sǝ ba jǝ kuwo jʊ a bwɨɨ. 15Nǝngɔ ba ja nya Yesu yǝm jǝbɔ nʊ nɨ nǝn yʊwa bwɨla a ladaɨ. A dʊʊ dwang nyantɨn, dul gǝnɔ win. Nǝngɔ taalɔ a ta jii. 16Nǝb nɨ a kuwo jʊ nɨ a bwɨ nǝn balɨ nɨ nǝn yʊwa bwɨlaɨ jǝbɔ nyiyolitɨnɔ a nu jini, ja sʊwa ji kanga a bwɨmɨ. 17Nǝngɔ ja kela Yesu gɔ a jel a bǝla jim tǝm jini.
18Nǝn kwama Yesu dɔm mʊgɔ tɨyamwɛngɔ lɛɨ, nǝngɔ nʊ nɨ ga jǝg gǝm yʊwa bwɨlaɨ a kela gǝn gɔ, jǝ ya dakinii. 19Yesu a jǝla bɔ ga bwang gǝm. A sʊwa gǝn gɔ, “Yǝla yɔ a lɔ a daa kɛtǝlam mʊnɔ woi, ya ń sʊwa ji daltɔ kanjǝl nɨ Tɛlalɔ a maa mʊnɨ, kanga a ji bʊnǝn mʊnɨ.” 20Nǝngɔ a shu ya sʊwa nǝbɔ fulon kɛl nɨ a Dikafolisi, daltɔ kanjǝl nɨ Yesu a maa gǝmɨ. Nǝbɔ gwam a ta kang a nyiyo.
Gungtǝm Bwɛnɔɔlɨ Yayirusi Jǝbɔ Nɔɔlɨ Nɨ A Ke Nyiyo Dwang Malǝng Dʊʊn Yesui
(Mat 9:18-26; Luk 8:40-46)
21Kwama Yesu a yǝla a yabǝm a mʊgɔ tɨyamwɛngɨ, nǝbɔ a lada ba kang gǝn, kwama a kʌng wɨmaɨ. 22Nǝngɔ win a mʊgɔ nǝb dʊʊm kan mɛlalɨgɔ, dunɔ nǝn Yayirus a bɛɨ. Kuwotǝm Yesui, nǝngɔ ba jʊng a kǝga gǝnɨ. 23Nǝngɔ a kela gǝn gɔ ba ga tɨka gǝnɨ, sʊwa gǝn nɛ gɔ, “Bwɛnɔɔlɨ dwalɨ mǝndɨ gǝ na a nyiyo bwaa, bɛ ba ke gǝn, gun gun nǝn kʊlɨ.” 24Nǝngɔ ja yɔ dakinii.
Nǝbɔ a lada bwang gǝm lɛ, jǝ mǝmsa gǝn nɛ nyɔ. 25Kaa nɔɔlɨ wo a daa gɔ, a maa jolɔ kʊb jeli yo tʊʊmɔ jel gǝm lɛ. 26A nɔɔ gaalan dangǝn a kang nǝb bʊʊgɨɨ, a jʌm kemʌn nɨ gǝ nǝn gwamɨ, a nyʊwa bɔ lǝma. Bɔɔla gǝnɔ sʊ lɛ sʊɨ. 27A nyʊwa fulon Yesui, nǝngɔ a bɛ a gul gǝn a kʊm mʊrkalɨ nǝbɨɨ ba ke nyiyo dwang gǝnɨ. 28A sʊwa a nǝl gǝn gɔ, “Na n dʊʊl gǝn mǝ ke dwalɨ, mǝ nya nya gungtǝm.” 29Nǝn kwama a kem gǝnɨ, tʊʊm nɨ jel gǝm lɛɨ, a tɨɨ. A nyʊwa a bʊtɔ gǝn ja gung gǝn a bɔɔla gǝnɔ gǝm.
30Tʌgo a kang Yesu a nyʊwa kwaan gungtǝm nǝbɨɨ a jel a daa gǝ woi. Nǝngɔ a yǝla a dʌng kʊm nǝbɨɨ, a sʊwa gɔ, “Nuwo a ke dʊʊl mǝndɨɨ?”
31Nǝngɔ bɛtɔ mɛlalɨ gǝnɔ a bʌ gǝn gɔ, “Dʌng bwɨ nǝb nɨ a mǝmsa ń nyɨɨ, mʊ nyǝmǝm nǝn nuwo a ke ńi?”
32Nǝngɔ Yesu a yǝla dʌng nʊ nɨ lɛ a ke gǝnɨ. 33Nɔɔlɨ nɨ a nyǝm jʊ nɨ a bwɨ nǝn gɨɨ, nǝngɔ a bɛ a mʊgɔ taal, bʊtɔ gǝnɔ ka lɛ nǝn kʌbkʌb nyɔ, a gǝla a jʊng a kǝga Yesui, a sʊwa gǝn bɨlǝngkɛlɨ. 34Nǝngɔ a sʊwa gǝn gɔ, “Bʊla mɨ, nǝtǝm bɨlǝngkɛl mʊnɔ a gung ń. Yɔ kwamɨgǝn. N gung ń a twɨla mʊnɔ gǝm.”
35Sʊwa kɛlɔ lɛ wo, nǝngɔ kaam nǝbɔ a bɛ a mʊgɔ lɔng Yayirusi, nǝ dʊʊ kan mɛlalɨgɔ, ja sʊwa gɔ, “Bwɛnɔɔlɨ mʊnɔ a bʊla. N wɛ mʊ nǝm feyigɔ gaalan nɛɨ?”
36Yesu a swa bɔ lɔl a jʊ nɨ ja sʊwaɨ. A sʊwa nǝ dʊʊ kan mɛlalɨgɔ gɔ, “Ka ń nyʊwa lɛ taal, nǝ bɨlǝngkɛl.”
37Yesu a jǝla bɔ nǝbɔ a bwang gǝm, na kebɔ Bitrus, jǝbɔ Yakubu jǝbɔ kɨla gɔ Yohanaɨ. 38Ba ja la mʊgɔ lɔ nǝ dʊʊ kan mɛlalɨ nɨɨ, nǝngɔ ja nya tǝmɔ a komaɨ, nǝbɔ ji lɛ, ma bwaalɨgɔ lɛ. 39Yesu a dɔ mʊgɔ lɔngɨ, nǝngɔ a sʊwa ji gɔ, “Wɛ a bwɨ jǝ́ gaba kwaalɨ lɛ, jǝ́ ji wi lɛɨ? Bwɛnɔɔlɨ nɨ a bʊla bɔ bʊlaɨ, gǝ daa dum.” 40Nǝngɔ nǝbɔ a nʊngǝm gǝn nǝn nʊngǝlɨ.
Nǝn kwama ga jǝgǝm ji gwam a mʊgɔ kanɨ, nǝngɔ a yɔ jǝbɔ tɛtɛ bwɛnɔɔlɨgɨɨ, jǝbɔ nɛ bwɛɨ, jǝbɔ bɛtɔ mɛlalɨ gǝnɔ taal a daa nɨ bwɛnɔɔlɨgɔ woi. 41Nǝngɔ a ta kang gǝnɔ a sʊwa gǝn gɔ, “Talita kumi!” Wʊnɨ dǝngdǝng jǝbɔ, “Kǝlɨ bwɛnɔɔlɨ mǝ sʊwa ń mǝʊ ń gun.” 42Nǝngɔ bwɛnɔɔlɨ nɨ a gun yɔ yɔmɔ lɛɨ. Bwɛnɔɔlɨ nɨ jolɔ kʊb jeli yo. Ja ta kang a nyiyo. 43Nǝngɔ Yesu a sʊwa ji gɔ, “Ka jǝ́ kiyo lɛ kaa nǝl gǝm jʊ nɨ a bwɨɨ.” Nǝngɔ a sʊwa ji gɔ, “Jǝ́ nǝ bwɛnɔɔlɨ nɨ jǝjalǝnɔ.”
Terpilih Sekarang Ini:
Markus 5: DBD
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation
Markus 5
5
Yesu A Gung Nʊ Nɨ Nǝn Yʊwa Bwɨlaɨ A Garasina
(Mat 8:28-34; Luk 8:26-39)
1Nǝn kwama ba ja la kʌng wɨma wuleni a tǝm Garasinaɨ, 2gǝlatǝm jinɔ a mʊgɔ tɨyamwɛngɨ, kaa nʊ nɨ nǝn yʊwa bwɨlaɨ a jel a kalfʌto nǝngɔ a tǝga gǝnɨ. 3Daa yɨm gǝnɔ n kalfʌto. Na na n golman tagɨ, mɨ nʊ nɨ wo dwal lɛ a kwa gǝn nǝnɨ. 4Na ja kwa naa gǝnɔ jǝbɔ kang gǝnɔ nǝn golmanɨ, gǝ tulolam tulolam. Mɨ nǝn nʊ nɨ gǝ dwal lɛ a ta gǝnɨ. 5Kwangkwang kum jǝbɔ kɔkɔ gǝ yɔ a kalfʌto, jǝbɔ dʌbʌl yem, gaba kwaalɨgɔ lɛ, kwaana bʊtɔ gǝnɔ lɛ nǝn tɛl.
6A dǝg nu gǝnɔ a kuwo Yesu kʊta nyɨɨ, nǝngɔ a mwal ba jʊng a kǝga gǝnɨ. 7A ga kwaalɨ nǝn diil gɔ, “Wɛ a mʊrka ɨ jǝbɔ mʊɨ Yesu Bʊla Kwaamaɨ, Nǝ Dʊʊ? N mʊrka ń jǝbɔ Kwaama ka ń nɨ ɨ lɛ gaalan.” 8A sʊwa kɛl nɨ nǝn kwama Yesu a sʊwam gǝn gɔ, “Jelʌm a bʊtɔ nʊ nɨɨ gǝm, mʊ yʊwa bwɨla nɨ!”
9Nǝngɔ Yesu a bʌ gǝn gɔ, “Dun mʊnɔ nǝn nuwo?” Nǝngɔ a jǝla gɔ, “Dun mǝndɨ nǝn Lada, jʊ a bwɨɨ nǝn lada.” 10Nǝngɔ a kela Yesu nǝn bɨlǝngǝn gɔ ka ga kaa ji lɛ a tǝm nɨɨ.
11A daa gɔ, kaam kʌm nyiyolitɨn ja jam lɛ wo nǝn dɔɔm a gwanga kʊngnǝn yem. 12Nǝngɔ nǝblaam nɨ a kela gǝn gɔ, Yesu a tʊng ji a daa nyiyolitɨnɔ woi, sǝ jǝ dɔ ji. 13Nǝngɔ a jǝla jimi. Nǝngɔ nǝblaam nɨ a jela a dɔ nyiyolitɨnɨ. Nyiyolitɨn nɨ a mʊrka woi, a la fʊlkʊblǝnɔ yo, nǝngɔ ja bwangtǝn gwanga gǝlalangɨ, ya ja tǝla a mʊgɔ wɨmaɨ, jǝ bʊlalaɨ.
14Nǝb nɨ tɔɔ nyiyolitɨn nɨ lɛɨ, nǝngɔ ja mwal ya jǝ sʊwa tuulɔtɨnɔ jǝbɔ keli bǝlǝntǝmɔ fulon jʊ nɨ a bwɨɨ. Nǝngɔ nǝbɔ a jela sǝ ba jǝ kuwo jʊ a bwɨɨ. 15Nǝngɔ ba ja nya Yesu yǝm jǝbɔ nʊ nɨ nǝn yʊwa bwɨla a ladaɨ. A dʊʊ dwang nyantɨn, dul gǝnɔ win. Nǝngɔ taalɔ a ta jii. 16Nǝb nɨ a kuwo jʊ nɨ a bwɨ nǝn balɨ nɨ nǝn yʊwa bwɨlaɨ jǝbɔ nyiyolitɨnɔ a nu jini, ja sʊwa ji kanga a bwɨmɨ. 17Nǝngɔ ja kela Yesu gɔ a jel a bǝla jim tǝm jini.
18Nǝn kwama Yesu dɔm mʊgɔ tɨyamwɛngɔ lɛɨ, nǝngɔ nʊ nɨ ga jǝg gǝm yʊwa bwɨlaɨ a kela gǝn gɔ, jǝ ya dakinii. 19Yesu a jǝla bɔ ga bwang gǝm. A sʊwa gǝn gɔ, “Yǝla yɔ a lɔ a daa kɛtǝlam mʊnɔ woi, ya ń sʊwa ji daltɔ kanjǝl nɨ Tɛlalɔ a maa mʊnɨ, kanga a ji bʊnǝn mʊnɨ.” 20Nǝngɔ a shu ya sʊwa nǝbɔ fulon kɛl nɨ a Dikafolisi, daltɔ kanjǝl nɨ Yesu a maa gǝmɨ. Nǝbɔ gwam a ta kang a nyiyo.
Gungtǝm Bwɛnɔɔlɨ Yayirusi Jǝbɔ Nɔɔlɨ Nɨ A Ke Nyiyo Dwang Malǝng Dʊʊn Yesui
(Mat 9:18-26; Luk 8:40-46)
21Kwama Yesu a yǝla a yabǝm a mʊgɔ tɨyamwɛngɨ, nǝbɔ a lada ba kang gǝn, kwama a kʌng wɨmaɨ. 22Nǝngɔ win a mʊgɔ nǝb dʊʊm kan mɛlalɨgɔ, dunɔ nǝn Yayirus a bɛɨ. Kuwotǝm Yesui, nǝngɔ ba jʊng a kǝga gǝnɨ. 23Nǝngɔ a kela gǝn gɔ ba ga tɨka gǝnɨ, sʊwa gǝn nɛ gɔ, “Bwɛnɔɔlɨ dwalɨ mǝndɨ gǝ na a nyiyo bwaa, bɛ ba ke gǝn, gun gun nǝn kʊlɨ.” 24Nǝngɔ ja yɔ dakinii.
Nǝbɔ a lada bwang gǝm lɛ, jǝ mǝmsa gǝn nɛ nyɔ. 25Kaa nɔɔlɨ wo a daa gɔ, a maa jolɔ kʊb jeli yo tʊʊmɔ jel gǝm lɛ. 26A nɔɔ gaalan dangǝn a kang nǝb bʊʊgɨɨ, a jʌm kemʌn nɨ gǝ nǝn gwamɨ, a nyʊwa bɔ lǝma. Bɔɔla gǝnɔ sʊ lɛ sʊɨ. 27A nyʊwa fulon Yesui, nǝngɔ a bɛ a gul gǝn a kʊm mʊrkalɨ nǝbɨɨ ba ke nyiyo dwang gǝnɨ. 28A sʊwa a nǝl gǝn gɔ, “Na n dʊʊl gǝn mǝ ke dwalɨ, mǝ nya nya gungtǝm.” 29Nǝn kwama a kem gǝnɨ, tʊʊm nɨ jel gǝm lɛɨ, a tɨɨ. A nyʊwa a bʊtɔ gǝn ja gung gǝn a bɔɔla gǝnɔ gǝm.
30Tʌgo a kang Yesu a nyʊwa kwaan gungtǝm nǝbɨɨ a jel a daa gǝ woi. Nǝngɔ a yǝla a dʌng kʊm nǝbɨɨ, a sʊwa gɔ, “Nuwo a ke dʊʊl mǝndɨɨ?”
31Nǝngɔ bɛtɔ mɛlalɨ gǝnɔ a bʌ gǝn gɔ, “Dʌng bwɨ nǝb nɨ a mǝmsa ń nyɨɨ, mʊ nyǝmǝm nǝn nuwo a ke ńi?”
32Nǝngɔ Yesu a yǝla dʌng nʊ nɨ lɛ a ke gǝnɨ. 33Nɔɔlɨ nɨ a nyǝm jʊ nɨ a bwɨ nǝn gɨɨ, nǝngɔ a bɛ a mʊgɔ taal, bʊtɔ gǝnɔ ka lɛ nǝn kʌbkʌb nyɔ, a gǝla a jʊng a kǝga Yesui, a sʊwa gǝn bɨlǝngkɛlɨ. 34Nǝngɔ a sʊwa gǝn gɔ, “Bʊla mɨ, nǝtǝm bɨlǝngkɛl mʊnɔ a gung ń. Yɔ kwamɨgǝn. N gung ń a twɨla mʊnɔ gǝm.”
35Sʊwa kɛlɔ lɛ wo, nǝngɔ kaam nǝbɔ a bɛ a mʊgɔ lɔng Yayirusi, nǝ dʊʊ kan mɛlalɨgɔ, ja sʊwa gɔ, “Bwɛnɔɔlɨ mʊnɔ a bʊla. N wɛ mʊ nǝm feyigɔ gaalan nɛɨ?”
36Yesu a swa bɔ lɔl a jʊ nɨ ja sʊwaɨ. A sʊwa nǝ dʊʊ kan mɛlalɨgɔ gɔ, “Ka ń nyʊwa lɛ taal, nǝ bɨlǝngkɛl.”
37Yesu a jǝla bɔ nǝbɔ a bwang gǝm, na kebɔ Bitrus, jǝbɔ Yakubu jǝbɔ kɨla gɔ Yohanaɨ. 38Ba ja la mʊgɔ lɔ nǝ dʊʊ kan mɛlalɨ nɨɨ, nǝngɔ ja nya tǝmɔ a komaɨ, nǝbɔ ji lɛ, ma bwaalɨgɔ lɛ. 39Yesu a dɔ mʊgɔ lɔngɨ, nǝngɔ a sʊwa ji gɔ, “Wɛ a bwɨ jǝ́ gaba kwaalɨ lɛ, jǝ́ ji wi lɛɨ? Bwɛnɔɔlɨ nɨ a bʊla bɔ bʊlaɨ, gǝ daa dum.” 40Nǝngɔ nǝbɔ a nʊngǝm gǝn nǝn nʊngǝlɨ.
Nǝn kwama ga jǝgǝm ji gwam a mʊgɔ kanɨ, nǝngɔ a yɔ jǝbɔ tɛtɛ bwɛnɔɔlɨgɨɨ, jǝbɔ nɛ bwɛɨ, jǝbɔ bɛtɔ mɛlalɨ gǝnɔ taal a daa nɨ bwɛnɔɔlɨgɔ woi. 41Nǝngɔ a ta kang gǝnɔ a sʊwa gǝn gɔ, “Talita kumi!” Wʊnɨ dǝngdǝng jǝbɔ, “Kǝlɨ bwɛnɔɔlɨ mǝ sʊwa ń mǝʊ ń gun.” 42Nǝngɔ bwɛnɔɔlɨ nɨ a gun yɔ yɔmɔ lɛɨ. Bwɛnɔɔlɨ nɨ jolɔ kʊb jeli yo. Ja ta kang a nyiyo. 43Nǝngɔ Yesu a sʊwa ji gɔ, “Ka jǝ́ kiyo lɛ kaa nǝl gǝm jʊ nɨ a bwɨɨ.” Nǝngɔ a sʊwa ji gɔ, “Jǝ́ nǝ bwɛnɔɔlɨ nɨ jǝjalǝnɔ.”
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation